Kënga ‘Me’ e artistes Jisoo ka marrë mjaft klikime që në orët e para të publikimit
Artistja Jisoo ka nxjerrë këngën e saj më të fundit të titulluar ‘Me’ dhe siç pritej ka thyer rekorde që në orët e para të publikimit.
Për anëtaren e grupit të famshëm korean “Blackpink” ky është projekti i saj i parë solo.
Mediat lokale raportuan këtë javë se grupi do të zhvillonte një performancë të përbashkët me yllin e popit Lady Gaga në një darkë shtetërore ku Presidenti i SHBA Joe Biden planifikon të presë homologun e tij koreanojugor në fund të Prillit. Megjithatë ende nuk ka një njoftim zyrtar nga Shtëpia e Bardhë.
Që nga debutimi i tyre në vitin 2016, BlackPink është bërë një nga grupet më të suksesshme në botë, duke thyer rekorde të shumta.
Në fillim të këtij muaji, grupi muzikor u bë më i dëgjuari në platformën Spotify duke thyer rekordin e vendosur më herët nga grupi Little Mix.
Sakaq, BlackPink pritet të nisë një turne nëpër botë gjatë muajit Tetor ku ndalesa e parë do të jetë Seuli dhe do të vazhdojë me qytete të tjera.
Klan News
