Janë vjedhur të dhënat personale të pesë milionë Bullgarëve
Në sulm kibernetik në agjencinë shtetërore të tatimeve janë vjedhur të dhënat personale të miliona bullgarëve. Hetuesit bullgarë në fushën e sigurisë kompjuterike deklarojnë se me shumë gjasë janë kompromentuar të dhënat e pothuajse të gjithë personave të rritur, në vendin me popullatë 7 milionëshe.
Autoritetet bullgare tashmë kanë arrestuar një person 20 vjeçar, i dyshuar për pjesëmarrje në sulm. Ministri i Financave Vlladisllav Goranov në Kuvend kërkoi falje për incidenti, duke shtuar se secili që ka tentuar t`i përdorë të dhënat “do ti nënshtrohet ndikimit të ligjit në Bullgari”.
“Mund të thuhet lirisht se të dhënat personale të pothuajse tërë popullatës së rritur në Bullgari janë kompromentuar” – thekson hetuesi i sigurisë kompjuterike Veselin Bonçev, asistent-profesor në Akademinë Bullgare të Shkencave. Mendohet se kryerësi i sulmit kibernetik ka dërguar i-mejl deri te mediat bullgare ditën e hënë, në të cilin përveç që e ka kritikuar sigurinë kompjuterike në institucionet qeveritare, u ka ofruar edhe qasje deri te të dhënat e vjedhura. Në i-mejl shtohet se hakeri posedon informacione për rreth pesë milionë persona dhe biznese në Bullgari.
Kryeministri bullgar Bojko Borisov në lidhje me futjen në sistemin e tatimeve dhe arrestimin e 20-vjeçarit, deklaroi se është evidente që arsimi në Bullgari po bëhet gjithnjë e më cilësor, ndërsa shteti duhet t’i angazhojë “magjistarët” e tillë. Burime të tjera sugjerojnë se pas sulmit fshihen elemente ruse, të motivuara nga vendimi i Bullgarisë për blerjen e tetë avionëve të ri ushtarakë të tipit F-16, në shumë prej 1 miliardë e 256 milionë dollarë nga SHBA-të, furnizimi më i madh me mjete ushtarake pas rënies së komunizmit. /Biljana Georgievska/
