close

Kuriozitet

Kuriozitet

Kuptimi i simbolit në këpucët e Meghan Markle teksa i bënte nderimet Mbretëreshës Elizabeth II

MEGHAN-1

Meghan Markle është kthyer në një ikonë të modës falë stilit të saj, por këpucët që veshi teksa i bënte nderimet Mbretëreshës Elizabeth II, i kanë bërë njerëzit që të kenë mjaft dyshime. Duke iu bashkuar pjesës tjetër të familjes mbretërore në Pallatin e Westminsterit këtë javë, Dukesha e Sussex-it u vesh në të zeza nga koka te këmbët, duke përfshirë një palë taka të thjeshta por elegante.

Kur po i bënte nderimet e saj Mbretëreshës së ndjerë Elizabeth II, fansat vunë re një simbol të pazakontë në këpucët e saj. Shumë pyesnin nëse tre linjat e drejta dhe një e lakuar, ishin një nderim i personalizuar apo ndoshta dhe një shenjë homazhi për gjyshen e bashkëshortit të saj.

Sidoqoftë, ekspertët e modës e kuptuan shpejt se çfarë kuptimi kishin shenjat P dhe A. Këpucët klasike janë bërë nga Paul Andrew, një stilist i modës nga Berkshire, i cili tani shet këpucët e tij nga Nju Jorku.

Njerëzit besojnë se ajo ka veshur takat e tij Pump It Up , të cilat i kishte veshur më parë për një fejesë mbretërore në Irlandë përpara se ajo dhe Harry të linin anëtarët e familjes mbretërore për një jetë të re në SHBA./tvklan.al

read more
Kuriozitet

Aligatori gjigand ‘përcillet’ me karrotrec nga banorët

aligatori1

Një aligator 3 metra i gjatë u largua me karrotrec nga një lagje në Hjuston, Teksas. Zvarraniku gjigand u pikas nga banorët teksa endej në kopshtet e tyre.

Kujdestari që kapi aligatorin tha se mosha e tij mund të jetë rreth 95 vjeç. Grabitqari u dërgua në një fermë aligatorësh jo shumë larg qytetit, ku do të marrë kujdesin e nevojshëm për të./tvklan.al

read more
Kuriozitet

Hulumtim mbi inteligjencën e popujve, ku renditen shqiptarët?

auto_Pretendon-se-je-inteligjent-Atehere-provo-kete-test1606916261

Vendi ynë renditet në vendin e 109-të në mesin e një liste të gjatë prej 199 vendesh

A janë shqiptarët një popull inteligjent dhe ku qëndrojmë ne në krahasim me vendet e tjera të botës?

Përgjigjen e kësaj pyetje e jep një hulumtim i kryer nga Uorlld Popjullejshën Rivju. Në listën e gjatë prej 199 vendesh është matur koeficienti i inteligjencës së çdo vendi. Për disa dekada, Koeficienti i Inteligjencës është përdorur për të matur përafërsisht inteligjencën e një individi ose një grupi individësh në raport me pjesën tjetër të popullsisë. Koeficienti i Inteligjencës së çdo personi vlerësohet me metoda të ndryshme, të cilat zakonisht përfshijnë teste me pyetje ose procedura me objekte të specifikuara.

Shumica e njerëzve në mbarë botën pra rreth 68% kanë një koeficient inteligjence që varjon nga 85 në 115. Në vendin e parë me koeficientin më të lartë të inteligjencës renditet Japonia e pasuar nga Tajvani, Singapori, Hong Kongu dhe Kina.

Shtetet evropiane që kanë arritur të futen në top dhjetëshen janë Bjellorusia, Finlanda , Lihtenshtajni , por edhe Holanda dhe Gjermania.

Shumë mund të pyesin se ku ndodhet vendi ynë në këtë renditje. Shqipëria renditet e 109-ta në këtë listë të gjatë. Sa i përket vendeve të rajonit si Serbia,Greqia , Maqedonia e Veriut dhe Bosnjë –Hercegovina ata renditen sipër vendit tonë.

Sa i përket vendit me koeficientin më të ulët në botë është Nepali me 42.99.

Klan News

read more
Kuriozitet

Çudia në Vlorë: Ka vilë, por jo rrugë për të dalë! Qytetari kërcen mbi makina

stopp

Emisioni “Stop” ishte në Vlorë në zonën e Ujit të Ftohtë tek Vila Toto, për të folur me të zotin e saj, Luan Toto. Ai tregoi se vila është ndërtuar që në qeverinë e Fan Nolit.

“Shtëpia ime është ndërtuar nga gjyshi im që në qeverinë e Fan Nolit, e deri më sot jemi 6 breza që e trashëgojmë. Kjo vila është mbi 100-vjeçare e ndërtuar nga gjyshi im dhe e mirëmbajtur nga babai im që e njeh e gjithë Shqipëria, Qemal Toto. Kjo mund të jetë çereku i asaj që mund të më takojë mua”, tha denoncuesi.

Toto zotëron vilën, lokalin dhe lulishten. Por tani e kanë lënë pa dalje, pasi Bashkia i ka dhënë rrugën një biznesi për parkim. Më parë, Toto tha se i kanë marrë edhe 4 metra për trotuarin, pa e shpronësuar.

“Shteti më bëri këtë rrugë kalimi. Kërkoj që në hyrjen e shtëpisë sime të më japë rrugën që të hyj në shtëpi. I bie që të hipi mbi makina”, tha denoncuesi.

Luan Toto ka aplikuar për parkim në bashki dhe i thanë që është publik, por në fakt rezulton privat.

“Ky është parkim publik, kështu është thënë nga bashkia. Ndërkohë që tani po shitet, hidh 1 milion lekë thotë ai që ta marrësh. Shfrytëzohet nga privati. Kam aplikuar dy herë për parkim. Përgjigja e parë është kthyer që është publik për turizëm, për kalçeto, për popullin. Ky subjekti tjetër e përdor për privat. Është një karafil, trëndafil, ku di unë. E Zambak, ku e di si e quajnë, lule e ka dhe ai. Ai e ka pajisur me leje atje dhe mund t’i japë dhe të gjitha. Tani nuk e marr vesh, unë i Zoti i shtëpisë, të më vijë tjetri të më zerë derën këtu, unë të vritem me të tani”, tha Toto.

E vetmja gjë, që ky qytetar kërkon është rruga për ta dalë nga shtëpia dhe parkimet, që i takojnë si biznes. Ndërkohë biznesi në fjalë, një restorant nuk lejon parkimin e mjeteve të tjera përveç të klientëve të tij.

Qytetari: Çfarë bëre? Si je? Kush i ka këto këtu?

Kamarieri: Lokali!

Qytetari: Ëëë?

Kamarieri: Janë të restorantit.

Qytetari: Ta fus një çikë makinën aty poshtë pemës?

Kamarieri: Merr leje!

Qytetari: Pse çfarë ka?

Kamarieri: Janë të këtij.

Qytetari: Po mirë, e paguaj unë. Sa lekë bën? Vetëm mos ta lë këtu, se bëhet pis nga ato rrëshirat!

Kamarieri: Ja t’i them njëherë atij o vëlla! Ja një minutë!

Qytetari: Është kështu me lekë apo…?

Kamarieri: Është thjesht për restorantin.

Qytetari: Është thjesht për restorantin? E dha vetëm për klientët e vet ai?

Kamarieri: Eh, vetëm për klientët ndaj…

Qytetari: Hajt mo! Varja!

Qytetari takoi drejtorin e bashkisë Zambak Selmani dhe ai i thotë, se do ia japë servitutin dhe parkimin pas 2 aplikimeve dhe ankesave tek bashkëqeverisja.

Qytetari: Si kalove? Kërkesa ime dhe përgjigja e parë. Kjo është shkresa e dytë, që s’më ka ardhur një përgjigje.

Drejtori Zambak Selmani: Ju keni bërë ankesë tek “Bashkëqeverisja”?

Qytetari: Jo!

Drejtori Zambak Selmani: Nënvizimet, që do bëhen tek ju për parkim të parë, parkim me viza të bardha poshtë, do bëhet edhe 1 metërshi tek ju.

Qytetari: Jo, mua të më bëhet hyrja e shtëpisë, o vlla njëherë, pastaj…!

Drejtori Zambak Selmani: Po pra, 1 metërshi i hyrjes…

Qytetari: Po s’është 1 metër, se 1 metër është shumë e vogël. Rruga, sa është me ligj 1.80-2? Unë aq e mendoj.

Drejtori Zambak Selmani: Ok 1.80, 2.

Qytetari: Po!

Drejtori Zambak Selmani: Po tub ë 1.80, këto këtu nuk kanë shance, se ato do prishen këto këtu. Flasim me logjikë, kupton?

Qytetari: Po me 1 metër, nuk është e logjikshme. Unë tani, s’kam, pse toleroj më njerëzit. E kam të drejtën atje tek rruga. Besoj, se më takon edhe do e kërkoj!

Drejtori Zambak Selmani: Në moment, që këtu ka tolerancë, u parkua ky këtu, dhe këtu ka tolerancë, që ky të dali, unë ta bëj edhe 2 ore.

Qytetari: Del, del, del, del…

Drejtori Zambak Selmani: Ta bëj dhe 2 mo, ta bëj dhe 2.

Qytetari: Del, del, del…

Drejtori Zambak Selmani: Teknikisht, ta bëj dhe 2.

Qytetari: Ai del.

Drejtori Zambak Selmani: Vetëm mos prishen këto parkimet e para.

Qytetari: Jo, nuk prishen!

Drejtori Zambak Selmani: Do të ketë vende publik, dhe nuk do të jenë të gjitha privat.

Qytetari: Po! Unë jam një nga më të vjetrit aty në lagje.

Drejtori Zambak Selmani: Po!

Qytetari: Edhe unë nuk kam pat ndonjëherë ndonjë favor nga Bashkia e Vlorës. Unë ato parkimet e mia, kur do i marr? Ore unë thashë, ia jap komunitetit parkimet e mia. I paguaj unë. Do ia jap një këtij, një atij tjetrit, dhe një tjetrit vetëm nga inati do i marr unë parkimet.

Drejtori Zambak Selmani: Jo, jo!

Qytetari: Do ia jap komunitetit.

Drejtori Zambak Selmani: Kam mendim të kundërt.

Qytetari: Po kujt do ia jap? Do ia jap “Lungomares”.

Drejtori Zambak Selmani: O vllai im, e ke gabim ore! E ke për shfrytëzim biznesi.

Qytetari: Po do ia jap! Po do m’japësh 3 parkime ti mua? S’më bëjnë punë! Do t’ia jap Ervinit, do t’ia jap Edit, do t’ia jap tjetrit.

Qytetari: Sa parkime do marrim?

Drejtori Zambak Selmani: 6!

Qytetari: 6 parkime?

Specialistja: Do t’i lësh servitutin e kalimit këtij, dhe pastaj, sa vende ke atje do ta vizojmë me të bardha. Do bëjmë vijëzimin e këtyre 10 vendeve të parkimit, që këto janë veç nga të tjerët, dhe pastaj parkim për qytetarët.

Drejtori Zambak Selmani: Po!

Më pas shkon gazetarja e “Stop” në zyrën e Zambakut, po nuk e gjen aty, pasi është hapur fjala, se ka vajtur SPAK-u.

Gazetarja: Si jeni? Ku ndodhet zoti Zambak?

Punonjësja: Tek zyra!

Gazetarja: Këtu e ka zyrën? Apo është tjetra?

Punonjësja: Tek zyra tjetër!

Gazetarja: Se ishte kështu…, qenka hapur.

Punonjësja: Duhet të jenë me ato të SPAK-ut, më tha kjo lart, prandaj…

Gazetarja: SPAK-u?

Punonjësja: SPAK-u, SPAK-u!

Në telefon drejtori premtoi, se do t’i lihet rruga Vilës Toto dhe do t’i jepet pjesë nga parkimi 4 subjekteve, që operojnë aty.

Zambak Selmani: Aty janë 4 subjekte, që ushtrojnë aktivitetin, që janë pa parkim dhe kanë bërë kërkesën të katërta subjektet, për të marrë nga 3 vende parkimi.

Gazetarja: Subjekti më i afërt është Vila Toto. Banesa që është 100 e ca vjeçare.

Zambak Selmani: Po, do t’ju sqaroj për “Vilën Toto”. Dhe “Vila Toto”, do përfitojë parkim. Një pjesë e parkimit do të jetë publike për të gjithë qytetarët, një pjesë e parkimit do të jetë për bizneset, që ushtrojnë aktivitetin aty, pasi e kanë të pamundur të parkojnë.

Gazetarja: Pse nuk kanë përfituar deri më sot për parkimin Vila Toto.

Zambak Selmani: Sot ka qenë në zyrën time.

Gazetarja: Ka aplikuar që para 2 vitesh.

Zambak Selmani: Do të pajiset edhe “Vila Toto”.

Gazetarja: Me parkim?

Zambak Selmani: Po!

Gazetarja: Edhe me atë servitutin?Zambak Selmani: Po, po edhe atë servitutin, që kërkon 1 m, për kalimin e familjarëve të vet./tvklan.

read more
Kuriozitet

Tradita e çuditshme, bletët mbretërore njoftohen për vdekjen e Elizabeth II

6C7E590A-D45D-4421-8736-765488191A83

Një traditë e lashtë thotë që bletërritësi mbretëror duhet t’iu thojë bletëve të pallatit se Mbretëresha ka vdekur, raporton “The Mirror”.

Mes pëshpërimave, insektet janë lajmëruar se kanë një sovran të ri, Mbretin Charles III. Lajmi i trishtë iu dha bletëve në pallatin Buckingham dhe Clarence House.

Shirita të zinj u lidhën si fjongo në kosheret e bletëve, ku jetojnë mijëra prej tyre. Pas informimit të bletëve për ngjarjen e trishtë, ato u inkurajuan për sjellje të mirë ndaj Mbretit Charles III.

Tradita e pazakontë vjen nga besimi se nëse bletët nuk vihen në dijeni të ndryshimit të monarkut, nuk prodhojnë mjaltë, braktisin kosheren ose ngordhin./tvklan.al

read more
Kuriozitet

Çfarë do të ndodhë me monedhat e pasaportat britanike?

0A7D4533-D16D-4F65-B385-9DD0F5418FDC

Pas 70 vjetësh në fron, Mbretëresha Elizabeth II ishte bërë një pjesë thelbësore e jetës së përditshme të njerëzve në Mbretërinë e Bashkuar. Ata janë mësuar të shohin portretin, profilin dhe stemën e saj në letra, në monedha dhe në kuti drithërash. Por, çfarë do të ndryshojë pas vdekjes së Mbretëreshës?

Të gjitha monedhat

Të gjitha 29 miliardë monedhat në qarkullim në Mbretërinë e Bashkuar kanë kokën e mbretëreshës në to. Dizajni më i fundit daton nga viti 2015, kur ajo ishte 88-vjeçare. Ishte portreti i pestë i monedhës i krijuar gjatë mbretërimit të saj.

Fabrika Mbretërore e Monedhave (Royal Mint) nuk ka treguar se si dhe kur do të fillojë të lëshojë monedha me kokën e mbretit Charles III mbi to, por ka të ngjarë që monedhat e Mbretëreshës do të qëndrojnë në qarkullim për shumë vite dhe se procesi për t’i zëvendësuar ato do të jetë gradual.

Përpara se të gjitha monedhat britanike të përditësoheshin në vitin 1971, ishte krejt normale të gjeje disa monarkë në monedhat që ishin në qarkullim.

Derisa nuk dihet se si do të duket portreti i monedhës së Mbretit të ri, një monedhë e lëshuar në vitin 2018 nga Royal Mint për të përkujtuar ditëlindjen e tij të 70-të na dha një sugjerim.

Dhe një gjë që duket e sigurt është se ai do të shfaqet me profil në anën e majtë.

Tradita dikton që drejtimi në të cilin e ka të kthyer kokën monarku në monedha duhet të ndërrohet për çdo monark të ri.

Pasi të nënshkruhet nga Qeveria, dizajnet e reja do të prodhohen në Royal Mint në Llantrisant, në Uellsin jugor.

Mbretëresha është shfaqur në të gjitha kartëmonedhat e Bankës së Anglisë që nga viti 1960 (kartëmonedhat e lëshuara nga bankat skoceze dhe irlandeze të veriut nuk e portretizojnë monarken). Ka rreth 4.5 miliardë kartëmonedha individuale të Bankës së Anglisë me vlerë rreth 80 miliardë funtesh në qarkullim për momentin dhe, njëjtë si monedhat, këto do të hiqen gradualisht.

Të gjitha kartëmonedhat dhe monedhat ekzistuese do të mbeten të ligjshme. Banka e Anglisë do të japë njoftime nëse kjo do të ndryshojë.

Pullat dhe kutitë postare

Që nga viti 1967, të gjitha pullat e lëshuara nga Posta kanë paraqitur një siluetë të stampuar të profilit anësor të Mbretëreshës Elizabeth II.

Posta Mbretërore tani do të ndalojë prodhimin e pullave të Mbretëreshës Elizabeth II – megjithëse ato mund të përdoren ende në letra dhe paketa – dhe do të fillojë procesin për të krijuar të reja.

Pullat postare me portretin e Mbretëreshës Elizabeth II, nuk do të lëshohen më.
Pullat postare me portretin e Mbretëreshës Elizabeth II, nuk do të lëshohen më.
Mbreti i ri, Charles III është paraqitur në pulla më parë, por Posta Mbretërore nuk ka treguar ende se si do të duken modelet e reja me të.

Përveç vendosjes së monarkut në pulla postare, Posta Mbretërore vendos inicialet mbretërore në shumë kuti postare.

Më shumë se 60 për qind e 115.000 kutive postare në Mbretërinë e Bashkuar mbajnë shenjën EIIR të Mbretëreshës Elizabeth II – E për Elizabeth dhe R për Regina, që do të thotë mbretëreshë. Në Skoci, ato shfaqin kurorën skoceze.

Jeta në fotografi: Mbretëresha Elizabeth II
Jashtë Skocisë, çdo kuti e re postare tani do të shfaqë inicialet e Mbretit – por duke qenë se numri i kutive të reja të instaluara është mjaft i ulët, mund të duhet pak kohë para se qytetarët të shohin një nga këto.

Vula mbretërore

Nga salca e domateve, pakot me drithëra e deri te parfumi, ka shumë mundësi që qytetarët e Mbretërisë së Bashkuar kanë parë fjalët, “Me caktimin e Madhërisë së Saj, Mbretëreshës” në disa nga sendet ushqimore ose produkte të tjera. Këto janë produkte të cilave u është dhënë një garanci mbretërore, që do të thotë se kompania që i prodhon ato furnizon familjet mbretërore në baza të rregullta.

Që nga shekulli i kaluar, monarku, bashkëshortja dhe trashëgimtari i tyre kanë lëshuar secili garancitë e tyre mbretërore dhe aktualisht ka rreth 900 garanci mbretërore të mbajtura nga 800 kompani.

Kur vdes një garantues, çdo urdhër mbretëror apo garanci e lëshuar bëhet i pavlefshëm dhe kompania ka dy vjet për të ndaluar përdorimin e garancisë mbretërore. (Përjashtimisht, urdhrat e lëshuara nga Nëna Mbretëreshë qëndruan për pesë vjet pas vdekjes së saj.)

Garancitë që Charles ka lëshuar si Princi i Uellsit do të vazhdojnë tani që ai është Mbret, sepse ato shkojnë me familjen, jo me titullin.

Ekziston një pritshmëri që Mbreti i ri tani do t’i japë djalit dhe trashëgimtarit të tij, Princit William, aftësinë për të lëshuar garanci.

Por, nuk janë vetëm paratë, pullat dhe garancitë që kanë nevojë për përditësim.

Të gjitha pasaportat britanike lëshohen në emër të Mbretëreshës dhe janë ende të vlefshme për udhëtime, por për pasaportat e reja, formulimi në pjesën e brendshme të koopertinës do të përditësohet me Mbretin.

Forcat e policisë në Angli dhe Uells do të duhet të ndryshojnë inicialet e Mbretëreshës Elizabeth II në qendër të pllakave të helmetës së tyre. Avokatët që janë emëruar nga monarku për të qenë këshilltarë të Mbretëreshës do të njihen tani si këshilltarët e Mbretit me efekt të menjëhershëm

read more
Kuriozitet

‘Puna e ëndrrave’, të paguhesh për të mos bërë asgjë

Screenshot_1-2

Japonezi Shoji Morimoto paguhet që të shoqëroje klientët e tij dhe të mos bëjë asgjë

Për shumicën të paguhesh për të mos bërë asgjë mund të jetë puna e ëndrrave. Dhe fatin për ta patur një punë të tillë e ka një japonez i quajtur Shoji Morimoto.

38-vjeçari, banon në Tokio dhe  paguhet 10,000 jen vetëm për të shoqëruar klientët dhe thjesht ekziston si shoqërues.

Në thelb, unë e jap veten me qira. Puna ime është të jem kudo që klientët e mi duan të jem dhe të mos bëj asgjë në veçanti”, është shprehur ai.

Morimoto ka gati një çerek milioni ndjekës në Tëitter, ku gjen shumicën e klientëve të tij. Afërsisht një e katërta e tyre janë klientë të përsëritur duke përfshirë një person që e ka punësuar atë 270 herë.

Ndërsa shërbime të tilla me qira nuk janë të padëgjuara në Japoni, ka agjenci ku mund të marrësh me qira aktorë për të qenë miku yt apo edhe një familje e tërë. Por ajo çfarë e dallon Morimoton është se ai nuk luan ndonjë rol specifik.

Ajo që dua të them duke mos bërë asgjë është, është që unë ha dhe pi me klientët e mi dhe u përgjigjem pyetjeve me përgjigje të thjeshta”, ka thënëMorimoto.

Popullariteti në rritje i Morimotos ka sjellë me vete disa kërkesa edhe të çuditshme që ai i ka refuzuar. Së bashku me refuzimin në mënyrë kategorike të çdo kërkese të natyrës seksuale, Morimoto ka refuzuar më parë një klient të mundshëm që donte ta çonte në Trinidad dhe Tobago, si dhe një që i kërkoi atij të ndihmonte në lëvizjen e një frigoriferi “sepse përfshinte punë fizike”.

Morimoto u fut në  këtë biznes pasi la punën në një firmë botuese. I kritikuar shpesh nga shefat dhe kolegët se nuk bënte asgjë, Morimoto thotë se atij i ka mbetur kompleks të cilin ai po përpiqet ta kapërcejë.

Kur u pyet pse mendon se shërbimi i tij është bërë kaq popullor, Morimoto tha se klientët e tij ndoshta ndihen rehat për “marrëdhënien e përkohshme” që kanë me të.

Klan News

read more
Kuriozitet

Bëhet virale momenti kur tre elefantë shëtisin nëpër korridoret e spitalit

0_SDC_MDG_-CHP_43055JPEG

Tre elefantë janë fotografuar në një spital ushtarak në Indi. Ata shihen duke shëtitur nëpër korridoret e spitalit dhe pse me vështirësi nga madhësia e trupit të tyre. Njerëzit ishin tepër të habitur nga kjo situatë e pazakontë dhe pamjet e filmuara i kanë ndarë në rrjetet sociale.

Ka pasur një rritje të ndërveprimit midis elefantëve dhe njerëzve, për shkak të humbjes së habitatit natyror të kafshëve që shpesh çon në lëndime dhe vdekje.

Konservatorët kanë thënë se është e rëndësishme që zonat pyjore. Më shumë se 1500 njerëz kanë vdekur nga sulmet e elefantëve në vend në tre vitet e fundit dhe 300 elefantë janë vrarë si shenjë hakmarrje sipas shifrave që ka publikuar qeveria. /tvklan.al

read more
BotaKuriozitet

Sot NASA niset drejt Hënës

nasa-raketa

Raketa e re e rikthen SHBA-në në Hënë pas 50 vitesh

Pesëdhjetë vjet pas përfundimit të programit historik “Apollo”, sot fillon programi i ri hapësinor amerikan “Artemis”.

Nëse gjithçka shkon sipas planit SHBA nis kështu misionin e saj për t’u rikthyer në Hënë, për herë të parë që nga viti 1972 kur ata vendosën për herë të fundit këmbën në satelitin e Tokës.

Nëse diçka shkon keq për shkak të një problemi teknik ose të kushteve të këqija atmosferike data 2 ose 5 Shtator janë dhënë si data alternative të nisjes.

Agjencia hapësinore amerikane po bëhet gati që të nisë një raketë të re drejt Hënës të quajtur Space Launch System. Kjo raketë është mjeti më i fuqishëm që ka zhvilluar ndonjëherë NASA.

Ajo do të rrotullohet rreth Hënës në një hark të madh dhe pas gjashtë javësh do të kthehet në Tokë dhe pritet të zbresë në Oqeanin Paqësor.

Raketa pritet të niset nga Qendra Hapësinore Kennedy në orën 08:33, sipas kohës lokale dhe ku 200.000 persona pritet të mblidhen për të parë këtë mision. Kjo raketë synon që të dërgojë një kapsulë testuese, të quajtur Orion, shumë larg nga Toka.

Kapsula Orion nuk do të ketë ekuipazh në këtë rrugëtim, por nëse hardueri funksionon siç duhet, astronautët më pas do të mund të ngjiten në bordin e saj në misionet e ardhshme dhe më komplekse, që pritet të nisin nga viti 2024.

Klan News

read more
Kuriozitet

Tymi i automjeteve rrit rrezikun e sulmeve në zemër, thotë një studim

tymi-i-makinavee

Sipas një studimi, tymi dhe gazrat të shkaktuara nga automjetet por dhe nga frenimi i fortë rrisin ndjeshëm rrezikun e sulmeve në zemër.

Në studim janë përfshirë 18 mijë persona dhe u zbulua se nivelet e larta ditore të oksidit nitrik rrisin rrezikun e sulmeve në zemër.

Oksidi nitrik shkaktohet nga djegia në temperatura të larta, veçanërisht në motorrat me naftë. Po ashtu shkaktohet edhe nga frenimi i fortë dhe djegia e gomave të automjeteve.

Ekspertët zbuluan edhe një fakt interesant në këtë studim, që duhanpirësit ishin të paprekur nga smogu, ndoshta sepse thithin tymin toksik.

“Këto zbulime janë akoma më shumë prova se ajri i ndotur lidhet me rrezik më të shtuar të sulmeve në zemër te joduhanpirësit”, tha studiuesi britanik Sir Nilesh Samani.

Autorja e studimit, Insa de Buhr-Stockburger, u shpreh se “lidhja midis ndotjes së ajrit dhe sulmeve në zemër në studimin tonë mungonte tek duhanpirësit”.

Sipas saj, duhanpirësit duken më pak të prekur nga ndotësit e jashtëm, siç janë smogu i shkaktuar nga tymi dhe gazrat e makinave, që rrisin edhe rrezikun e sulmeve në zemër.

Sipas autores, ndotja e ajrit rrezikon infarktin akut të miokardit. /tvklan.al

read more
1 2 3 15
Page 1 of 15