close

OSMANI: RRUGA E OPOZITËS –  E VERBËR

Zëdhënësi i BDI-së Bujar Osmani duke komentuar protestën e sotme në Tetovë, ka theksuar se qytetarët nuk përkrahin politika të shpifjeve duke adresuar kritika ndaj opozitës se rruga e tyre për të ardhur në pushtet, siç tha, është rrugë e verbër. Këto komente Osmani i bëri gjatë një konference shtypi me Ministrin e Jashtëm të Hungarisë Peter Sijarto.

Protestat, nëse mund të quhen të atilla, treguan se qytetarët nuk përkrahin politika të përpjekjeve për të marrë pushtetin përmes zbulimit të privatësisë së funksionarëve dhe përmes shpifjeve, por kërkojnë programe serioze, njerëz serioz, me bagazh të përvojave paraprake, por edhe projekte serioze që mund t`i realizojnë.

Dhe, qartazi u pa se cila është politika dhe mendoj se është mesazhi më i mirë për opozitën se cilën rrugë duhet ta zgjedhin, për shkak se qartazi duket se këtë rrugë që kanë zgjedhur, disa herë është dëshmuar se është një rrugë e verbër, dhe nuk i çon drejt fitores.

Më së miri është që të na ndjekin neve, të përpunojnë programe, pojekte dhe kandidatë serioz dhe njerëz që kanë besimin e popullit dhe në këtë mënyrë të jenë konkurrues. I siguroj se vetëm humbin kohë nëse në këtë mënyrë dëshirojnë të vijnë në pushtet.  \Klan Maqedoni/

Nëse je pranë një vendi ngjarje, ke fotogorafi apo video, atëherë ti raporto. Na shkruaj në klanmacedonia@gmail.com
TI RAPORTON!