close

SUFITE NGA KOSOVA LUTJE NË BEOGRAD

Kjo është tyrbeja e Sheh Mustafas në qendër të kryeqytetit të Serbisë. Një nga të rrallat të ngelura në këtë vend. Shehët nga tarikati Saadi nga Kosova besojnë se shehu i ka takuar grupit të tyre. Kanë kaluar 236 vjet që prej kohës kur dikush nga ky tarikat është lutur apo ka bërë ziqër për shpirtin e tij.

Shehët dhe dërvishët arrijnë nga Kosova dhë bëhen gati për të bërë atë që për shumë kohë ka qenë gati e pamundur.
Sheh Përparimi nga Gjakova është në krye të tyre. Ka kaluar shumë kohë, por besojnë tek hyjnorja dhe bën lutje edhe shqip.  Serbëve u interesojnë tarikatet dhe për shumë kjo lutje duket interesante.

Bashkësia Islame e Serbisë ua hapi portën për mikëpritje. Dikur besohej se në kohën e otomanëve kishte 17 teqe në kryeqytetin serb dhe shumë xhami. Tani aty afër ekziston vetëm një. Lejën për këtë lutje ky tarikat e ka kërkuar përmes institucioneve dhe policia serbe u ka garantuar sigurinë.

Lutjet e tyre u bën atraksion për median serbe dhe turistët, kurse kësaj radhe shehët I kanë shpëtuar pyetjeve të shpeshta politike në mes të shqiptarëve dhe serbëve, kurse ata shpresojë se nuk do të kalojnë dy shekuj për një lutje të re.

Sufizimi është i përhapur në tërë Ballkanin, por më shumë tek shqiptarët se sa tek kombet tjera. Në Serbi ata funksionojnë në kuadër të bashkësisë islame, kurse dikur teqe ka patur edhe në Luginën e Preshevës. /Blerona Jakupi/

 

Nëse je pranë një vendi ngjarje, ke fotogorafi apo video, atëherë ti raporto. Na shkruaj në klanmacedonia@gmail.com
TI RAPORTON!