Barrikadat në veri të Mitrovicës në Kosovë janë hequr nga serbët pasditen e kësaj të enjteje.
Pamjet e siguruara nga gazetarja e Tv Klan në Kosovë, Blerta Dalloshi Berisha, tregojnë kamionët që hiqen nga rrugët e bllokuara, duke mundësuar kështu qarkullimin e lirë.
Situata është mbajtur në monitorim nga KFOR. Barrikadat janë hequr një ditë pasi Presidenti serb Vuçiç u takua me serbët e Kosovës mbrëmjen e së mërkurës.
Barrikada e vendosur në pikën kufitare të Merdares u hoq gjatë paradites së sotme. /tvklan.al
