Neymar i gatshëm për Brazilin

Seleçao luan kundër Koresë së Jugut

Neymar është gati për skuadrën. Lajmi i mirë nga kampi i Brazilit që ka një ndeshje delikate me Korene e Jugut, skuadër që ka ylin e saj Heung-min Son. Trajneri i Selecao, Tite konfirmoi gjendjen e mirë të sulmuesit pas dëmtimit në kyçin e këmbës, por nëse sulmuesi i PSG-së do të jetë në fushë që nga fillimi i ndeshjes, kjo mbetet për t’u parë. Pesha e pritshmërisë është mbi Neymar dhe është e qartë se përkundër grupit të madh të talenteve sulmuese të Brazilit, asnjë nga yjet e tjerë nuk është në nivelin e tij.

Kthimi i tij sot do të jetë një avantazh i madh psikologjik për Selecao, por mbeten pyetje nëse Neymar mund të provojë aftësinë e tij kundër një skuadre të vështirë të Koresë së Jugut.

Megjithatë brazili në sfidën e mbrëmjes nuk ka alibi. Koreanëve iu është rritur ambicja dhe përballë një superfuqie si 5 herë kampionët e botës do të shkarkojnë gjithë arsenalin e tyre. Brazilit i duhet të tregohet skuadër që në nisje të ndeshjes për të mos lënë hapësira shprese për koreanët. Takimi do të nisë në orën 20:00.

Tv Klan

Lexo gjithashtu
Total
0
Share