Grant Wahl vdes papritur, i vëllai: E kanë vrarë
Grant Wahl, gazetar sportiv amerikan që mbulonte futbollin, u nda nga jeta në mënyrë të papritur pak para fundit të ndeshjes mes Holandës dhe Argjentinës. 48-vjeçari u shemb në tokë në sallën e mediave të stadiumit ku po zhvillohej ndeshja.
Ekipi mjekësor ushtroi ndihmën e parë emergjente dhe më pas ai u transportua për në spital. Raportimet thonë se ai u nda nga jeta për shkak të një ataku në zemër.
Gjatë një raportimi live ai kishte deklaruar se disa ditë më parë nuk ishte ndjerë mirë. Mjekët në Katar kishin dyshuar për bronkit. Mjekimet që kishte marrë e kishin përmirësuar shëndetin e tij.
Grant Wahl, gazetar i kanalit amerikan CBS Sports, u arrestua në Katar pasi kishte veshur një bluzë me ylber.
“Bëhet fjalë për vrasje”, ka deklaruar vëllai i tij. Eric Wahl, i cili identifikohet si gay, u ka thënë mediave amerikane se dyshon se Grant është vrarë pasi veshi pikërisht bluzën në mbështetje të vëllait të tij dhe komunitetit LGBT.
Grant Wahl është vlerësuar për punën e tij në raportimet dhe lajmet për sportin e futbollit nga i gjithë spektri mediatik dhe sportiv në Shtetet e Bashkuara.
Tv Klan
