close

Vendi

Top LajmeVendi

Seanca e Këshillit ekonomiko – energjetik fokusi në menaxhimin sa më efikas të situatës

05102022_ПВРСМ_Економски совет (8)

Në Qeverinë e Republikës së Maqedonisë së Veriut sot u mbajt Këshilli Ekonomik ku i gjithë fokusi është vënë në menaxhimin sa më efikas të situatës me krizën energjetike.

“Përmes një dialogu konstruktiv, u hapën të gjitha temat me interes për qytetarët dhe ekonominë, të cilat kanë të bëjnë me ballafaqimin me krizën ekonomike dhe energjetike në të cilën ndodhet Maqedonia e Veriut, por edhe Evropa në tërësi thonë nga pres qendra e Qeverisë së RMV-së. Në të njëjtën kohë, të gjitha të dhënat në dispozicion të institucioneve dhe ekonomisë u shpërndanë në mënyrë transparente, të gjitha me synimin për të trajtuar sa më gjithëpërfshirëse pasojat e krizës ekonomike dhe energjetike.

Në takim u diskutuan të gjitha opsionet për furnizim me energji elektrike nga prodhimi vendor, si dhe modalitetet për mbështetjen e ekonomisë dhe qytetarëve që kanë nevojë. Në mbledhjen e Këshillit Ekonomik foli edhe ministri i Financave Fatmir Besimi, i cili theksoi se buxheti nuk do të ketë probleme me likuiditet përkundër krizës ekonomike dhe se komuniteti i biznesit mund të jetë i qetë, por edhe i gatshëm për punë të përgjegjshme.

Përmes një komunikate nga pres qendra e Qeverisë së RMV-së thuhet se në seancën e sotme të Këshillit ekonomiko – energjetik u konstatua se gjendja energjetike është stabile dhe se nevojiten masa shtesë të synuara kundër krizës për qytetarët dhe ekonominë, për të cilat Qeveria po punon në mënyrë aktive, sa më shpejt të jetë e mundur. Në të njëjtën kohë, u konstatua nevoja për sjellje të përgjegjshme ndaj sektorit të energjisë, solidaritet dhe mbështetje për kategoritë e rrezikuara të qytetarëve.

Në takimin e Këshillit Ekonomik morën pjesë kryetari i Qeverisë së Republikës së Maqedonisë së Veriut Dimitar Kovaçevski, zëvendëskryetari i parë i Qeverisë, Artan Grubi, zëvendëskryeministri për ekonomi Çështjeve Fatmir Bytyqi, Ministri i Ekonomisë Kreshnik Bekteshi, Ministri i Financave Fatmir Besimi, Ministrja e Punës dhe Politikës Sociale Jovana Trenchevska përfaqësues të ekipit ekonomik të Qeverisë, deputetë dhe profesorë, përfaqësues nga sektori energjetik, guvernatorja e Bankës Popullore Aneta Bezhovska, drejtoresha e Shërbimit të të Ardhurave të Publike Sanja Lukarevska, kryetari i LSM-së Darko Dimovski kryetari i Odës Ekonomike të Maqedonisë së Veriut Branko Azeski, kryetari i Odës Ekonomike të Maqedonisë Veri-Perëndimore, Nebi Hoxha, ekspertë të ekonomisë dhe energjetikës”, thuhet në njoftimin e Qeverisë. /KlanMacedonia/

 

read more
Top LajmeVendi

Arrestohet 56 vjeçari nga Shkupi i dënuar për veprën penale “Kontrabandë me Emigrantë”

policija-696×386-1-631×350-1-1 (2)

Ministria për Punë të Brendshme njoftonë se sot (05.10.2022) në ora 12:15 minuta në blv. “Ilindeni” nëpunës policorë të Ekipit Operativ të Ndjekjeve pranë SPB Shkup e kanë arrestuar Z.V. (56) nga Shkupi.

Ai është kërkuar me urdhërarrest nacional në bazë të urdhërit nga Gjykata Themelore Penale Shkup për vuajtjen e dënimit me burg prej katër vjetëve për veprën penale “kontrabandë me migrantë” sipas nenit 418-b të Kodit Penal.

Nga MPB njoftojnë se personi në fjalë do të dërgohet në institucion ndëshkues-përmirësues për vuajtjen e dënimit./KlanMacedonia/

read more
Top LajmeVendi

Danella Arsovska dhe Said Saidi inspektojnë ndërtimin e 26 rrugëve në Gjorçe Petrov

gjorce3

Kryetarja e Qytetit të Shkupit, Danela Arsovska dhe drejtori i NP Rrugët dhe Rrugica, Said Saidi, sot kanë inspektuar fazën përfundimtare të ndërtimit të 26 rrugëve në komunën e Gjorçe Petrovit me sipërfaqe të përgjithshme prej 16.000 metra katrorë.

Nga Qyteti i Shkupit bëjnë të ditur se bëhet fjalë për rrugë që nuk janë asfaltuar më parë, pra po shtrohen për herë të parë me kërkesë të qytetarëve me qëllim përfitiimin e kushteve të cilat iu takojnë. Në fazën përfundimtare është afruar ndërtimi i rrugëve në Stopanski Dvor, me çka është përfunduar projekti i ndërtimit në pesë vendbanime të kësaj komune, përkatësisht në Volkovë, Kisella Jabuka, Dame Gruev, Novo Selo dhe Stopanski Dvor, ku është ndërtuar infrastruktura rrugore në gjatësi prej pesë kilometrash.

“Po punojmë për të gjithë që të sigurojmë kushte adekuate, është përcaktim programor që në Shkup të mos lejojmë pa zhvillim adekuat të jenë pjesë e vendbanimeve të harruara që ishin deri më tani, dhe atë imazh po e përmirësojmë me ofensivën ndërtimore, për të balancuar zhvillim në zonat urbane dhe rurale pjesë e  Shkupit”, deklaroi Arsovska.

Drejtori i NP Rrugë dhe Rrugica, Said Saidi, theksoi në inspektim se prej ditës së djeshme ka nisur puna për përgatitjen e asfaltimit të rrugëve, të cilat janë pjesë e fazës finale të projektit.

Kujtojmë që Said Saidi në postin e kryetarit Rrugë dhe Rrugica bashkë me pesë drejtorë tjerë u emëruan një javë më parë pas dorëheqjeve dhe shkarrkimeve të drejtorëve të mëparshëm, të cilët ishin kuadër i VMRO-së./KlanMacedonia/

 

read more
ShëndetsiTop LajmeVendi

65 raste të reja me Kovid-19 në 24 orët e fundit

8ACCD905-5D72-4BBA-ABC1-705CE0B73631
Gjatë 24 orëve të fundit janë kryer 695 teste dhe janë regjistruar 65 raste të reja me COVID-19:
• Shkup – 47
• Manastir – 4
• Kavadar- 3
• Tetovë , Veles dhe Kërçovë – nga 2
• Kumanovë, Ohër, Shtip, Gjevgjeli dhe Berovë – nga 1
Nga numri i përgjithshëm i rasteve pozitive (65), janë regjistruar 14 riinfeksione.
Janë regjistruar 61 pacientë të shëruar nga:
• Shkup – 45
• Manastir – 5
• Ohër dhe Prilep – nga 3
• Kavadar, Tetovë , Kumanovë , Shtip dhe Strumicë – nga 1
Gjatë 24 orëve të kaluara është regjistruar një humbje jete nga Kavadari (77 vjeç), i cili ka humbur jetën në kushte spitalore. Sipas Regjistrit të personave të vdekur me diagnozë COVID-19 nga Termini im, janë regjistruar dy humbje jete nga Shkupi (86 vjeç) dhe Manastiri (65 vjeç), të cilët kanë humbur jetën në periudhën nga 15.09 dhe 28.09. 2022. Njëri nga personat ka humbur jetën në shtëpi dhe njëri në spital.
Janë kryer 695 teste: ISHP-95, QSHP Shkup-47, QSHP Manastir-36, QSHP Prilep-9, QSHP Tetovë-13, QSHP Kumanovë-20, Klinika për Sëmundje Infektive dhe Gjendje Febrile-0, Mjekësi Ligjore-0, Spitali Laboratorik Kozle-0, KU Pulmologji me Alergologji-0, Instituti i Mikrobiologjisë-63, Zhan Mitrev (Filipi i II-të)-2, Avicena -18, Biotek-16, Sistina-5, Laboratoria Laor-2, Sinlab-1, Remedika – 11, Plodnost-1, Genea-2, Nikob Lab-21, VFV Medikal-2, Eli Medika Plus-0, Spektra -MM-2, Rapid Lab-1, Zhan Mitrev Strumicë -0, Nova Lab Diagnostika-1, Ramus -6, ISHP dhe IPSH (test i shpejtë) – gjithsej 321
Deri më tani në vend janë kryer gjithsej 2.165.557 testime për COVID-19. Numri i përgjithshëm i personave të diagnostikuar me COVID-19 në vendin tonë që nga fillimi i pandemisë është 343.208, numri i të shëruarve është 333.219, numri i atyre që humbën jetën është 9.542 dhe numri i rasteve aktive është 447
read more
Top LajmeVendi

UEJL: Organizohet “Panairi për sipërmarrjen sociale”

Screenshot_5

RMV KA POTENCIAL PËR ZHVILLIMIN E EKONOMISË SOLIDARE

Ky projekt I implementuar nga Eptisa, Barka dhe Ecorys është mbështetur nga BE.

Në kampusin e UEJL në Tetovë u organizua Panairi për sipërmarrjen sociale në bashkëpunim me qendren për biznes dhe inovacion, qendren e karrierës së këti universiteti dhe këshilli ekonomik social I komunës së Tetovës.

“Sot organizohet panairi i parë për sipërmarrjen sociale në rajonin e Pollogut, organizatorë të këti panairi janë agjensia ESA nëbashkëpunim me biznes qendren për inovacion dhe qendres së karierës pranë UEJL dhe këshilli ekonomiko-social i Komunës së Tetoves,”deklaroi Nebi Jusufi-ESA.

Ky panair u organizua si pjesë e aktiviteteve të projektit Mbeshtetje të ndërmarjeve sociale të implementuar nga Eptisa, Barka dhe Ecorys dhe të mbështetur nga BE.

“Maqedonia e veriut ka një potencial të madh për zhvillimin e ekonomisë solidare, është lloj i ri i ndërmarrjes që kombinon misionet sociale dhe i afrohet zgjidhjes së këtij misioni, kështu që misioni kryesor i ndërmarrjes sociale është që të ketë më shumë njerëz aktivë për të marrë njerëzit nga vendet ku nuk punojnë, kanë varësi ose kanë ndonjë sëmundje dhe kështu i integrojmë në shoqëri,”deklaroi Barbara Sadowska-Fondacioni “Barka”

Panairi për sipermarrje sociale mundësoi prezentimin dhe promovimin e organizatave që mbeshtesin përmes programeve dhe aktiviteteve të tyre sipërmarrësinë sociale në rajonin e Pollogut./KlanMacedonia/

read more
Top LajmeVendi

Ndërtohet këndi i lojërave por mungojnë asistentët arsimor

310630655_680116586439931_2439954973156253697_n

HANA BËHET ME ASISTENT, MUNGOJNË EDHE KATËR TË TJERË

Në këtë mënyrë loznin nxënësit e shkollës fillore “Faik Konica” në Radushë të Komunës së Sarajit.

Për herë të parë u hap një kënd i lojërave inkluziv që është i adaptuar edhe për nxënës me nevoja të posaçme. E ajo që mungon janë asistentët arsimor ku në këtë shkollë që është i angazhuar vetëm për një nxënëse për të cilën TV Klan kishte raportuar kohë më parë për Hanën e cila tashmë është klasa e dytë.

E për mungesën e asistentëve personal kryetari i Komunës së Sarajit Blerim Bexheti nuk deshi të përgjigjet, por fjalën i’a dha drejtorit të shkollës.

Kryetar mua më intereson për asistenët arsimor që janë të angazhuar nga Komuna, në këtë shkollë ka vetëm, një asistent ndërsa ka 5 nxënës me nevoja të posaçme. Nëse nuk gaboj….

”Drejtori le të përgjigjet. Në shkollën tonë ka dy të cilët kanë marrë dokumentacion mirëpo për një kemi fituar asistent ndërsa edhe për një nxënëse tjetër jemi në procedurë.

Shpresoj se do të ketë asistent personal edhe për nxënësit e tjerë.

Edhe sa nxënës i keni?

Momentalisht i kemi edhe dy nxënës që duhet të kenë asistent mirëpo ky asistenti që është tash do të mbuloj edhe nxënës të tjerë”.

Këndi i lodrave është realizuar me ndihmë e organizatave joqeveritare, fonacioneve dhe Bashkimit Evropian./KlanMacedonia/

read more
Top LajmeVendi

Zhan Mitrevi ka dhënë 1 milionë euro si garancë se nuk do të arratiset

zhan-mitrev-foto

RASTI NË POLICINË FINANCIARE: NË PERIUDHËN VIJUESE PRITET TË MERRET NË PYETJE RUSKOVSKA

Kardiokirurgu dhe drejtori i spitalit privat klinik, Zhan Mitrev, kundër të cilit po zhvillohet hetim nën dyshimin për mashtrim të pacientëve me korona virus që janë mjekuar me hemofiltirim, përpos se i janë marrë dokumentet e udhëtimit, ka dhënë garancë prej 1 milionë euro para të gatshme se nuk do të arratiset nga shteti, derisa të përfundojë procedura. Shefi i Prokurorisë Themelore Shkup, Gravril Bubevski, sot gjatë një brifingu me gazetarët informoi se, rritja e masave të sigurisë, vjen pasi me zhvillimin e hetimit, rriten edhe rreziku. Ai tha se, prokuroria ka dëgjuar 80 përqind të pacientëve që kanë dorëzuar paraqitje se janë të dëmtuar, ndërsa procedura hetimore për këtë rast duhet të përfundojë për 2 deri në 3 muaj.

“Po mblidhet material dëshmues në lidhje me dëshminë e personave që vlerësojnë se janë të dëmtuar dhe në çfarë mënyrë i kanë mashtruar që ta bëjnë atë që e kanë bërë. Ajo pjesë tashmë është drejt përfundimit. Siç ecë procedura, rriten masat e sigurimit të prezencës. Përpos marrjes së dokumenteve të udhëtimit, nga ana e të akuzuarit është dhënë garancë në shumë të gatshme se nuk do të arratiset, i janë deponuar gjykatës 1 milionë euro si garancë se nuk do të arratiset deri në fund të opozitës”,deklaroi Gavril Bubevski, kryeprokuror i Prokurorisë Themelore në Shkup.

Duke folur për rastin e ish prokurores për ndjekje të krimit të organizuar dhe korrupsionit, kundër së cilës ish drejtori i Policisë Financiare, Arafat Muaremi ka paraqitur kallëzim penal për keqpërdorim të detyrës zyrtare, Bubevski tha se është dëgjuar Muaremi, ndërsa në periudhën vijuese do të merret në pyetje Ruskovska si dhe ky prokuroret e tjera të kësaj prokurorie, Trajçeva dhe Josifovska.

“Si argument ndaj kallëzimit është theksuar raporti nga mbikëqyrjaNga ajo është theksuar se, me kërkesën e njëjtë janë kërkuar lëndët ndërsa menjëherë është bërë bastisje për të njëjtët. Nga ajo e nxjerrin konkludimin paraqitësit se, nuk ka pasur lëndë konkret që është kërkuar, por ka pasur 300 paraqitje anonime”,deklaroi Gavril Bubevski, kryeprokuror i Prokurorisë Themelore në Shkup.

Ndërsa, në lidhje me rastin gjyqësor për aksidentin në Llaskarcë, Bubevski tha se, superekspertiza që ka kërkuar gjykata ka bllokuar procesin dhe se prokuroria nuk mund t’i bëjë presion gjykatës, pasi ajo do të sjellte efekt të kundërt./KlanMacedonia/

read more
Top LajmeVendi

LSDM: VMRO-DPMNE t’i mbështesë ligjet për krizën energjetike

lsdm-vmro-780×470

VMRO: PUSHTETIT NUK ËSHTË SERIOZE NË MENAXHIMIN ME KRIZËN

Në kohën kur vendi përballet me krizë energjetike dhe ekonomike partia opozitare Vmro –Dpmne vazhdon të bllokoj ligje në interest ë qytetarëve, kështu akuzojnë nga partia në pushtet LSDM. Opozita akuzon qeverinë për keqmenaxhim me krizën, raporton Klan M.

Thirrjet e pushtetit për zhbllokim të kuvendit nuk kanë munguar as gjatë ditës së sotme. Deputeti i LSDM-së, Martin Kostovski, kërkoi nga opozita që të mos bllokojë ligjet të cilët janë në interes të qytetarëve. Sipas socialdemokratëve, në kohë të krizave, janë mbi 50 ligje të bllokuar në Kuvend

“Bëjmë thirrje për zhbllokim dhe mbështetje nga VMRO-DPMNE të ligjeve që janë të rëndësishme për menaxhim më efikas me krizën, por të rëndësishme edhe për përparimin e vendit tonë. Këtu janë ndryshimet e ligjit për energjetikë, për efikasitet energjetik dhe ligjin për ndërtim, me të cilin lehtësohet vendosja e fotovoltaikëve, por edhe ligjeve tjera”, thotë Kostovski.

I menjëhershëm ka qenë reagimi nga VMRO- DPMNE. Deputeti i kësaj partie Antonio Miloshovski akuzoi qeverinë për joseriozitet rreth menaxhimit me krizën, duke thënë se ligjet për krizën nuk ekzistojnë e as që janë dorëzuar në Kuvend.

“Është joserioze të mbahet një konferencë e jashtëzakonshme për shtyp e kryeministrit Dimitar Kovacevski më 28 shtator dhe sot e kësaj dite të mos i kemi në Kuvend ligjet të cilët ai ugjentisht i shpalli. Në dallim nga papërgjegjshmëria e qeverisë, ne si grup parlamentar të nesërmen më 29 shtator propozuam një ligj për ndryshime në ligjin e energjisë përmes të cilit shkollat dhe ndërmarrjet publike dhe spitalet do të ishin në tregun e rregulluar dhe duam të ndërhyjmë sa më shpejt” – tha Antonio Milloshoski.

Përndryshe, si rrjedhoj e përplasjeve politike dhe bllokadave në kuvend kanë ngelur rreth 50 ligje të bllokuara e që presin dritë jeshile nga deputetët e shumicës dhe opozitës. /KlanMacedonia/

read more
Top LajmeVendi

Trup këshilldhënës për emra të shoqatave dhe subjekteve juridike

qeveria

NË PËRBËRJE TË TRUPIT SHTATË PROFESORËTË HISTORISË DHE AKADEMIKË

Formimi I shoqatës së bullgarëve në vend, me emra provokativ që asocojnë në fashizëm, e që ngriti regime negative në opinion, kanë detyruar qeverinë të krijojë një trup këshilldhënës për dhënie të mendimeve për përdorimin e emrave të personaliteteve historike dhe të tjerëve për shoqatat dhe subjektet juridike. Në seancën e sotme konstituive për kryesues të këtij trupi është zgjedhur Boban Petrovski nga Instituti për Histori në Shkup.

Trupi këshilldhënës do të jep mendime, por nuk ka ingerenca të ndalojë përdorimin e emrave sikurse klubet kontestuese të bullgarëve në vend, “Ivan Mihajlov” ose “Mbreti Borisi I Tretë”, të cilët për maqedonasit asocojnë në kohën e fashizmit. Në përbërje të trupit janë shtatë profesorë të historisë dhe akademikë, kurse për kryesues është zgjedhur Boban Petrovski nga Instituti për Histori në Universitetin “Shën Kirili dhe Metodi” në Shkup, raporton Klan M.

“Ky trup do të jem mendime për karakterin e personaliteteve historike, mënyrën se si do të formohen shoqatat, me qëllim të shmangies së keqpërdorimeve të personaliteteve të caktuara që kanë kontekst negative nëpër epoka të ndryshme” – thonë nga qeveria e RMV-së.

Kjo erdhi si pasojë kur shumë institucione të vendit “hudhnin topin” se kush ka lejuar regjistrimin e klubeve të bullgarëve në Manastir, Ohër dhe vende tjera, me emra që interpretohen si ofenduese për qytetarët. Kohë më parë reagoi dhe komuniteti hebraik.

“Jemi të ofenduar nga regjistrimi i shoqatës “Mbreti Borisi i Tretë” në Ohër, por edhe nga lehtësia me të cilën në vendin tonë glorifikohet nacizmi, fashizmi dhe përhapet gjuhë e urrejtjes. Në vitin 1943, gjatë Luftës së Dytë Botërore, Mbreti Borisi i Tretë dhe Qeveria e Bullgarisë mbretërore janë fajtorët e drejtpërdrejtë për deportimin e më shumë se 11.300 hebrenjve nga territoret e okupuara në Maqedoni, Greqi dhe Serbi” – thonë nga Bashkësia Hebraike

Bullgarët insistojnë se në RMV ka mbi 100.000 bullgarë, sipas numrit të pasaportave bullgare. Thonë se të drejtat e tyre nuk respektohen mjaftueshëm dhe kushtëzojnë vendin para se të nisin negociatat praktike aderuese me BE që t`i fus bullgarët si bashkësi e barabartë në Kushtetutës. Por, në regjistrimin e vitit të kaluar, 3.500 qytetarë të vendit ishin deklaruar si bullgarë, kurse në zgjedhjet para tri ditëve kishin votuar vetëm 180 shtetas bullgarë në Maqedoninë e Veriut. /KlanMacedonia/

read more
Top LajmeVendi

Sërish shtrejtohet çmimi i naftës në Maqedoninë e Veriut

weff-1

Komisioni Rregullator i Energjetikës dhe i Shërbimeve të Ujit i Republikës së Maqedonisë së Veriut miratoi vendimin,
me të cilin bëhet rritja e çmimeve të shitjes me pakicë të derivateve të naftës mesatarisht 0,99% në raport me
vendimin e datës 3.10.2022.

Çmimet referente të derivateve të naftës në tregun botëror në krahasim me përllogaritjen e mëparshme shënojnë
rritje mesatarisht te benzina për 2,807 %, te nafta për 3,614%, te vaji ekstra i lehtë për 4,615% dhe te mazuti për
1,978%.

Kursi i denarit në raport me dollarin në periudhën e kaluar, sipas të cilës janë formuar çmimet në përllogaritjen e
mëparshme, është më i ulët për 0,231%.

Çmimi i shitjes me pakicë i ЕURODIZELIT (D-Е V) rritet për 2,00 den/litër, ndërsa çmimi i shitjes me pakicë i
Vajit Ekstra të Lehtë për Amvisëri (ЕL-1) rritet për 2,50 den/litër.

Çmimet e shitjes me pakicë të benzinës EUROSUPER BS-95 dhe EUROSUPER BS-98 si dhe të Mazutit M-1
SU nuk ndryshojnë.

Nga data 6.10.2022, ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 86,50 (denarë/litër)
Benzinë motori EUROSUPER BS – 98 89,00 (denarë/litër)
Naftë motori EURODIZEL BS (D-E V) 94,50 (denarë/litër)
Vaj për Djegie Ekstra i Lehtë 1 (EL-1) 92,00 (denarë/litër)
Mazut М-1 SU 50,228 (denarë/kilogram)

Theksojmë se këto janë çmimet maksimale të derivateve të naftës nga ora 00:01 e datës 6.10.2022. Tregtarët me
shumicë dhe pakicë me derivate të naftës dhe lëndë djegëse për transport, mund t’i formulojnë çmimet e derivateve
të ndryshme të naftës dhe lëndëve djegëse për transport edhe më të ulëta se çmimet më të larta që janë përcaktuar.

read more
1 2 3 1,549
Page 1 of 1549