Sport

Pas fillimit të tensionuar të ndeshjes në stadiumin “Todor Proeski”, erdhi edhe kartoni i parë. Për fat të keq në minutën e 14-të, Todorovski ndërhyri në mënyrë të ashpër ndaj Petkovit dhe pas konsultimit me sistemin “VAR”, mesfushori i Maqedonisë u largua me karton të kuq. Pas largimit të Todorovskit, trajner I Maqedonisë në lojë solli Ashkovskin në vend të Trajkovskit.

Në minutën e 26, Milan Ristovski, pas asistimit të Enis Bardhit, dërgoi një projektil të vërtetë nga 20 metra, por portieri mysafirë me forcat e fundit e drejtoi në rrivënie nga këndi.

Mysafirët përgjigjen me një kundërsulm të shpejtë në minutën e 28-të, kur Despodov nuk arrin të kontrollojë topin në zonën e rrezikut, ndërsa në vendin e duhur është portieri Dimitrievski.

Në vazhdim mysafirët kishin pronësimin e topit dhe vazhdimisht rrezikonin portën e Dimitrievskit dhe në dy raste, me kohë intervenuan Musliu dhe Bejtullai që të evitojnë rrezikun nga zonë e 16 metrave.

Në fillim të pjesës së dytë, pas një kundërsulmi të shpejtë, Bullgaria hap rezultatin përmes Kiril Despodovit, i cili shënoi gol edhe në sfidën e parë. Në minutën e 55-të, kapiteni i Bullgarisë, Despodov godet brenda zonës, por topi përfundon në duart e Dimitrievskit,

Në minutën e 58-të pas rivënies nga këndi, Bullgaria ishte afër që të shënojë golin e dytë, porn ë vijën fundore ishte Ezgon Bejtullai , i cili nuk lejoi ndryshim të rezultatit. Në minutën e 60-të, Alioski godet ashpër nga 25 metra, por topi shkon skaj portës së Bullgarisë.

I njëjti futbollist, godet brenda zonës, vetëm një minutë më vonë, por mbrojtja mysafire intervenon në vijën fundore. Në këto momente futbollistët e Maqedonisë kishn më shumë iniciativ në terren me inkuadrimin e Spirovskit dhe Dorievit. Në minutën e 66-të, Krastev godet nga 20 metra, ndërsa portieri Dimitrievski me shumë mund arrin të kontrollojë topin.

Në minutën e 81-të, sërisht pas goditjes së lirë, në zonë më mirë gjendet Alioski, por sërisht tentimi i tij shkon skaj portës. Në minutën e 86-të, incident në terren, në mes Bardhit dhe Kirillovit, ndërsa arbitri kryesor i qetëson me karton të verdhë. Doriev, në minutën e 88-të kishte rast ideal për të barazuar shifrat në 1-1, mirëpo në momentin e fundit intervenon mbrojtja bullgare dhe drejton topin në rrivënie nga këndi.

Deri në fund të takimit, Maqedonia u orvat, që me një futbollist më pak të barazojë shifrat, por mysafirët ishin të koncetruar deri në fund dhe nuk lejuan që të ndryshohet rezultati.

Ka kaluar më shumë se një vit që kur Lionel Messi bëri lëvizjen e bujshme nga Barcelona te Paris Sain-Germaini.

Megjithatë, argjentinasi ka parë mjaftueshëm gjatë kësaj periudhe në kryeqytetin francez për të thënë se bashkëlojtari i tij, Kylian Mbappe, do t’i bashkohet grupit të pakapshëm të lojtarëve më të mirë në botë.

Duke folur për “TUDN Mexico”, Messi e vlerësoi francezin si një “bishë” dhe një lojtar “ndryshe”. Ai gjithashtu lavdëroi ritmin e tij dhe forcën e tij për të mposhtur mbrojtësit në situata një-kundër-një.

“Kylian është një lojtar ndryshe, një bishë që është shumë i fortë në një-kundër-një, që shkon në hapësirë, që është shumë i shpejtë, që shënon shumë gola. Ai është një lojtar i kompletuar dhe e ka dëshmuar këtë për vite me radhë. Dhe, në vitet në vijim, ai me siguri do të jetë ndër më të mirët”, tha 35-vjeçari.

Nën drejtimin e trajnerit të ri Christophe Galtier, PSG ka bërë një fillim të shkëlqyer në sezonin 2022/23 në Ligue 1.

Kampionët në fuqi kanë grumbulluar 22 pikë pas tetë xhirove – me bilanc prej shtatë e fitoreve dhe një barazimi.

Për sa i përket kontributit, Messi deri më tani ka shënuar pesë gola dhe tetë asistime, ndërsa Mbappe aktualisht kryeson listën e golashënuesve me dhjetë gola.

Sulmuesi francez pëlqehet nga bardhezinjtë, që po kalojnë një moment të vështirë ketë sezon

Juventusi po ndjek me vëmendje çështjen Grisman midis Atletikos dhe Barcelonës. Nëse sulmuesi francez nuk blihet nga bardhekuqtë, klubi torinez është gati të ndërhyjë për ta blerë.

Juventusi po mendon për të blerë sulmuesin francez Antoin Grisman, nëse Atletiko Madridi nuk finalizon transferimin te Barcelona.

Lojtari 31-vjeçar, është i huazuar te “Los Kolçoneros”, ndërsa mes të dyja klubeve spanjolle ka pasur mosmarrëveshje sa i përket blerjes përfundimtare të tij.

Ndërsa klauzola e shitjes ka qenë 35 milionë Paund, për të shmangur kalimin e çështjes në gjykatë pritet që ajo të ulet në 22 mln Paund.

Në këtë mënyrë, trajneri Diego Simeone do të shmangë detyrimin për ta aktivizuar Grismanin vetëm në 30 minuta në një ndeshje, që të bëjë të mundur që ai mos të aktivizohet në 50% të takimeve.

Në këtë mënyrë, nuk hyn në fuqi klauzola për blerjen e tij.

Sipas “Gazzettadello Sport, “Zonja e Vjetër” po e ndjek me vëmendje situatën dhe është gati ta marrë lojtairn.

Sulmuesi ka realizuar deri tani 3 gola nga nisja e sezonit.

Bardhezinjtë duan të afrojnë lojtarë cilësorë, ndërsa po kalojnë një moment jo të mirë.

Nëse shkon në Serie A, francezi do të duhet që të pranojë ulje rroge.

Emra të jerë që po ndiqen nga Juvja janë edhe Marco Asensio dhe Christian Pulisic.

Klan News

Reja ende i pavendosur për formacionin

Me rikthimin në Shqipëri, kombëtarja e futbollit ka bërë vetëm një seancë stërvitore pasditen e së dielës në të cilën lojtarët që nuk u aktivizuan në Izrael kanë patur regjim të plotë ndërsa futbollistët që luajtën kanë patur pak ngarkesë.

Në radhët e kuqezinjve ka dyshime për Arlind Ajetin që pati tërheqje muskulare. Ndërsa Abrashi i cili u zëvendësua në pjesën e dytë është sërish në formë.

Sërish Uzuni nuk është në top formë edhe pse ndaj Izraelit shënoi një supergol.

Seanca e fundit do të jetë pasditen e sotme pas konferencës për shtyp të trajnerit Reja.

Ndeshja me Islandën ka peshë vetëm për vendin e dytë në grup që mund të sjellë një klasifikim më të mirë në shortin e Europianit që do të hidhet më 9 Tetor.

Tv Klan

Sulmuesi nuk ka dëshirë që të rikthehet tek Chelsea, drejtuesit Zikalter po planifikojnë zgjatjen e huazimit

Romelu Lukaku synon që të zgjasë qëndrimin e tij tek Interi përtej këtij sezoni.

Lojtari në pronësi të Çelsit nuk ka dëshirë që të qëndrojë në “Stemford Brixh”, pasi rikthimi i tij ishte negativ. Sulmuesi belg nuk ka në plan që të rikthehet në Londër e këtë ua ka bërë të qartë drejtuesve të klubit, raporton Gazzetta dello Sport.

Ndërkohë tek Interi po planifikojnë një zgjatje të akordit të huazimit, në mënyrë që 29-vjeçari të qëndrojë te zikaltrit deri në fund të sezonit 2023–24.

Lukaku u bë pjesë e Interit për herë të parë në 2019, pas një paraqitjeje zhgënjyese te Mançeste Junajtid. Në sulm me Lautaro Martinezin, ai kontribuoi në fitimin e titullit kampion në 2021, për herë të parë në 11 vite.

Me rikthimin e tij, Lukaku ndihet mirë tek Interi, edhe pse ai ka munguar në gjashtë takimet e fundit për shkak të një dëmtimi. Por tek Interi janë të bindur se ai është i domosdoshëm për ekipin, në arritjen e objektivave.

Klan News

Marco Asensio mund t’ia bëjë “një tradhti të madhe” Real Madridit.

Sulmuesi spanjoll në fakt mund t’i bashkohet Barcelonës gjatë verës që vjet, kur edhe do të largohet nga “Los Blancos”.

Sipas informatave të “RAC1”, përfaqësuesi spanjoll në fakt e ka një parakontratë me Barçën.

Lojtari pritet të nënshkruajë kontratë të pasur katërvjeçare me gjigantin kataluinas.

Vendimtare duket se është dëshira e lojtarit, i cili synon të ndihet protagonist, edhe pse është i vetëdijshëm se në “Camp Nou” do ta ketë të vështirë ta rrit minutazhin e lojës, duke e pasur parasysh konkurrencën e ashpër.

Asensio nuk ka arritur kurrë të lërë gjurmë në “Santiago Bernabeu” dhe për këtë po mendon të largohet prej aty për të “shpërthyer” tek “Blaugrana”.

Piloti australian i Ducati, Jack Miller, doli fitues i garës së Cmimit të Madh të Japonisë në MotoGP, zhvilluar në pistën e Motegi. Gara e sotme u zhvillua në një pistë më “normale” pas shiut të rrëmbyeshëm dje në prova, duke bërë që surprizat të mos mungonin.

Në podium u ngjitën edhe afrikano-jugori Brad Binder me KTM (i dyti) si dhe spanjolli Jorge Martin me Ducati Pramac (i treti). Vetëm i katërti Marc Marquez me Honda, që nisi garën nga “pole position”, por ende jo në formë pas operacionit, duke humbur terren në garë.

Fabio Quartararo me Yamaha, kampioni i botës në fuqi dhe lideri i botërorit, e mbylli garën në vendin e tetë. Ai pati një garë të vështirë, duke mos dueluar dot për kreun. Gjithsesi, ky vend konsiderohet një fitore për të, pasi rivali i tij më i afërt, Francezo Bagnaia (Ducati), u rrëzua.

Bagnaia u rrëzua në fundin e garës, teksa duelonte pikërisht me Quartararo për një renditje sa më të mirë. Për pasojë, francezi i Yamaha shkëputet 18 pikë në renditje. Nuk përfiton nga kjo situatë mes dy kryesuesve spanjolli Aleix Espargaro me Aprilia, që u rendit i 16-ti dhe nuk fitoi dot terren.

21 tetori i ardhshëm mund të rezultojë të jetë një datë themelore për merkaton e futbollit. Në atë datë, në fakt, FIFA mund të miratojë një rregullore të re për punën e menaxherëve që duhet të hyjë në fuqi duke filluar nga 1 korriku 2023.

Pas liberalizimit të sektorit që mbërriti në vitin 2015, shkruan gazeta spanjolle Marca, organizata më e madhe botërore e futbollit duket se synon të arrijë tre objektiva me këtë rregullore të re: t’i japë fund komisioneve të tepërta, të mbrojë klubet që punojnë në trajnimin e lojtarëve të rinj dhe mbrojtja e të miturve. Sa i përket dy pikave të fundit, këto janë lajmet që vijnë:

Mbështetje stërvitore – Klubet që do të regjistrojnë lojtarët e rinj për tre vitet pas ditëlindjes së tyre të 15-të do të kenë automatikisht një pjesë të shumës së lidhur me transferimin e lojtarit përmes mjetit ‘Clearing House’.

Mbrojtja e të miturve – Çdo marrëveshje për përfaqësimin e një lojtari të mitur mund të përcaktohet vetëm në gjashtë muajt përpara se i mituri të mbushë moshën për nënshkrimin e kontratës së parë profesionale (në Europë pragu është 16 vjet).

E gjithë kjo, pra, duhet të bëhet me pëlqimin me shkrim të kujdestarit ligjor. Sanksioni për shkelësin mund të shkojë deri në pezullimin e licencës deri në dy vjet.

Natyrisht, shoqata “Forumi i Futbollit” e krijuar nga Mino Raiola dhe që tashmë drejtohet nga Jonathan Barnett, ka bërë të ditur se kërkon t’i bëjë thirrje të gjitha gjykatave të mundshme, sportive dhe jo sportive, për të bllokuar zbatimin e këtij projekti.

I DYTI DOLI ERZEN ZYBERAJ, NDËRSA I TRETI DOLI EMIN GRAJQEVCI

Në organizim nga Federata e Atletikës së Kosovës dhe Drejtoria e Sportit në Komunën e Prishtinës, sot u mbajtë “Prishtina 2022”, në të cilën morën pjesë plotë 784 garues të moshave  të ndryshme nga Kosova dhe rajoni të cilët e vrapuan shtegun e gjatë prej 42 kilometrave e 195 metrave.

Fitues i këtij edicioni Maratona “Prishtina 2022”, doli kroati Ante Zhivkoviq me kohë 2 orë e 40 minuta. I dyti doli maratonisti kosovar Erzen Zyberaj, ndërsa I treti  doli Emin Grajqevci .

Në këtë edicion të maratonës “Prishtina 2022” garuesit  morën pjesë në disiplina të ndryshme   si në 5 kilometra, 10 kilometra  dhe  ajo kryesorja në 42 kilometra e 195 metra. Ishte  ky  edicioni i pare i maratonës “Prishtina 2022”  kur dihet se në të kaluarën është organizuar  gjysmë maratona e Prishtinës

Shpërblimi për  fituesi  e maratonës  krahas Kupës ishte edhe  shpërblimi në të hola  prej 500 Eurove, vendi I dytë 450 Euro dhe vendi i tretë 400 Euro