close

ANALISTËT: GJYQËSORI PARA SHUMË SFIDAVE

Duke folur për rastet e fundit në PSP, njohësi i çështjeve juridike, Bashkim Selmani  thekson se kjo gjendje edhe është pritur që të vijë, në një formë apo tjetër sepse, siç thekson, PSP-ja nuk arriti që ta godas krimin sepse ky i fundit ishte më i madh se vetë Prokuroria.

Analisti Ilir Luma, thekson se dorëheqja e Janevës flet për rrënimin përfundimtar të gjyqësorit edhe ashtu të komprometuar.  Qeveria sipas Lumës, duhet të ndërmarrë masa rrënjësore për të rregulluar situatën e krijuar.

Analistët theksojnë se faktori ndërkombëtar sa i përket Prokurorisë, gjyqësorit dhe çështjeve të sigurisë nuk do ta tolerojë Maqedoninë sepse pa sigurimin e këtyre tri elementeve nuk do të ketë aderim në BE dhe NATO. Ndërkaq, sipas tyre problem tjetër është edhe fakti që faktori maqedonas nuk është i interesuar për të bërë shtet europian ndërsa sa i përket shqiptarëve ata kanë humbur besimin tek drejtësia. /Blerona Jakupi/

 

Nëse je pranë një vendi ngjarje, ke fotogorafi apo video, atëherë ti raporto. Na shkruaj në klanmacedonia@gmail.com
TI RAPORTON!