Të dyja takimet fillojnë në orën 21:00
Sonte në program janë dy ndeshjet kthyese të çerekfinales në Ligën Kampionëve. Barcelona dhe Manchester Unitedi do të takohen sonte në “Camp Nou” për ta zhvilluar ndeshjen e dytë dhe vendimtare të fazës çerekfinale të Ligës së Kampionëve. Katalonasit në ndeshjen e parë të çerekfinales që u zhvillua në Old Traford shënuan fitore me rezultatin 1-0, por duke pasur parasysh se në të tetën e finales edhe PSZH-ja kishte epërsi prej dy golave, por u deshtë që të përshëndetet nga ky kompeticion i garave pasi si vendas pësoi 3-1. Duke u bazuar nga ndeshja e ndodhur në “Parc des Princes” ekipi i “Djajëve të Kuq” do të kërkojnë një tjetër natë magjike në kompeticionin elitar evropian për klube.
Formacionet e mundshme:
Barcelona : Ter Stegen; Sergi Roberto, Piqué, Lenglet, Jordi Alba; Busquets, Rakitic, Arthur; Messi, Suarez, Coutinho.
Mançester United: De Gea; Dalot, Lindelof, Smalling, Young; Pogba, McTominay, Lingard, Mata, Rashford, Lukaku.
Në ndeshjen tjetër Juventusi pret Ajaxin në ndeshjen e dytë të çerekfinales së Ligës së Kampionëve. Ndeshja e parë në Amsterdam përfundoi me rezultat 1-1, rezultat që në ndeshjen e dytë lë të hapur shumë alternativa. Juventus në këtë ndeshje do ta luajë pa dyshen e lënduar Giorgio Chiellinini dhe Mario Mandzukiq, ndërsa në dyshim është Blaise Matuidi.
Në anën tjetër Ajaxi ka udhëtuar në Torino pa Nicolas Tagliafico e skualifikuar, ndërsa nuk pritet të ketë mungesa tjera të rëndësishme.
Më poshtë keni formacionet e mundshme:
Juventus : Szczesny, Cancelo, Bonucci, Rugani, Alex Sandro, Emre Can, Pjaniq, Matuidi; Bernardeschi, Ronaldo, Dybala.
Ajax: Onana; Veltman, De Ligt, Blind, Sinkgraven, Schone, De Jong, Ziyech, Van de Beek, Neres, Tadiq. /Agjencitë/
