Sot po mbahet manifestimin tradicional ‘Dita e Fasules’, i cili po mbahet në ambientet e SHF “Kiril Pejçinoviq” – Tearcë.
Me edicionin e 11-të të Ditës së Fasules, Qendra për Edukim dhe Zhvillim fillon dekadën e re të organizimit të këtij manifestimi tradicional, pas një pauze për shkak të situatës me pandeminë.
Dita e Fasules është një manifestim tradicional që buron nga nevoja e komunitetit lokal në Pollog për të promovuar vlerat, traditat, kulturat dhe veçoritë e këtij rajoni. Tashmë për më shumë se një dekadë, Dita e Fasules është simbolike e Rajonit të Pollogut, në të cilin theksohen qartë tiparet themelore të bujqësisë, multikulturalizmit, zhvillimit ekonomik, bashkëpunimit dhe vullnetarizmit në komunitet./KlanMacedonia/
