close

Emisione

KultartKulture

Enver Petrovci mer çmim për dramën “Muslimani” në festivalin ‘Teatri Shqiptar në RMV’

REGERGGGER

Drama “Muslimani” e Teatrit Kombëtar të Kosovës nga Enver Petrovci në cilësinë e regjisorit, autorit dhe aktorit së bashku me aktoren Vlora Nikçi, është nderuar me tri çmime.

Yjet e kinematografisë shqiptare morën tri çmime në festivalin “Teatri Shqiptar në Maqedoninë e Veriut”, Dibër, në edicionin e XXI.

Bëhet fjalë për çmimet: ‘Shfaqja më e mirë’, një çmim të Petrovcit për ‘aktorin më të mirë’ si dhe për çmimin e ‘aktores më të mirë’ me protagoniste Nikçi.

Drama, me tekst dhe regji të Enver Petrovcit, duhet theksuar se nga 21 marsi ka filluar të shfaqet në TKK.

Kjo shfaqje ndërkaq prezanton se si ndër shqiptarët është e ndaluar martesa e bashkëkombasve të feve të ndryshme dhe si ky koncept ndryshon kur protagonisti kryesor dashurohet.

Më poshtë ua sjellim edhe postimin e plotë të bërë në Teatrin Kombëtar të Kosovës (pa ndërhyrje):
“NĒ FESTIVALIN “TEATRI SHQIPTAR NĒ MAQEDONINĒ E VERIUT”, DIBĒR EDICIONI I XXI.

Nata finale na ofroi kënaqësinë të shohim se drama e Teatrit Kombetare te Kosoves, “Myslimani” nga profesori Enver Petrovci në cilësinë e autorit, regjisorit dhe aktorit kryesor se bashku me aktore Vlora Nikçi, u nderuan me keto cmime:

1- Shfaqja me e mire- “Muslimani”

2- Aktori me i mire protagonist- Enver Petrovci

3- Aktorja me e mire protagoniste- Vlora Nikçi”.

read more
KultartKulture

Dubai prezanton bibliotekën gjigande

fggwe4gr

Me një kapacitet 54,000 metra katrorë, bibloteka mund të presë 1000 vizitorë

E ndërtuar në formën e një libri, biblioteka më e re e Dubait i jep publikut akses në qendrën më të madhe kulturore të këtij lloji në rajon.

Me raftet e tij të mëdha të librave, kjo biblotekë prej 54,000 metrash katrorë ka kapacitetin për të mirëpritur 1,000 vizitorë në të njëjtën kohë, duke ofruar mbi 1 milion libra të printuar dhe dixhitalë dhe më shumë se 6 milionë artikuj shkencorë.

“Nga kjo bibliotekë me siguri do të përfitojë çdo person që bën kërkime apo studion dhe ofron akses në informacione të reja. Kjo është një bibliotekë e mrekullueshme ,” thotë një vizitor i bibliotekës.

Ndërsa Mohammed al-Murr i cili është punonjës i kësaj bibloteke e përshkruan vlerat e saj.

“Biblioteka e Mohammed Bin Rashid është biblioteka më e re në botën arabe. Ne u siguruam që në fillim që ajo të ishte një bibliotekë moderne dhe një burim njohurish , jo një bibliotekë tradicionale.”- thotë ai për agjencinë e lajmeve Reuters.

Në katin e shtatë të ndërtesës mund të gjenden “Thesaret e bibliotekës” një ekspozitë që shfaq një koleksion librash të rrallë dhe të vjetër, atlase, dorëshkrime dhe dokumente, disa prej tyre që datojnë në shekullin e 13-të.

Klan News

read more
Emisione

Halil Kastrati: Jam rritur i varfër dhe jetim, kështu që e di se çfarë ndjejnë ata (VIDEO)

eeer

Hoxha i mirënjohur dhe humanisti Halil Kastrati në emisionin ”Pit Stop” në Klan Maqedoni tregoi rreth historisë së Jetimave të Ballkanit dhe shtëpisë së pleqve të ndërtuar po nga kjo shoqatë.

”Starti ka qenë si nje kuzhinë humanitare është marrë shembull në Itali, pastaj atje ka lindur ideja me ardhë në Kosovë me hap një kuzhinë ne aty kemi mësuar, dhe aty ka filluar cdo gje. Ne vetë jemi rritë edhe si këta familjet që ju ndihmojmë, une edhe si familje po edhe si Halil pastaj Kosova ka pasur edhe rastin e luftës që kemi qenë nevojtar gjithashtu edhe un me familjen time, por si Halil dhe Jetimat e Ballkanit ende e shoh si ëndër se si kemi arritur në një periudhë 13 vjecare me nje shkallë ku jemi sot.” /KlanMacedonia/

read more
EmisioneVendi

Macja mysafir i pazakontë në xhami, Imami rrëfen për mikëpritjen e ngrohtë nga xhemati

erfewrfewr

Imami Muharem Ismaili nga Shkupi , në një intervistë për KlanMacedoni ka zbuluar detaje interesante nga maca e cila po qëndron në Xhami çdo ditë bashkë me xhematin.

”Kjo macë vetëvetiu ka ardhur në Xhami , edhe dal ngadalë spontanisht xhemati ka filluar ta don macën edhe kjo macë ti don xhematin, është një macë shumë e butë dhe shumë e dashur dhe shumë e pastër njëkohësisht. Reagimi i xhematit çdoherë ka pro dhe kundër por shumica e duan, kjo është edhe për neve dukuri e re sepse ka një vit që është bërë pjesë e xhamisë tonë dhe kemi filluar të adaptohemi bile edhe kur nuk e shohim një kohë pyesim për të, sidomos xhemati më i ri fëmijët e duan shumë dhe shpesh më thonë hoxho a ban me e prek.

Unë gjithmonë kam thënë se në dispozitat islame maca është kafshë e pastër dhe nuk ndikon negativisht në ambientin ku lutemi dhe në rrobat me të cilat ne falemi, tha imami i Xhamisë , Muharem Ismaili”./KlanMacedonia/

 

read more
EmisioneShowbiz

LOVE STORY 2 RIKTHEHET NË TV KLAN

LS

ZBULONI PROTAGONISTËT DHE ÇFARË NDODHI NË “VILËN E DASHURISË”

Love Story rikthehet në ekranin e Televizionit Klan. Sezoni i dytë i spektaklit të dashurisë ngre siparin të hënën (15 Nëntor) në orën 20:10 live nën moderimin e Alketa Vejsiut dhe regjisores Vera Grabocka.

Love Story 2 premton shumë surpriza dhe të papritura nga autorja e programit, Ilda Lumani.

20 konkurrentë do të luftojnë për të fituar zemrën e dy fronistëve. Por cilët janë protagonistët e këtij edicioni të dytë? I pari tashmë është zbuluar dhe ai është Kristi, djali i Robert Aliajt.

Emocionet do të jenë edhe më të mëdha, pasi njësoj si dhe vitin e kaluar, Robert Aliaj do të jetë opinionist, por këtë herë do të duhet të gjykojë edhe djalin e tij.

Ndërsa protagonisti i dytë është një vajzë. Ajo që dimë deri tani është fakti se punon si stjuardesë dhe ka përfunduar studimet për financë. Për të mësuar se cila do të jetë ajo, do të duhet të presim deri të hënën.

Një tjetër surprizë e edicionit të dytë është edhe opinionisti i tretë. Përveç Robert Aliajt dhe Jerina Lalajt, e cila ishte pjesë e Love Story edhe sezonin e kaluar, një person i tretë do t’i bashkohet këtij paneli. Ky opinionist vjen nga Shtetet e Bashkuara të Amerikës direkt e në studion e Love Story 2 që nis të hënën në orën 20:10 vetëm në ekranin e Televizionit Kombëtar Klan.

Këtë herë formatit të dashurisë i shtohet edhe një program ditor në Tv Klan në moderimin e Eni Shehut çdo ditë nga e hëna në të premte prej datës 16 Nëntor në orën 16:05 fillon “Love Story Talk” me dy opinionistet Zhaklina Lekatari dhe Xhensila Pere. /tvklan.al

 

read more
EmisioneVendi

FILOLOGIA QË FITOI BETEJËN ME KANCERIN E GJIRIT

hday

SEFERI: JU INKURAJOJ, BËNI KONTROLLET, TË PAKTËN NJË HERË NË VIT

 

Në dy dekadat e fundit, numri i përgjithshëm i njerëzve të diagnostikuar me kancer gati u dyfishua, nga rreth 10 milion në vitin 2000, në 19.3 milion në 2020-ën. Ndërkaq sot, një në pesë njerëz në të gjithë botën po preken me kancer gjatë jetës së tyre. Projeksionet sugjerojnë që numri i njerëzve që diagnostikohen me kancer do të rritet akoma më tej në vitet e ardhshme dhe do të jetë gati 50% më i lartë në 2040 sesa në 2020. Në lidhje me këtë temë sjellim një histori reale ku në programin e mëngjesit Happy Day e ftuara Antigona Seferi rrëfen betejën me kancerin e gjirit.

Antigona Seferi është filologe me profesion por në studion tonë erdhi për të diskutuar një temë tjetër. Ajo mori guximin që ekskluzivisht për KlanMaqedoni të rrëfejë sfidën me sëmundjen e shekullit – Kancerin e Gjirit dhe betejën e saj me këtë sëmundje. Për shkak të përvojës së saj të hidhur, ajo i këshillon të gjitha gratë që mos t`i anashkalojnë kontrollet rutinore, të cilat mund t’a parandalojnë të njejtën.

ANTIGONA SEFERI – FILOLOGE

“Duke ndjek tumorin mashkullor beninjë, tek unë besoj se më shpëtoi jetën se në anën tjetër pa fijen e shenjës është paraqit kanceri të cilin nuk e dija dhe ishte një sfidë tepër e vështirë për mua. Sepse unë paralelisht kam kaluar edhe kancerin edhe koronën”

Ajo, gjatë rrëfimit emocional, tha se rrugët e shërimit janë shumë të vështira, por një grua me fuqinë që ka brenda, mund t’ia dalë.

ANTIGONA SEFERI – FILOLOGE

“Ju inkurajoj të gjithë juve që më ndiqni jeni nëna, jeni gjyshe, a jeni vajza të reja ju lutem shkoni të paktën mos më shumë një herë në vit bëjeni një kontroll vetes, nuk ju kushton asgjë, as kohë as para, ku ta mundëson edhe shteti mbulon fondi ehot, nuk është ngarkesë për personin mund ta bëje një kontroll çdo njeri edhe ai që ka para edhe ai që nuk ka”.

Ndryshe, në vitin 2020 një në dhjetë paciente ishin me kancer gjiri ku numri arriti në 2.26 milion raste të reja, përpos femrave 2% në botë prek edhe meshkujt, ku edhe nga ata kërkohen kontrollet rutinore të cilat mund të shpëtojnë jetë.  

read more
1 2 3 32
Page 1 of 32