Gjatë vizitës në Serbi, presidenti francez Emanuel Macron u takua edhe me një grup studentësh, mes të cilëve dy shqiptarë. Ata e njohën presidentin me problematikat që hasin të rinjtë në Ballkan dhe me projektet e tyre për të krijuar një të ardhme në vendlindje.
Rina Kadiri, është nga Rahoveci i Kosovës, kurse Mikel Zito, është nga Vora. Kanë qenë student dhe bëjnë projekte për të rinjët. Tani janë më të qetë pasi kanë kryer misionin në Beograd. Ky është momenti kur presidenti francez, Emanuel Macron, u flet studentëve që janë pjesë e fondacionit Ryco, nga i tërë rajoni.
Rina dhe Mikeli këtu kanë përfaqësuar Kosovën dhe Shqipërinë. Pak orë më vonë thonë se ishin të lumtur për të folur me presidentin francez dhe homologun e tij serb, Aleksandar Vuçiq. Rina thotë se i ka treguar Macron, por edhe Vuçiq për nevojën që kanë të rinjët. Si shqiptare e Kosovës e ka patur me rëndësi përfaqësmin.
Mikeli, thotë si për shaka, se një jetë më e mirë në Ballkan nënkupton qëndrim në vendlindje dhe jo azil në Francë. Por, për ta arritur këtu nevojiten për t’u krijuar kushte.
Presidentët kanë premtuar mbështetje për projektet e tyre pasi rininë e shohin si një mjet pajtimi dhe bashkëpunimin si mënyrë. Vet Vuçiq u premtoj se do të shtoj buxhetin për këto ide pozitive në rajonin e trazuar të Ballkanit. /Idro Seferi, Beograd/
