FITOJNË EDHE BOSTONI DHE DENVERI
Skuadra kampione Golden State me hapa të sigurtë marshon drejt kreut të renditjes në Konferencën e Perëndimit. Në ndeshjen e sotme Warriorsat në transfertë mundën Indianan me rezultat të thellë 132-100. Më efikas ishin Curry me 26 pikë e Cousins me 22.
Në njëjtin ritëm vazhdon edhe Denveri që është ndjekësi më i afërt i Golden State, pas fitores në transfertë kundër Memfisit 95-92. Fitore ka shënuar edhe Bostoni në përballjen me Brooklyn 112-104.
Në ndeshjet e tjera të luajtura sot, skuadra e Atlantës befasoi Clippers, duke e mundur me rezultat 123-118 në Los Anxhelos. Skuadra Charlotte, falë një loje të mirë kolektive mundi Nju Jorkun me rezultatin 101-92 .
