close
Bota

Zelensky: Ukraina do të rimarrë territoret e humbura

36007403-f60d-42f2-8c28-f0257cc7dd0e

Presidenti ukrainas Volodymyr Zelensky është shprehur se Rusia ka shumë sisteme raketash për të shkatërruar qytet pas qyteti. Gjatë fjalimit për ndjekësit e tij, Zelensky tha se Ukraina do të rimarrë qytetet ukrainase që janë marrë nën kontrollin rus.

Zelensky thotë se me një furnizim në rritje të armëve perëndimore, Ukraina do të rimarrë territoret e humbura, duke përfshirë Lysychansk dhe qytete të tjera në Donbas.

“Ne do të kthehemi falë taktikave tona, falë rritjes së furnizimit me armë moderne. Ne po ecim gradualisht përpara në rajonin e Kharkiv, në rajonin Kherson. Do të vijë një ditë kur do të themi të njëjtën gjë për Donbasin”, u shpreh Zelensky.

Kujtojmë se dje Rusia ka marrë kontrollin e qytetit ukrainas të Lisiçanskut dhe të gjithë rajonin e vijës së parë të Luhanskut, çka shënon një progres të dukshëm për forcat ruse të cilat kërkojnë kontrollin në lindje të vendit.

Lisiçansk ishte qyteti i fundit i madh që ishte ende në duart e Ukrainës dhe kapja e tij sinjalizon një shtytje më të thellë në rajonin e Donbasit. Ky ka qenë edhe objektivi kryesor i Moskës që nga tërheqja nga Kievi dhe zonat në veri të Ukrainës./tvklan.al

Klan Macedonia

The author Klan Macedonia