Pas takimit të parë të Grupit ndër-resorial të punës për realizimin e obligimeve nga Marrëveshja përfundimtare për zgjidhjen e dallimeve të përshkruara në Rezolutat 817 dhe 845 nga viti 1993 të Këshillit të Sigurimit të OKB-së, për ndërprerjen e e vlefshmërisë së Marrëveshjes së përkohshme nga viti 1995 dhe për vendosjen e partneritetit strategjik mes palëve, ka miratuar vendimet lidhur me masat e nevojshme dhe aktivitetet për realizimin e obligimeve të Republikës së Maqedonisë së Veriut pas hyrjes në fuqi të Marrëveshjes Përfundimtare, Amendamenteve Kushtetuese dhe Ligjit Kushtetues më 11 Janar 2019, me afate indicative kohore për realizimin e tyre.
- Drejtoria e Doganave të vendos etiketa në tabelat e vendkalimeve kufitare, kufirin shtetëror të Republikës së Maqedonisë së Veriut dhe në dy aeroportet në RMV, në afat prej tre ditëve.
- Sektori për marrëdhënie me opinionin pranë Qeverisë së Republikës së Maqedonisë së Veriut në afat prej 7 ditëve të përpunojë Librin e standardeve grafike me të cilin do të vërtetohen standarde për paraqitje vizuele të emrit Kushtetues Republika e Maqedonisë së Veriut në kuadër të stemës shtetërore, si logo që e shfrytëzojnë institucionet shtetërore, për tabelat publike në hyrje të të gjitha institucioneve.
- Sekretariati i Përgjithshëm në afat prej 7 ditëve të përgatisë softuer që do të përmbajë të gjitha institucionte, nga niveli shtetëror deri në atë lokal, si dhe dimensionet e tabelave publike. Ndryshimi i të gjitha tabelave në nivelin qendror dhe lokal, të përfundojë në afat prej katër muajve.
- Të gjitha institucionet të bëjnë ndryshimin dokumenteve digjitale (logo, memorandum, komunikime elektronike, ueb-faqe, media etj) në afat prej tre ditëve.
- Të gjitha institucionet në mënyrë përkatëse t`i ndryshojnë memorandumet, materialet e shtypura, indikatorët, në afat prej 2 javëve;
- Ministria për Punë të Jashtme, t`i ndryshojë tabelat në ministri si dhe vulat në afat prej 2 javëve, kurse në përfaqësitë diplomatiko-konsulare në afat prej 3 javëve;
- Ministria për Punë të Brendshme të fillojë me dhënien e tabelave të reja të regjistrimit të automjeteve, në afat prej 4 muajve. Ndërkohë, si zgjidhje kalimtare, MPB-ja do të sigurojë etiketa me shenjën “NMK”;
Gjithashtu sic njoftohet në komunikatë MPB-ja duhet ti ndërmerr masat dhe aktivitetet e nevojshme për zbatimin e zgjidhjes në periudhën kalimtare deri në krijimin e parametrave teknik për dhënien e dokumenteve të reja të udhëtimit. Sic thuhet, Dhënia e pasaportave të reja të fillojë nga fundi i vitit 2019.
- Në afatin kalimtar MPB-ja gjatë daljes apo hyrjes në Republikën e Maqedonisë së Veriut, në dokumentet ekzistuese të udhëtimit të lëshuar në periudhën kalimtare do të vendoset vula, me të cilën do të sqarohet se dokumentet e udhëtimit i takojnë Republikës së Maqedonisë së Veriut;
Rekomandime I janë dhënë edhe Bankës Popullore , ku thuhet se duke marrë parasysh kompleksitetin e procedurës, të bëjë analiza dhe plan për aktivitetet e domosdoshme për ndryshimin gradual të kartëmonedhave, me një dinamikë të përcaktuar kohore, në kuadër të emisioneve të rregullta të reja duke mbajtur llogari për atsbilitetin makroekonomik.
- Kartëmonedhat e para me emrin e rim und të përgatiten në fillim të vitit 2020 dhe më pas, në mënyrë sukcesive, plotësisht të zëvendësohen më së voni në afat prej 5 viteve nga hapja e kapitukve relevant të BE-së;
- Shenjat e komunikacionit në drejtimet rrugore ndërkombëtare në vend, duke u dhënë përparësi endonimeve (në transkriptin anlglez) ndaj egzonimeve (në gjuhën maqedonase në shkrimin cirilik) të ndyshohen në afat prej 2 muajve;
- Në afat prej 6 muajve të bëhet kontrolli dhe revizioni i statusit të përmendoreve, ndërtesave publike dhe infrastrukturës dhe nëse ka të bëjë me historinë dhe civilizimin antic helen, si pjesë e trashëgimisë historike të Greqisë, të meren masa dhe aktivitete përkatëse korektive;
- Në afat prej 6 muajve, të bëhet mënjanimi i simbolit në ish-flamurin kombëtar nga e gjithë hapësira publike dhe përdorimi publik. Artefaktet arkeologjike janë përjashtuar. /Klan Maqedoni/
