Ekonomi

Ballkan Energji Grup BEG – Prodhimtaria nuk ka bazë ligjore për të menaxhuar me ngrohtoret, nuk ka obligim të vazhdojë aktivitetin në sezonin e ri të ngrohjes, as nuk ka asnjë mundësi financiare apo aftësi kreditore për të blerë lëndë djegëse për prodhimin e energjisë termike. Kështu ka theksuar sot kompania BEG – Prodhimtaria në kumtesë pas informimit se duhet të vazhdojë furnizimin me energji termike edhe në sezonin e ri të ngrohjes deri në përzgjedhjen e bartësit të ri të licencës.

Prej kompanisë theksojnë se në përputhje me nenin 51 të Ligjit për energjetikën, kishin detyrim ligjor që të vazhdonin ushtrimin e aktivitetit, deri në skadimin e afatit prej 90 ditë për zgjedhjen e ushtruesit të ri të aktivitetit, i cili tashmë ka skaduar. Gjatë kësaj periudhe, thonë ata, BEG Prodhumtaria ka vazhduar të kryejë aktivitetin dhe ka kryer të gjitha aktivitetet e nevojshme në ngrohtoret në mënyrë që mbajtësi i ri i licencës të mund të fillojë pa probleme sezonin e ri të ngrohjes.

“BEG Prodhimtaria nuk ka bazë ligjore për shfrytëzimin e ngrohtoreve sepse marrëveshja është ndërprerë dhe pronari i ri i ngrohtoreve ka kërkuar dorëzimin e tyre. Gjithashtu, kompania është në pamundësi financiare për të kryer aktivitetin, për shkak të humbjeve të mëdha të shkaktuara në sezonin e kaluar të ngrohjes si pasojë e rritjes disafish të kostove për blerjen e energjisë dhe energjisë elektrike, të cilat nuk mbuloheshin nga tarifat e miratuara nga Komisioni Rregullator për Energjetikë. Për këto arsye më 09.06.2022 BEG – Prodhimtaria ka paraqitur kërkesë në KRRE për ndërprerjen e licencës me qëllim zgjedhjen e menjëhershme dhe pa probleme të bartësit të ri të licencës për aktivitetin e prodhimit të energjisë termike për sezonin e ri të ngrohjes. Më datë 20.06.2022 KRRE ka marrë vendim për ndërprerjen e licencës së BEG-Prodhimtari”, thuhet në kumtesë.

Në lidhje me marrëveshjen për bashkëpunim afarist-teknik ndërmjet BEG Prodhimtari dhe SHA “ESM”, thonë se vlefshmëria e saj ka qenë deri më 31 mars të këtij viti, gjegjësisht ka skaduar.

Hapja publike e ofertave për zgjedhjen e kompanisë që do të prodhojë, shpërndajë dhe furnizojë me energji ngrohëse për konsumatorët në një pjesë të qytetit të Shkupit është mbajtur më 13 shtator. Ofertat janë dorëzuar nga SHPK ESM PRODHIMTARIA E NGROHJES Shkup, SHPK ESM SHPËRNDARJA E NGROHJES Shkup, SHPK ESM FURNIZIMI I NGROHJES Shkup, tre kompanitë që janë formuar pas revokimit të licencave të BEG./MIA

Komisioni Rregullator i Energjetikës dhe i Shërbimeve të Ujit i Republikës së Maqedonisë së Veriut solli vendimin, me të cilin bëhet ulja e çmimeve të shitjes me pakicë të derivateve të naftës mesatarisht për 0,14% në raport me vendimin e datës 21.9.2022.
Çmimi i shitjes me pakicë i EUROSUPERIT BS-98 ulet për 1,00 den/litër, ndërsa çmimi i shitjes me pakicë i ЕUROSUPERIT BS-95 ulet për 0,50 den/litër.
Çmimet e shitjes me pakicë të EURODIZELIT (D-Е V) dhe të Vajit Ekstra të Lehtë për Amvisëri (ЕL-1) rriten për 1,00 denarë/litër.
Çmimi i shitjes me pakicë i Мazutit М-1 SU ulet për 0,623 den/kg dhe tani do të jetë 49,768 den/kg.
Nga data 27.9.2022, ora 00:01 çmimet maksimale të derivateve të naftës do të jenë:
Benzinë motori EUROSUPER BS – 95 84,00 (denarë/litër)
Benzinë motori EUROSUPER BS – 98 86,00 (denarë/litër)
Naftë motori EURODIZEL BS (D-E V) 91,00 (denarë/litër)
Vaj për Djegie Ekstra i Lehtë 1 (EL-1) 87,50 (denarë/litër)
Mazut М-1 SU 49,768 (denarë/kilogram)
Çmimet referente të derivateve të naftës në tregun botëror, në krahasim me përllogaritjen e mëparshme shënojnë ulje mesatarisht: te benzina për 3,158 %, te nafta ka rritje për 0,928 %, te vaji ekstra i lehtë ka rritje për 0,834 % dhe te mazuti ulja është 2,998 % .
Kursi i denarit në raport me dollarin në periudhën e kaluar, sipas të cilit janë formuar çmimet në përllogaritjen e mëparshme, është më i lartë për 0,762%.
Theksojmë se këto janë çmimet maksimale të derivateve të naftës nga ora 00:01 e datës 27.9.2022. Tregtarët me shumicë dhe pakicë me derivate të naftës dhe lëndë djegëse për transport, mund t’i formulojnë çmimet e derivateve të ndryshme të naftës dhe lëndëve djegëse për transport edhe më të ulëta se çmimet më të larta që janë përcaktuar

Qeveria hartoi buxhetin e ri që parashikonte shkurtimin e taksave mes shpresës për rritjen e huamarrjes

Paundi ka rënë në një nivel rekord kundrejt dollarit duke nxitur spekulime për një përgjigje urgjente nga Banka e Anglisë.

Reuters raporton se stërlina ra nën 1,05 Dollarë. Kancelari Këasi Këarteng ka premtuar më shumë shkurtime taksash mbi një paketë prej 45 miliardë funtesh që ai njoftoi gjatë javës së kaluar me shpresën që huamarrja do të rritet.

Këasi përshëndeti një “epokë të re” për ekonominë, tatimi mbi të ardhurat dhe taksat për blerjet e shtëpive do të ulen dhe rritjet e planifikuara për taksat e biznesit janë hequr. Shqetësimi i se normat e larta të interesit do të dëmtojnë rritjen goditi edhe monedhat dhe aksionet e Azisë, me eksportuesit nga prodhuesit japonezë dhe australianë të makinave të goditur rëndë.

Paundi ra gati 5% duke thyer nivelin e vitit 1985 dhe që prej agresionit rus ka qenë gjithashtu nën presion për shkak të fuqisë së dollarit. Euro preku gjithashtu një nivel të ulët 20-vjeçar kundrejt Dollarit mes shqetësimeve të investitorëve për rrezikun e recesionit, ndërsa dimri po afron duke nxitur një krizë energjetike për shkak të luftës në Ukrainë.

Nëse Paundi qëndron në këtë nivel të ulët kundrejt dollarit, importet e mallrave me çmim në dollarë, përfshirë naftën dhe gazin, do të jenë më të kushtueshme. Mallra të tjera nga SHBA mund të jenë gjithashtu shumë më të shtrenjta.

Laburistët janë shprehur se shkurtimi i taksave nuk do të zgjidhte krizën e kostos së jetesës dhe ishte një plan për të shpërblyer tashmë të pasurit. Disa investitorë mendojnë se Banka e Anglisë do të detyrohet të ndërmarrë veprime urgjente për të ndaluar rënien e Paundit.

Klan News

Sondazhet tregojnë se aktiviteti i bizneseve dhe kompanive pësoi rënien e tretë rradhazi për shkak të kostove të larta

Një rënie në aktivitetin e biznesit në të gjithë zonën e Euros filloj që të intesifikohej më fillimin e muajit Shtator sipas një sondazhi që tregoi se ekonomia ka të ngjarë të hyjë në një recesion pasi konsumatorët frenojnë shpenzimet mes rritjes së kostos së jetesës.

Industritë, por edhe kompanitë e vogla u goditën veçanërisht rëndë nga kostot e larta të energjisë pasi pushtimi rus i Ukrainës solli rritje të çmimeve të gazit, ndërsa industria dominuese e shërbimeve brenda vendeve anëtare të bllokut pësoi humbje pasi konsumatorët qëndruan në shtëpi për të kursyer para.

Indeksi i Blerjeve PMI i S&P Global i parë si një matës i mirë i përgjithshëm ekonomik, ra në 48.2 në Shtator nga 48.9 në Gusht. Kjo rënie e tretë radhazi për Eurozonën tregon se aktiviteti i biznesit është tkurrur gjatë gjithë tremujorit. Kjo konfirmon pikëpamjen që një recesion mund të ketë filluar tashmë.

Rënia e aktivitetit të biznesit gjerman u thellua pasi kostot më të larta të energjisë goditën ekonominë më të madhe të Evropës dhe kompanitë panë një rënie në bizneset e reja. Megjithatë, në Francë aktiviteti ishte më i lartë se sa pritej, sondazhet treguan se ekonomia e dytë më e madhe e Eurozonës është ende në vështirësi.

Ekspertët janë shprehur se Gjermania do të vuajë më shumë se shumica e vendeve të tjera gjatë tremujorëve të ardhshëm, pasi kostot e larta të energjisë do të rëndojnë industrinë energjetike. Në Britani, jashtë Bashkimit Evropian, ekonomia u përkeqësua pasi firmat luftuan me kostot në rritje.

Me çmimet në rritje përsëri dhe kërkesën në rënie, optimizmi për 12 muajt e ardhshëm ka filluar të zbehet. Indeksi i biznesit ra në 53.8% nga 56.6%, më i ulti që nga Maji 2020. Frika e recesionit shumë shqetësuese për Bankën Qendrore Evropiane, e cila rriti normat e saj bazë të interesit me 75 pikë bazë në fillim të Shtatorit, në përpjekje për të zbutur inflacionin tregoi se çmimet u rritën më shpejt këtë muaj.

Klan News

Në bazë të njoftimit të marrë për një produkt të pasigurt të vendosur në treg në Republikën e Maqedonisë së Veriut, – hot dog-ët e markës Wudy, në të cilët është përcaktuar prania e baktereve Listeria monocytogenes ST 155 në një shtet anëtar të BE-së, si pikë kontakti i Sistemit Rapid Food Alert and Food for Animal Nutrition (RASSF) i Bashkimit Evropian, Agjencia e Ushqimit dhe Veterinarisë (FAV), ka urdhëruar tërheqjen e menjëhershme të grupeve të mëposhtme të pasigurta të këtij produkti:

Në kompaninë importuese është bërë kontroll i jashtëzakonshëm dhe është konstatuar se 3030 kilogramë nga tufat e kontestuara, të cilat disa herë janë importuar në vend, ndodhen në magazina, të cilat janë vendosur nën mbikëqyrje zyrtare. Këto sasi do të asgjësohen në mënyrë të padëmshme bashkë me sasitë që do të tërhiqen nga tregu.

NGA AUV u bëjnë thirrje gjithë konsumatorëve të cilët kanë blerë seritë e treguara të produktit  të mos i përdorin ato, pra t’i kthejnë në vendin ku janë blerë.

Eurostat: Në krye Hungaria me rritje 66%

Kurrë më parë, buka nuk ka qenë kaq e shtrenjtë nëpër Europë, sa ç’është rritur muajt e fundit si pasojë e krizës së shkaktuar nga ndërhyrja ushtarake ruse në Ukrainë.

Statistikat e Eurostat tregojnë se në Gusht, çmimi i bukës ishte 18% më i shtrenjtë krahasuar me të njëjtën periudhë të një viti më parë. Ndikimin më negativ, sulmi rus e ka pasur në vendet e lindjes së Bashkimit Europian.

Në krye të vendeve të Unionit për rritjen mesatare të çmimit të bukës qëndron Hungaria. Në një vit, buka u shtrenjtua me 66%. Pasojnë vendet baltike, Polonia, Kroacia e Sllovakia, ku çmimi u rrit me më shumë se 30%. Këto vende kanë pasur edhe varësinë më të madhe mielli i importuar nga Rusia dhe Ukraina, furnizuesit më të mëdhenj të tregut europian deri para vendosjes së sanksioneve të ashpra ekonomike ndaj Rusisë.

Ndërsa mes vendeve perëndimore të Bashkimit Europian ku varësia ndaj miellit rus ishte shumë e ulët, rritja nuk e kapërcen 17%-shin, ku këtë nivel e ka prekur Gjermania. Rritjen më të ulët mes vendeve të unionit e ka Franca. Ndërsa Zvicra ka rritjen më ulët të mundshme si pjesë e tregut të përbashkët europian, pavarësisht se është vend jo anëtar.

Tv Klan

Komisioni Rregullator i Energjetikës dhe i Shërbimeve të Ujit i Republikës së Maqedonisë së Veriut solli vendimin, me të cilin bëhet ulja e çmimeve të shitjes me pakicë të derivateve të naftës mesatarisht për 1,38% në raport me vendimin e datës 16.9.2022.

Çmimi i shitjes me pakicë i ЕURODIZELIT (D-Е V) ulet për 3,00 den/litër, ndërsa çmimi i shitjes me pakicë i Vajit Ekstra të Lehtë për Amvisëri (ЕL-1) ulet për 1,50 den/litër.

Çmimi i shitjes me pakicë i Мazutit М-1 SU ulet për 1,082 den/kg dhe tani do të jetë 50,391 den/kg.

Çmimet e shitjes me pakicë të benzinës EUROSUPER BS-95 dhe EUROSUPER BS-98 nuk ndryshojnë.

Nga data 20.9.2022, ora 00:01 çmimet maksimale të derivateve të naftës do të jenë:
Benzinë motori EUROSUPER BS – 95 84,50 (denarë/litër)
Benzinë motori EUROSUPER BS – 98 87,00 (denarë/litër)
Naftë motori EURODIZEL BS (D-E V) 92,00 (denarë/litër)
Vaj për Djegie Ekstra i Lehtë 1 (EL-1) 89,00 (denarë/litër)
Mazut М-1 SU 50,391 (denarë/kilogram)

Çmimet referente të derivateve të naftës në tregun botëror, në krahasim me përllogaritjen e mëparshme, shënojnë rritje mesatarisht: te benzina për 1,807 %, te nafta ka ulje për 3,978 %, te vaji ekstra i lehtë ka ulje për 2,120 % dhe te mazuti ka ulje për 0,908% .

Kursi i denarit në raport me dollarin në periudhën e kaluar, sipas të cilës janë formuar çmimet në përllogaritjen e mëparshme, është më i ulët për 0,218%. Theksojmë se këto janë çmimet maksimale të derivateve të naftës nga ora 00:01 e datës 20.9.2022. Tregtarët me shumicë dhe pakicë me derivate të naftës dhe lëndë djegëse për transport, mund t’i formulojnë çmimet e derivateve të ndryshme të naftës dhe lëndëve djegëse për transport edhe më të ulëta se çmimet më të larta që janë përcaktuar.

Analistët janë shprehur se tregu po vuan ende ndaj sanksioneve të vendosura për shkak të agresionit rus

Çmimet e naftës u rritën pasi Dollari ra ndjeshëm duke rritur kështu shqetësimet për furnizimin me naftë përpara se Bashkimi Europian të vendosë një embargo të naftës ruse në muajin Dhjetor.

Nafta në bursën amerikane u rrit me 39 cent ose me 0.5% duke shkuar në 85.50 Dollarë për fuçi ndërsa nafta në bursën e Londrës u rrit me 0.7% duke arritur në 91.95 Dollarë për fuçi.

Analistët janë shprehur se tregu po vuan ende ndaj sanksionet evropiane pasi një pjesë e madhe e shteteve janë të varura ndaj naftës ruse. Meqenëse furnizimi është ndërprerë në fillim të Dhjetorit, tregu nuk ka gjasa të shohë ndonjë reagim të shpejtë nga prodhuesit amerikanë.

Si nafta në bursën amerikane dhe ajo në bursën e Londrës ranë me më shumë se 1% javën e kaluar për shkak të shqetësimeve se një rritje tjetër e normës së interesit nga Rezervat Federale që mund të ngadalësojë rritjen globale. Një Dollar amerikan më i dobët i bën mallrat në Dollarë më pak të shtrenjta.

Shtetet e Gjirit aktualisht prodhojnë më shumë se 2.8 milionë fuçi naftë në ditë në përputhje me kuotën e OPEC-ut. Po ashtu edhe eksportet e naftës nga terminali në Basrah i Irakut janë rikthyer në normat e tyre normale, pasi u ndërprenë për shkak të një derdhjeje që tani është kontrolluar.

Duke sinjalizuar më shumë furnizime nga Shtetet e Bashkuara, firmat amerikane të energjisë shtuan platformat e naftës dhe gazit natyror për herë të parë javën e kaluar. Numri i platformave të naftës dhe gazit, një tregues i hershëm i prodhimit të ardhshëm u në 763, më i larti që nga Gushti.

Klan News

Elektranat e Maqedonisë së Veriut njoftojnë se ka filluar remonti i Bllokut 1 të TEC Manastir. Nga sot dhe në tridhjetë ditët e ardhshme impianti do t’i nënshtrohet operacioneve të nevojshme për të rritur stabilitetin e tij dhe besueshmërinë gjatë sezonit të ardhshëm të ngrohjes.

“Për shkak të krizës energjetike në të cilën ndodhet Republika e Maqedonisë së Veriut dhe Evropa dhe nevoja nga  prodhimi i vazhdueshëm i rritur i energjisë elektrike, remonti i Bllokut 1 të TEC Manastir do të kryhet në një kohë më të shkurtër se periudha e zakonshme.

Nevojat për energji elektrike të qytetarëve dhe konsumatorëve të vegjël plotësohen plotësisht përmes kapaciteteve të tjera prodhuese të SHA EMV. Prej sot është vënë në punë TEC Osllomej, ndërsa nga 22 shtatori do të fillojë të punojë edhe TEC Negotinë. Pas përfundimit të remontit të Bllokut 1, janë planifikuar aktivitete të remontit edhe në bllokun 2, ndërsa Blloku 3 pritet të vihet në funksion në fillim të muajit nëntor, informojnë nga SHA EMV”

Shumë para për gaz dhe rrymën elektrike, kjo nuk është gjë e re për bukëpjekësit. Çmimet aktuale të energjisë për shumë sektorë po bëhen të papërballueshme.