Kandidatët me arsyetime se nuk kanë gisht në vuajtjet e shqiptarëve
Ashtu siç pritej, pjesa më e nxehtë e debatit të parë të rrethit të dytë mes dy kandidatëve për President ishte për shqiptarët. Të dy kandidatët i numëronin të bërat e Qeverive të kaluara ndaj shqiptarëve dhe tentonin që fajin t’ia hedhin njëri-tjetrin.
“Kam frikë se keni qenë të shpërblyer për aksionet e “suksesshme” në Gostivar dhe Tetovë… Episodi më turpshëm i politikës maqedonase ndaj shqiptarëve. Rastet si Radolishta, Bit Pazari, Tetova… Nuk harrohen.” -tha Gordana Siljanovska-Davkova, Kandidate për President.
“Gjatë rastit të Radolishtës, unë nuk kam qenë i punësuar në Ministrinë e Punëve të Brendshme. Gjatë kohës së ngjarjeve për Universitetin e Tetovës, unë kam qenë bashkëpunëtor i ri profesional. Gjatë rasteve të Tetovës, Siljanovska ka qenë ministre në Qeverinë e atëhershme, rasti i Radolishtës kur policia hyri dhe e okupoj fshatin. Ky tip i amnezisë selektive harron se nuk mund ta krahasoni dikë që vitet e 90 ka qenë nëpunës civil, me dikë që ka qenë pjesë e Qeverisë të Cërvenkovskit dhe LSDM-së në atë periudhë të errët gjatë fazës së tranzicionit tonë.” -shprehet Stevo Pendarovski, Kandidat për President.
“Kam qenë pjesë e Qeverisë si përfaqësuese e Liberalëve, dhe është mirë që disa nga ministrat shqiptar të asaj Qeverie janë gjallë dhe shëndoshë i dinë mirë qëndrimet e mia për disa nga ngjarjet.” –thekson Gordana Siljanovska-Davkova, Kandidate për President.
E ne e dëgjuam Siljanovskën dhe e pyetem ish kolegen e Qeverisë, e ai nuk i konfirmoi aspak pohimet e kandidates të përkrahur nga VMRO DPMNE.
“Në qoftë se punon gjatë kohë bashkë me dikë, marrëdhëniet personale mund të jenë edhe të mira, por kur është fjala për interesat e shqiptarëve, për kërkesat e shqiptarëve të atëhershme… Që kishin të bëjnë me arsimin në gjuhën shqipe, ajo aspak nuk ka pasur një rol ndryshe nga partitë tjera. Atë kohë na thoni se është anti-kushtetuese arsimimi në gjuhën shqipe. Nuk mund ne sot ta amnistojmë kandidaten, Gordana Siljanovska, kur dihet se në periudhën e fundit 10 vjeçare, ajo ka qenë në ndër më aktivet duke e bindur opinionin edhe Kundër Marrëveshjes së Ohrit. Ajo ka qenë kategorikisht kundër që të fshihet termi maqedonas, dhe të shtohen bashkësitë etnike. Mos të bisedojmë për gjuhën…” –pohon Xhevdet Harjedini, Ish-ministër.
Hajredini kujtoi se VMRO DPMNE e quan si kohë më të errët në historinë e shtetit periudhën kur edhe Siljanovska ka qenë pjesë e ekzekutivit, dhe konsideron se është e pamoralshme që të pranosh përkrahje nga partia që të ka konsideruar si tradhtarë, shkatërrues dhe kriminel. /Furkan Saliu/
