close
Sport

HENDBOLL: GJERMANI – FRANCË BARAS ME LOJË DRAMATKE

hendboll111

Në Grupin Norvegjia dhe Danimarka me pikë maksimale

Në edicionin e 26-të Kampionatit Botëror të hendbollit për meshkuj që zhvillohet në Gjermani dhe Danimarkë, janë zhvilluar ndeshjet e raundit të katërt në Gurpin A dhe C. Ndeshja më dramatike që u zhvillua në Berlin mes Gjermanisë dhe Francës kampionit aktual të botës, përfundoi me rezultat 25:25, ndërsa ishte prej ndeshjeve më të mira të deritashme në botërorin për hendbollistë. Vendasit të përkrahur nga 13.500 shikues deri në 3 sekondat e fundit kishin epërsi prej një goli, por Francezët barazuan me golin e Timothey N’Guessan, nga goditja e lirë.

Në dy ndeshjet tjera të grupit A, përfaqësuesja e Brazilit mundi Rusinë 25:23, ndërsa Serbia mundi Korenë me rezultain 31-29. Pas katër ndeshjeve të zhvilluara në Grupin A, kryeson Franca me 7 pikë, para Gjermanisë që ka 6, Rusia është e treta me 4 pikë aq sa ka edhe Brazili, ndërsa Serbia është e pesta me 3 dhe Korea e fundit pa asnjë pikë.

Në ndeshjet e Grupit  C, Tunizia mundi Arabainë Saudite 24:20, ndërsa Norvegjia me rezultat të thellë mundi Kilin 41-20, ndërsa Danimarka e mposhti Austrinë me 28:17. Tabelën në Grupin C e kryesojnë Norvegjia dhe Danimarka me nga 8 pikë maksimale.

Sot luhen ndeshjet e xhiros së katërt në grupet B dhe D.

Ndeshjet e grupit B janë: Japonia – Islanda (15:30), Kroacia – Bahrejni (18:00), Maqedonia – Spanja (20:30).
Në grupin D janë: Angola – Argjentina (15:30), Hungaria – Egjipti (18:00), Katari – Suedia (20:30).

Grupi A
1. Franca        7
2. Gjermania  6
3. Rusia          4
4. Brazili         4
5. Serbia        3
6. Korea         0

Grupi B
1. Kroacia          6
2. Spanja           6
3. Maqedonia 3 4
4. Islanda           2
5. Japonia          0
6. Bahrejni         0

Grupi C
1. Norvegjia      8
2. Danimarka    8
3. Tunizia          4
4. Austria          2
5. Kili                2
6. Arabia S.       0

Grupi D
1. Suedia          6
2. Hungaria   3 5
3. Katari           2
4. Egjipti          2
5. Angola         2
6. Argjentina    1

 

 

Klan Macedonia

The author Klan Macedonia