close

Kulture

Kulture

BEJRUT: KORI MYSLIMAN PERFORMON NË FESTËN E KRISHTLINDJES

2016-12-27_123413

Sot kur bota është poralizuar skajshmërisht dhe kur paragjykimet fetare po ndezin konflikte të reja, nga Libani vjen një shembull i shkëlqyeshëm i torelancës

Një kor mysliman ka vendosur të merr pjesë në solemnitein e organizuar nga fqinjët e krishter në Bejrut, duke kënduar kështu këngët tradicionale të Krishtlindjes.

Në Liban njerëzit kanë jetuar me shekuj në frymë tolerante dhe mirëkuptimi, por kohët e fundit, për fat të keq edhe në këtë vend pati përpjekje për futjen e virusit të përçarjes. Tani pjesëmarrja e këtij kori mysliman në një kishë në Bejrut sikur i shkrin akujt e ndasive fetare e kulturore në Liban, duke ua bërë edhe më të pasur festën fqinjëve të krishter.

Mesazhi që vjen nga ky vend i vogël i Lindjes së Mesme është shumë domethënës pikërisht për rajonin në të cilin njeriu ka humbur vlerën  e vet dhe mbi sipërfaqe kanë dalur egozimat dhe paragjykimet fetare e sektare. Për pasojë po shkatërrohen edhe shumë jetë njerëzish dhe të paktë janë ata zëra që thirren në tolerancë në mes të njerëzve.

Dhurata për Krishtlindje që vjen nga ky kor mysliman i Bejrutit, do të duhej të jetë shembull i bashkëjetesës së njerëzve me fe e kombe të ndryshme. /Agjencitë/

 

 

 

 

 

read more
Kulture

LONDËR: KA NDËRRUAR JETË POP YLLI GEORGE MICHAEL

george-michael-t-euml-pensionohet_hd-780×439

Këngëtari George Michael ka vdekur në moshën 53-vjeçare, ka njoftuar publicisti i tij.  Ylli që nisi karrierën me grupin “Wham!” në vitet ’80 dhe më vonë shijoi suksesin si këngëtar solo, thuhet se ka vdekur “paqësisht në shtëpinë e tij”. George Michael do të mbahet mend edhe për ndihmën financiare prej 500 000 funtash që ai e kishte organizuar  për refugjatët e Kosovës që ishin dëbuar nga ushtria serbe pasi kishin filluar bombardimet e NATO-s

Thames Valley Police ka njoftuar se ambulanca ka shkuar në shtëpinë e tij në orën 13:42 të dielën. Policia ka bërë të ditur se nuk ka rrethana të dyshimta rreth vdekjes së këngëtarit britanik. Michael, i lindur në veri të Londrës, shiti më shumë se 100 milionë albume gjatë tërë karrierës së tij që zgjati gati katër dekada. Njihet për krijimin e hiteve si “Faith”, “Careless Whisper” dhe “Last Christmas” etj.

Pop ylli George Michael do të mbahet mend edhe për ndihmën financiare prej 500 000 funtash që ai e kishte organizuar  për refugjatët e Kosovës që ishin dëbuar nga ushtria serbe pasi kishin filluar bombardimet e NATO-s

Michael kishte thënë se largimi i kosovarëve më dhunë nga shtëpitë e tyre ishte arsye që ai kishte marrë këtë vendim që paratë ti dhurojë për NetAid.

Bashkë me këngëtarin para për kosovarët kishte dhuruar edhe Vanessa Redgrave dhe James Dean Bradfield. Veç ndihmës Michael kishte bërë edhe një thirrje në radio për të ndihmuar refugjatët kosovarë – duke incizuar një reklamë që bënte thirrje për donacione. Reklama ishte paraqitur në radion Capital të Anglisë Jugore dhe Walesit Jugorë.

“Tung! Jam George Michael dhe po kërkojë ndihma për njërën prej agjencive kryesore humanitare në Britani. Kriza e madhe humanitare në Ballkan vazhdon, me qindra dhe mijëra njerëz që kanë mbetur pa strehë dhe ushqim. Fëmijët dhe pleqtë janë më të rrezikuarit, të gjithë kanë nevojë për ndihmën tonë. Për shumë nga kjo kjo është kriza më e madhe e refugjatë që nga Lufta e Dytë Botërore. Ju lutem ndihmoini duke dhënë donacione në çdo bankë ose duke thirrë në numrin 0900 222233 me kartelë krediti apo debiti”, kishte shkruar atëbotë BBC. /Agjencitë/

read more
Kulture

IN MEMORIAM: SHUHET AKTORI BUJAR LAKO

2016-12-26_151925

Pas një ataku në zemër, sot në mëngjes ka ndërruar jetë në moshën 68-vjeçare aktori i mirënjohur i kinemasë dhe teatrit, Bujar Lako. I njohur me rolet brilante në filmat “Gjeneral Gramafoni”, “Ball për ballë”, ky aktor me performancën e tij artisitike do të mbetet i ngulitur në kujtesën tonë për përkushtimin, origjinalitetin dhe stilin tepër të vaçant të aktrimit   

Në mënyrë krejt të papritur, si pasojë i një ataku kardiak mëngjesin e sotëm ka humbur jetën një nga aktorët më të njohur shqiptar që ka bërë historinë e filmit.

Bujar Lako ka ndërruar jetë në moshën 69-vjeçare ndërsa rolin e fundit e ka luajtur në vitin 2014 në filmin Amsterdam Express.

Por përveç filmave, Lako ka në koleksionin e tij më shumë se 70 role të ndryshme në teatër.

Bujar Lako ka lindur në 9 maj 1947 në Korçë, ndërsa më pas ka zhvilluar karrierën e tij në Tiranë.Karrierën e filloi fill pas studimeve të larta, në vitin 1973 si aktor në Teatrin Kombëtar. Nuk kaloi shumë kohë dhe pjesëmarrja në filmat “Përballimi” dhe “Në fillim të verës” do e katapultonte në produksione më të mëdha kinemaje si “Gjeneral Gramafoni”, në rolin e Halit Beratit, “Balle për ballë” në rolin e Mijo Bermenës, “Gurët e shtëpisë time” në rolin e Tenente Morucit dhe produksionet më të fundit ku mori pjesë ishte prodhimi i vitit 2003 “Lule të kuqe, lule të zeza”, ku luajti përkrah të tjerë emrave si Kastriot Çaushi, Vasjan Lami, Petrit Malaj, Mevlan Shanaj etj. Gjithashtu, edhe “Magic Eye”, ku shfaqet përkrah Timo Fllokos, Alban Ukajt dhe Arta Dobroshit.

Në teatër ka interpretuar një sërë rolesh në vepra si “Vdekja e një komisioneri”, “Ditë vere”, “Ariu”, “Monserati” etj.

Gjatë karrierës së tij, Bujar Lako është mirëpritur gjithnjë nga publiku, por edhe kritika e cila e ka vlerësuar edhe me çmime. I pari për të ishte në vitin 1979, ku ngriti kupën e aktorit më të mirë të festivalit të filmit për rolin e tij në filmin “Gjeneral Gramafoni” dhe në vitin 2005 do të fitonte titullin “Palma e Artë”, me filmin “Magic Eye” të Kujtim Çashkut, që përbën edhe çmimin më të madh marrë nga një aktor shqiptar në një festival të kategorisë A për filmin.

Titujt që mban mbi vete janë urdhëri “Naim Frashëri”, klasi i parë në vitin 1982, “Artist i merituar” në vitin 1985 dhe “Nderi i kombit”, akorduar nga Presidenti i Republikës në vitin 2013.

Për ndarjen nga jeta të aktorit Bujar Lako ka patur reagime të shumta dhe një prej tyre vjen edhe nga Ministrja e Kulturës, Mirela Kumbaro.

Ajo ka dashur t’a kujtojë artistit përmes një nga roleve të tij të spikatura siç ishte ai në filmin “Gjeneral Gramafoni”. “Ike pabesisht Bujar Lako, por mbete perjetesisht Gjeneral Gramafoni! Lamtumire Artist ndonese nuk na iken dot!,”-përfundon postimi i Kumbaros.

 

Por, të shumtë kanë qenë miq e artistë të cilat përmes rrjeteve sociale kanë dhënë ngushëllime por edhe kanë kujtuar copëza nga njohja me aktorin e ndjerë, Bujar Lako.

Një prej tyre është edhe aktori Mevlan Shanaj, i cili teksa ndan në Facebook një foto të vjetër të tyre shkruan me dhimbje për aktorin. “Klithme nga qielli nga shpirti, gjithe ajri me merr frymen , ka ikur Bujo!! Lajm i dhimbshem theres qe ne miqte si edhe familja e kemi te pa përballueshëm,”-përfundon Shanaj. /Agjencitë&Art/

 

read more
Kulture

LINDA HALIMI FITUESE E FESTIVALIT TË KËNGËS NË RTSH

linda-2-e1482537246677-780×439

Këngëtarja nga Kosova, Linda Halimi është fituese në edicionin e 55 të Festivalit të Këngës në RTSH. Me këngën “Botë” ajo do të përfaqësojë Shqipërinë në garën më të madhe të këngës në Evropë. Me tekst të Gerald Xhari, muzika dhe orkestrimi Klodian Qafoku, njoftojnë mediat shqiptare.

Altin Basha, Vikena Kamenica, Vlashent Cata, Arben Duka, Petrit Çeku, Alma Bektashi, Inva Mula kanë qenë përbërja e jurisë që ka vlerësuar drejtpërdrejt nga salla garuesit e këtij edicioni.

Përpos jurisë që është brenda Pallatit të Kongreseve anëtarë të jurisë ishin edhe artistë që janë jashtë Shqipërisë duke përfshirë: Anjeza Shahinin, Elsa Lilan, Nertila Kokan, Fatrin Krajkan dhe Adelina Ismajlin.

Kujtojmë se suksesi më i madh i Shqipërisë në “Eurosong” është arritur nga këngëtarja nga Kosova, Rona Nishliu me këngën e saj “Suus”. Ajo kishte dalë e pesta në garën e vitit 2012. “Eurosong 2017” do të mbahet në Kiev të Ukrainës, më datat 09, 11 dhe 13 maj. /Agjencitë/

 

read more
KultureVideo

LINDITA AHMETI: VARGJET PËR MËSHTEKNAJËN E BABAIT

2016-12-23_165357

“Nga mështeknaja e babait me mallëngjim”, është libri i shtatë me poezi e shkrimtares Lindita Ahmeti , i cili u promovua në Tetovë. Ky libër sjell poezi me të cilat ka mbyllur hermetikisht botën shkrimtarja.  Ato që kanë bërë një udhëtim në këtë vepër i çmuan poezinë  e saj dhe deklaruan se do të zërë vend të pashlyeshëm në letërsi.

Poashtu, të pranishmit e vlerësuan me pikë pozitive “mështeknajën e babait”.

Autorja e librit, shprehet se dëshiron që me krijimet e saja të rrëmbejë vëmendjen e të tjerëve, ti bëjë për vete ato qoftë edhe duke ju rrëfyer gjëra nga më të rëndomtat.

Lindita Ahmeti ka botuar shtatë përmbledhje me poezi, katë prej të cilave të përkthyera në maqedonisht dhe një në bullgarisht. Ajo poashtu ka marrë disa çmime letrare për veprat dhe poezit e saja. /B. J. /

 

read more
Kulture

TIRANË: “TRIMAT E JUTBINËS”, NË TEATRIN KOMBËTAR TË OPERAS

2016-12-23_173506

Ansambli Popullor i Shqipërisë këtë fundvit vjen në skenën e Teatrit Kombëtar të Operas dhe Baletit me premierën“Trimat e Jutbinës”, shfaqje kjo ku ndëthuren imazhi, kërcimi, legjenda dhe epika.

 Sonte  TKOB sjell premierën “Trimat e Jutbinës”, realizuar  nga Ansambli Popullor i Shqipërisë,  konceptuar mbi legjendat shqiptare të mbledhura nga Mitrush Kuteli në vëllimin“Tregime të moçme shqiptare”.

Fabula e shfaqjes do të bazohet në 11 rrëfimet e Kutelit, konceptuar në 11 momente të ndryshme, ku do të jenë ndërthurur muzika, vallet, ritet ku spikasin “Muji dhe Zanat, “Gjergj Elez Alia”, “Ajkuna qan Omerin” deri tek momenti i vdekjes së Skënderbeut.

Kjo shfaqje synon të realizojë një koncept krejtësisht të ri për sa i përket natyrës së Ansamblit. Parashenjat estetike të këtij koncepti kanë të bëjnë me ndërthurjen e muzikës instrumentale, e cila personifikon personazhet kryesorë, me përpunimet vokal-korale, përpunimin e këtyre rrëfimeve në një subjekt të rrjedhshëm, thuajse një opera, me motive të muzikës tradicionale, ardhur në kohën e sotshme, si dhe ndërhyrjet e koreografive solistike dhe atyre masive.

Muzika origjinale dhe regjia mbajnë firmën e Gerti Drugës, i cili, si Drejtor Artistik i Ansamblit të Shqipërisë, ka sjellë një frymë të re, duke i bërë shfaqjet më tërheqëse për publikun.

Në këtë projekt artistik ai ka bashkëpunuar me skenaristin Petrit Rruka. koreografët Rexhep Çeliku, Genc Kastrati, Jera Çurçia. Programi do të vijë nën interpretimin e Grupit Vokal, Orkestrës dhe Trupës së Valleve të Ansamblit Popullor i Shqipërisë.

I konceptuar mbi veprën e Kutelit, ky aktivitet nuk mund të kuptohet pa ilustrimet e piktorit Gazmend Leka, që e bënte edhe më të dashur librin për lexuesin. Ato vijnë përmes projeksionit nga Eliodor Markja. /Agjencitë/

 

read more
Kulture

TIRANË: SONTE, FESTIVALI I KËNGËS NË RADIO TELEVIZIONIN SHQIPTAR  

2016-12-21_143601

 

Festivali i Këngës në Radio Televizionin Shqiptar në përvjetorin e 55-të të tij vjen me strukturë dhe një konceptim tërësisht të ri. Organizatorët e Festivalit, që qëndron në themelin e traditës së muzikës së lehte shqipe, publikuan para mediave dhe artisteve konceptimin strukturor dhe përmbajtsor që synon rikthimin e besimit të publikut por edhe të vetë krijuesve

Spektakli më i madh muzikor i vitit, do të ulë para ekranit të Televizionit Shqiptar mijëra shikues. Surpriza pa fund, emocione dhe ethe konkurrence do të mbajnë pezull publikun deri në minutën e fundit, kur dhe do të shpallet kënga fituese e edicionit të 55-të të këtij festivali tradite. Për t’ia arritur këtij qëllimi, organizatorët e festivalit kanë ftuar nga Kosova dy regjisorët e njohur Agron Vula dhe Astrit Idrizi, të cilët kanë lënë gjurmët e tyre në Festivalin e vitit 2012.

Teknologjia e lartë është kryefjala e këtij festivali. Në sallën e pallatit të kongreseve janë vendosur 11 kamera, mes tyre dy ekrane dhe një karel.

Ky Festival nuk është vetëm arenë ku përballen vlerat e muzikës së lehtë shqiptare, por që prej vitit 2003, ai është i vetmi kompeticion që ka ekskluzivitetin e prezantimit të muzikës së lehtë shqiptare në Eurosong.

‘’Festivali i Këngës’’ në Radio Televizionin Shqiptar do të mirëpresë në skenë edhe sopranon e njohur me famë ndërkombëtare Inva Mula.Ajo nuk do të marrë pjesë në konkurrim por do të jetë e ftuara e nderit gjatë spektaklit. Diva e skenave do të këndojë dhe një këngë mjaft të dashur për publikun shqiptar.

Këngët që do të marrin pjesë në këtë edicion jubilar do të jenë vetëm 24. /Agjencitë&TvArt/

 

 

read more
Kulture

KONCERTI I VITIT TË RI: DOLI- DO TË MBËRRIJNË NGA VJENA 36 ARTISTË TË SHQUAR  

2016-12-20_171939

 

“Do të mbërrijnë nga Vjena 36 artistë të shquar që do të shfaqin për herë të parë në Shqipëri perlat e artit austriak”. Ky është sqarimi i artistit shqiptar me famë botërore Shkëlzen Doli në rrjetin social Facebook. Reagimi ka ardhur pas disa debateve në media të ndryshme për Ansamblin e Koncertit të Vjenës që do të vijë në Tiranë më 2 janar 2017.

Zakonisht mediat, sipas citimit të kryeministrit Rama janë shprehur në një mënyrë figurative se Koncerti i Vjenës vjen për herë të parë në Tiranë.Edhe pse në tekstin e lajmeve të bëra publike është përmendur fakti se do të vijë ansambli orkestral i koncertit të Vjenës dhe violinisti Shkëlzen Doli, disa nga mediat online e quajtën lajm të rremë.Shkëlzen Doli sqaron më konkretisht se sa nga artistët e koncertit të famshëm të Vjenës që organizohet në Austri çdo 1 janar, do të vijnë në Tiranë në datën 2 janar.

Doli ka dërguar një mesazh në Facebook ku konkretisht shkruan: “Dëshiroj të ndaj me ju kënaqësinë dhe emocionin e vecantë që kam para kësaj performance kaq të jashtëzakonshme! Me 2 Janar, Në Tiranën tonë të bukur, do të mbërrijnë nga Vjena 36 artistë të shquar që do të shfaqin për herë të parë në Shqipëri, në mënyrë kaq autoktone, perlat e artit austriak, për t`iu uruar, së bashku me mua, të gjithë shqiptarëve, live nga Tirana: një vit të mbarë dhe sa më shumë harmoni! Juaji Shkëlzeni!”

Ndërkohë violinisti Doli me ansamblin e Koncertit të Vjenës po pritet me padurim nga publiku në Shqipëri. Biletat e koncertit janë shitur të gjitha që para dy ditëve. /Agjencitë/

 

read more
Kulture

KINEMATOGRAFI: FILMI “ETJET E KOSOVËS” NOMINOHET PËR KOLONËN ZANORE NË MONTREAL

auto_sunaj1482151587

 

Shënohet edhe një sukses i kinematografisë kosovare . Kësaj radhe bëhet fjalë për një film i cili ka qenë pjesëmarrës në shumë festivale, kurse kësaj radhe do të merr pjesë në një konkurrim shumë specifik

“Etjet e Kosovës”, filmi i parë i prodhuar me shirit filmik pas luftës së fundit në Kosovë, i cili erdhi nën regjinë e Sunaj Raçës, është nominuar në kategorinë Best Score for a Produced Film në World Film and Music Festival, ku muzika e filmit është kompozuar nga Marian Necak.

Një gjë të tillë e konfirmoi për për mediat vetë regjisori Raçaj, i cili tregoi se ky është një nga festivalet më të mëdha në botë për kolonen zanore. Filmi ka qenë pjesëmarrës në shumë festivale dhe tash pas 10 vitesh, nominohet për kolonën zanore në këtë festival.

Filmi fokusohet tek pasojat e luftës në Kosovë dhe është një film i gjallë, plot temperament që sjellë shumë emocione. Në rolet kryesore të këtij filmi janë: Faruk Begolli ,Tinka Kurti, Rajmonda Bulku, Sheqerie Buqaj, Blerim Destani, Sunaj Raça. World Film and Music Festival, mbahet në Montreal midis datave 22-25 shtator 2017. /Agjencitë/

read more
Kulture

MUZIKË: NË OKB SHKËLQEN ERZA MUÇOLLI

auto_e11481708519

Ditë më parë UNICEFI festoi 70 vjetorin e themelimit dhe në këtë solemnitet morën pjesë shumë artistë nga e mbarëe bota. Sihariqi i kësaj ngjarjeje ka qenë edhe një këngëtare nga Kosova

Së fundmi Erza Muçolli ka qenë ajo që ka performuar para një audience të madhe që ishte e pranishme në 70 vjetorin e UNICEF-it, i cili u festua në njërën nga zyret e OKB-së, në Nju Jork.

Ka qenë konsullja e Kosovës në Nju Jork, Teuta Sahatqija, ajo që e ka publikuar një video të Erzës teksa këndonte.

Në mesin e yjeve të njohur botëror ishin aktorët si Jackie Chan, David Beckham dhe Orlando Bloom, kështu ka bërë të ditur Sahatiqija.

“Orlando Bloom, David Beckham, Jackie Chen and other guests in support. #foreverychild hope”, (Orlando Bloom, David Beckham, Jackie Chen dhe mysafirët tjerë në mbështetje. Për shpresën e secilit fëmijë)”, ka shkruar Sahatqija në Facebook.

Erza ka kënduar me korin e fëmijëve këngën e John Lennonit, ‘Imagine’.

Sahatqija ka treguar se Erza e ka përshëndetur në shqip audiencën me ç’rast edhe e ka bërë krenare atë.

“Erza pershendeti ne shqip audiencen. Te lumte Erza, me bere krenare”, ka shkruar Sahatiqija.

Kujtojmë se Erza u bë e famshme me pjesëmarrjen e saj në “X Factor” në Francë ku edhe doli e dyta në këtë garë të madhe. /Agjencitë/

read more
1 8 9 10 11 12
Page 10 of 12