Pushteti aktual pa dallime nga ai paraprak
Forumi për Maqedoni Demokratike nëpërmjet një reagimi, ka vlerësuar se pushteti aktual nuk dallon shumë nga pushteti paraprak, kur është fjala për dhënien e përgjegjësisë, korrupsionit dhe për punësimet joadekuate.
Nga Forumi për Maqedoni Demokratike thonë seshqetësuese është tendenca për veprime të paligjshme të koalicionit qeverisës në Maqedoni.
Gjurmë kryesore me udhëheqjen e shtetit, qëndrojnë dyshimet për korrupsion, nepotizëm, punësime partiake, tenderë të dyshuar dhe furnizimi i veturave luksoze, siç është rasti me Komunën e Strugës dhe gjatë këtyre ditëve me MEPSO-n. Emërohen persona në vende përgjegjëse në borde udhëheqëse dhe mbikëqyrëse në institucione shtetërore të rëndësishme, pa pasur arsimim adekuat dhe ekspertizë profesionale”, thonë nga FMD-ja.
Nga FMD-ja kanë kritikuar edhe ndryshimet ligjore në Ligjin për Prokurori Publike, ku thonë se shqetësuese janë kompromiset politike në sistemin gjyqësor dhe sundimin e së drejtës në shtet. Nga atje thonë se Qeverisë i duhet plan dhe strategji më e mirë për të luftuar shtetin e robëruar. /Klan Maqedoni/
