Derbi i javës: Vardari – Universiteti i Tetovës
Kampionati republikan i volejbollit në kategorinë e meshkujve vazhdon të shtunën me ndeshjet e javës së nëntë. Ndeshje më e rëndësishme do të zhvillohet në Shkup, ku do të përballen Vardari dhe Universiteti i Tetovës, dy ekipe pretendente për katërshin e parë që do të luftojnë në play-off për titullin e kampionit.
Kujtojmë se këto dy skuadra të mërkurën u takuan në gjysmëfinale të Kupës ku studentët tetovarë me fitore siguruan finalen e kupës. Në dy takimet tjera të kësaj faze takohen Probishtipi –Strumica dhe Liria – Shutova.
Në kategorinë e femrave takohen: Janta Volej- Viktori Volej, Pelisteri Volej – Rabotniçki Vajzat, Nakovski Volej – Rabotniçki Shkup, Bamikori – Universiteti i Tetovës dhe Uskana – Studenti. /Shaban Sinani/
