close
Screenshot_2

Pritet impakt pozitiv në ekonominë e vendit


Pas anëtarësimit në NATO, në disa nga vendet e sapo pranuara, statistikat shënuan një rritje të investimeve të huaja direkte për 30%. Njohësit e çështjeve ekonomike vlerësojnë nënshkrimi i protokollit do të reflektohet pozitivisht në stabilitetin e përgjithshëm politik dhe ekonomik.

Analizat flasin se pas integrimeve euroatlantike, në disa vende, procesi i përparimit ekonomik shkon ngadalë dhe se kursi i politikave varet edhe nga vullneti politik dhe vendosmëria për reformat e politikbërësve brenda çdo vendi. Nga OEMVP thonë se pritshmëritë janë pozitive.

Pas nënshkrimit të protokollit buxheti i Ministrisë së Mbrojtejes është rrit për 32% më shumë. Zv. ministri i Mbrojtjes Bekim Maksuti vlerëson se kjo rritje e buxhetit do të ketë impakt pozitiv në ekonoinë e vendit.

Anëtarësimi në NATO, para së gjithash paraqet siguri, por ky kriter është një nga çelësat për marrjen e vendimeve për investime. Nga drejtoria e investimeve të huaja thonë se tani më do të varet gjithaçka nga ne se çfarë strategjie do të përdorim për të thithë sa më shumë investitorë.

Në procesin e anëtarësimit në NATO, Maqedonia hyn me përqindje të papunësisë prej rreth 21 për qind, rrogë mesatare prej 380 eurosh, që është më e ulta në rajon dhe më gjerë (me përjashtim të Bosnjë Hercegovinës dhe Kosovës). /Klan Maqedoni/

 

 

Klan Macedonia

The author Klan Macedonia