close

GREQI, QYTETARËT MIDIS SHPRESËS DHE DYSHIMIT

Parlamenti grek ka zgjedhur të enjten kryetarin e ri. Ai është deputeti i demokracisë së re, Kostantinos Tasoulis, që mori një rekord votash: 283.

Në një akt të rrallë për Greqinë, kandidatura e paraqitur nga maxhoranca, është votuar edhe nga partia më e madhe opozitare, SYRIZA, por edhe parti të tjera parlamentare, me përjashtim të asaj komuniste që abstenoi.

Kjo mund të jetë shenjë e një mentaliteti të ri në politikën greke, në kohën që vendi ka nevojë pikërisht për stabilitet politik e social.

Këto janë dy kushte të domosdoshme që qeveria e re greke të sendërtojë objektivat e veta, që synojnë një ristartim të vendit, më së pari në planin ekonomik.

Fitorja e zgjedhjeve ishte pjesa më e lehtë për Kyriakos Mitsotakis. Tani fillojnë vështirësitë. Masat që po përpunon qeveria, për të përmirësuar klimën e ekonomisë dhe të investimeve, do të jenë vazhdimisht nën vështrimin e rreptë të kreditorëve ndërkombëtarë, “trojkës” së famshme që tashmë emërtohen “institucione”. Qytetarët mund të jenë sot optimistë, por janë gjithashtu të vetëdijshëm se ndodhen ende larg përfundimit të peripecive.

  1. Besoj se do të shkojmë shumë më mirë.
  2. Shpresoj të shkojmë mirë, shpresoj. Zoti e bëftë mbarë.
  3. Nuk besoj se do të vijnë ditë më të mira… Të shohim…
  4. Sigurisht që gjërat do të ndryshojnë për mirë. Mitsotakis do t’i ndryshojë.
  5. Kërkohet kohë, kërkohet konsensus.

Kreditorët ndërkombëtarë kanë thënë se në shtator do të shqyrtojnë projektin e qeverisë greke për reformën tatimore, që parashikon ulje të ndjeshme të tatimeve për biznesin dhe qytetarët. /Robert Goro, Athinë/

 

Nëse je pranë një vendi ngjarje, ke fotogorafi apo video, atëherë ti raporto. Na shkruaj në klanmacedonia@gmail.com
TI RAPORTON!