Në lojë janë 600 milionë euro
Kjo javë, e fundit e afatit kalimtar të verës në përjashtim të Premierligës mund të sjellë shumë befasi.
Neymar, Rodrigo, Dybala, Icardi, Pogba, Correa, Mariano, Rakitiq e shumë futbollistë të tjerë të mëdhenj mund të gjejnë një skuadër të re, shkruan e përditshmja sportive madrilene “AS”.
Madje, vlera e transferimeve të javës së fundit mund të arrijë shifrën totale prej 600 milionë euro.
Emri më i përfolur i momentit e që mund të jetë edhe blerja më e madhe është pa dyshim Neymar.
Ylli brazilian ka konfirmuar vendimin për largim nga PSG derisa kërkohet nga Barcelona dhe Real Madrid.
Afati kalimtar i verës në ligat tjera kryesore evropiane mbyllet më dy shtator. /Agjencitë/
