close

Rajoni

Rajoni

SHQIPËRI-KOSOVË: LINJA E INTERKONJEKSIONIT ME RËNDËSI SA RRUGA E KOMBIT

no thumb

Është inauguruar sot linja 400 kv e intekonjuksionit mes Shqipërisë e Kosovës, ku të pranishëm kanë qenë dy kryeministrat Mustafa e Rama, ku ky i fundit ka thënë se Shqipëria e Kosova duhet që të krijojnë një bursë të përbashkët energjie, me qëllim që ne të rrisim mirëqenien e popullit dhe të dalim në tregun evropian të sigurt dhe të bashkuar .

Duke folur për rëndësin e interkonjuksionit midis Shqipërisë dhe Kosovës, kryeministri Edi Rama në një prononcim të tij për mediat pasi nënëvizoi rëndësin e madhe të këtij projekti të përbashkët theksoi në një të ardhme të shpejtë për mes gazsjellësit adriatiko – jonian TAP që do të lidhet edhe Republika e Kosovës si një investim kyç në axhendën e përbashkët të investimit rajonal.

Rama ka shtuar se, ky projekt është kapitulli i ri i integrimit të dy vendeve, duke thënë se, sot është çelur një kapitull i ri që çon në integrimin e hapësirës sonë duke filluar nga energjia e më pas tek të gjithë sektorët, duke theksuar se ky është një bashkim fuqish.

Ndërkaq, Kryeministri i Kosovës Isa Mustafa e ka konsideruar linjën e intekonjuksionit Shqipëri-Kosovë si ekuivalente e Rrugës së Kombit, duke e konsideruar kështu si njënga projektet më të mëdha të të dy vendeve.

Nga ana tjetër ai ka shtuar se përmes tij Shqipëria e Kosova do të kenë mundësi që të ndihmojnë jo vetëm njëra-tjetrën, për shkëmbimin e energjisë, por edhe të dalin në tregun rajonal. /Agjencitë/

read more
Rajoni

PRISHTINË: ÇDO VIT E MË PAK SERBË MBLIDHEN NË GAZIMESTAN

no thumb

Disa qindra qytetarë serbë u mblodhën  sot në Gazimestan, në afërsi të Prishtinës, për të shënuar Ditën e Vidovdanit. Kremtimi i kësaj dite ndërlidhet me përvjetorin e 627 të Betejës së Kosovës, që historia serbe e njeh si fitoren shpirtërore të saj, pavarësisht një humbjeje të madhe të forcave ballkanike.

Pranë monumentit të Betejës së Kosovës, të ndërtuar nga mesi i shekullit të kaluar nën administrimin jugosllav, pas mesditës u zhvillua një ceremoni me një prani më të vogël të qytetarëve të komunitetit serb, në krahasim me vitet e tjera. Por, edhe sivjet, pjesëmarrësit shumica të rinj, kanë mbajtur mbishkrime nacionaliste e flamuj serbë, si dhe kanë kënduar këngë nacionaliste, duke thënë se Kosova gjithmonë ka qenë serbe.

Madje, disa serbë kanë pasur në fanella fotografitë e kriminelëve serbë, Slobodan Millosheviq dhe Ratko Mladiq.

Autobusët që kanë ardhur nga veriu, por edhe nga Serbia, janë përcjellë nga policia e Kosovës.

Ndërkohë, liturgjia kryesore është mbajtur, gjatë ditës, në Manastirin e Gracanicës të cilën e udhëhoqi Peshkopi Teodosije I Peshkopatës Rashkë-Prizren. Në ceremoninë e sotme në Manastir mori pjesë edhe zëvendëskryeministri i Kosovës, nga radhët e komunitetit serb, Branimir Stojanoviq, i cili deklaroi se “serbët duhet ta ruajnë trashëgiminë e tyre në Kosovë”.

 Këtij manifestimi ju shtua edhe përurimi i shtatores së Princit Lazar, e lartë mbi 7.5 metra dhe të vendosur në pjesën veriore të qytetit të Mitrovicës. Vendosja e shtatores ka ngjallur reagime të shumta në mesin e shqiptarëve të Kosovës, që e cilësuan si “nxitje të urrejtjeve etnike” ndërkohë që për serbët “vendosja e saj shënon kthim në rrënjët serbe”. /Agjencitë/

 

 

read more
Rajoni

TIRANË: RINIA DHE INSTITUCIONET VENDIM-MARRËSE

no thumb

Në Shqipëri rreth 40% e popullatës shqiptare janë të rinjë. Në një tryezë të rumbullakët të organizuar në Tirabnë pjesëmarësit theksuan se të rinjtë në Shqipëri nuk pyeten aspak për ligjet, madje edhe për vendimet që merren për ta.

Organizata rinore dhe shtëpia e të drejtave të njeriut organizuan në Tiranë një forum për projektet rinore. Rrjeti kombëtarë i të rinjëve gjatë këtij tubimi kërkoi që asnjë vendim për rininë të mos miratohet pa u pyetur ata.

Të rinjtë përbëjnë 40%të popullatës shqiptare dhe zëri i tyre nuk dëgjohet. Prandaj organizatorët e takimit kërkuan të ngrihet një dialog mes qeverisë, parlamentit dhe organizatave rinore për të lehtësuar vështirësitë e tyre.

Ndërkaq vlenë të theksojmë se autoritete po hartojnë një program për të rinjtë rom e egjiptianë, një program ndihme për të rinjtë me aftësi të kufizuar. Nuk anashkalohen as barazia gjinore dhe as mbrojtja e fëmijve dhe të rinjëve nga dhuna.

Duke marr parasysh se papunësia në radhët e të rinjëve të Shqipërisë është ritur me 3,4% çdo vitë, në këtë takim u tha se është më se i nevojshëm formimi i tyre profesional.

Edhe pse qeveria shqiptare ka një plan kombëtar për të rinjtë, buxheti për shërbimet ndaj të rinjëve është i pa mjaftueshëm dhe nuk ka shënuar rritje. /Agjencitë/

read more
Rajoni

PRISHTINË: SERBËT PËRKUJTOJNË VIDOVDANEN

no thumb

Qindra serb, pritet që nesër ta vizitojnë Kosovën me rastin e përkujtimit të Vidovdanit në Gazimestan dhe Graçanicë. Lidhur me këtë manifestim, por edhe me vendosjen e shtatores së Car Lazarit në Mitrovicën Veriore policia e Kosovës thotë se për momentin nuk kanë kërkesë zyrtare për mbajtjen e ndonjë manifestimi.

Megjithatë zëvnedës komandanti i drejtorisë rajonale të policisë së Kosovës në Mitrovicën e Veriut Besim Hoti konfirmon se organet e sigurisë do të jenë në përkujdesje për personat që do të vijnë nga Serbia në Kosovë. Sipas tij policia e Kosovës ka zhvilluar aktivitete në këtë drejtim, për të mbajtur nënkotroll rendin dhe qetësinë publike, gjë që në të vërtetë është obligimi primar i partisë së Kosovës.

Ndërkaq shtatorja e Car Lazarit e cila u vendos mbrëmë natën në pjesën veriore të Mitrovicës, pritet të shpaloset nesër. Përmendorja e Car Lazarit është e gjatë tetë metra, peshon 7.5 tonë e vendimin për ta vendosur atë në qendër të Veriut të Mitrovicës e kanë sjellur këshilltarët komunal të kësaj komune.

Po theksojmë edhe faktin se deri në këtë moment institucionet e Republikës së Kosovës ende nuk kanë shprehur ndonjë qëndrim lidhur me vendosjen e përmendores së Car Lazarit. /Agjencitë/

 

 

read more
Rajoni

TIRANË: LSI PËRJASHTON DEPUTETIN PËRPARIM SPAHIU

no thumb

Lëvizja Socialiste për Integrim ka vendosur përjashtimin nga grupi parlamentar për deputetin e Dibrës, Përparim Spahiu i cili paralajmëroi votë kundër draftit të Reformës në Drejtësi nën mbikëqyrjen e Shteteve të Bashkuara të Amerikës dhe Bashkimit Europian.

Ky vendim u morë pasi deputeti nuk ka qenë në një linjë me partinë që përfaqëson sa i takon çështjes së Reformës në Drejtësi. Mbledhja u paralajmërua një ditë më parë nga LSI e cila u distancua nga mendimi i dhënë nga Spahiu ku tha se ky ishte një vendim personal i tij dhe që nuk ka lidhje fare me Lëvizjen Socialiste për Integrim.

Lidhja Socialiste për Integrim, reformën në drejtësi e vlerëson me një rëndësi të jashtëzakonshme për forcimin e shtetit ligjorë dhe për ecurinë e vendit drejt integrimit evropian, por në të njëjtën kohë edhe si faktorë stabiliteti në rajon.

Sipas kryetarit të Grupit parlamentar të LSI-së Petrit Vasili kjo parti do të vazhdojë të punojë për zbatimin e reformës me transparencës dhe konstrukti vihet sipas standardeve të Venecias. Ndërkaq, Përparim Spahiu deputeti i përjashtuar nga radhët e Lëvizje Socialiste për Integrim ka thënë se pavarësisht këtij vendimi vota e tij ka qenë dhe do të mbetet për LSI-në. /Agjencitë/

 

read more
Rajoni

PRISHTINË- MUSTAFA:  VERIU PO BËNË FILMA

no thumb

 

Kryeministri i Kosovës, Isa Mustafa, konsideron se autoritetet e komunave në veri nuk mund ta cenojnë integritetin e Kosovës, duke ndërtuar pa leje lagjen “Lugina e Diellit”. Autoritetet e komunave serbe në veri të Kosovës para do kohe morën një inciativë për të ndërtuar një lagje banimi që e emërtuan Lugina e Diellit. Ky veprim shkatroi reagime në Kosovë si tek autoritetet ashtu edhe tek popullata.

Kryeministri i Kosovës Isa Mustafa në një prononcim të tij, konsideron se autoritetet e komunave në veri nuk mund ta cënojnë integritetin e Kosovës duke ndërtuar pa leje lagjen Lugina e Diellit.

Sipas tij, serbët e atjeshëm “më shumë po bëjnë filma sesa veprime të cilat e cenojnë integritetin e vendit”.

Mustafa foli edhe për ratifikimin e demarkacionit, për çka tha se Qeveria se do të koordinohet me Kuvendin.Sipas tij është detyrë e qeverisë dhe e Parlamentit tani të procedojnë ligjin për ratifikimin e Marrëvershjes, por se kur kjo çështje do të vendohet në renditje duhet të vendos kuvendi i Kosovës.

Ndërsa presidenti Hashim Thaçi, për të përditshmen austriake “Die Presse”, ka thënë se nuk do të lejojnë kolonizimin e Kosovës. Ai u ka bërë thirrje të gjithë refugjatëve të kthehen.

“Ata janë qytetarë të Kosovës dhe janë të mirëpritur. Kosova është një vend për të gjithë dhe jo për një grupim etnik. Por, ne nuk do të lejojmë asnjë kolonizim të ri të Kosovës nga Serbia”, citohet të ketë thënë Thaçi.

Kur është pyetur se pse e quan kolonizim, Thaçi ka thënë se është president i të gjithë qytetarëve.

Ka thënë se njerëzit duhet të kthehen në ish-lagjet e tyre, por vendbanimi i shënjestruar për serbët në veri të Kosovës nga Beogradi është rikolonizim.

Këto teste të Serbisë janë të rrezikshme”, ka deklaruar presidenti Thaçi për austriaken “Die Presse”. /Agjencitë/

read more
Rajoni

PRISHTINË: LIMAJ ZGJIDHET KRYETAR I NISMA-S

no thumb

Fatmir Limaj është zgjedhur kryetar i NISMA-s, pas një votimi të fshehtë që është bërë nga delegatët e kësaj partie. Ai ka marrë vetëm 15 vota kundër nga 520 delegatë sa kanë marrë pjesë në votim, ndërsa tri prej këtyre votave kanë qenë të pavlefshme.

Limaj do ta drejtoj këtë parti për katër vitet e ardhshme. Menjëherë pasi mori këtë detyrë, Limaj i është drejtuar pjesëmarrësve në Kuvendin e Parë Zgjedhor të kësaj partie. /Agjencitë/

 

read more
Rajoni

PRISHTINË:KOALICIONI KUNDËR PRESIDENTIT

no thumb

Presidenti Hashim Thaçi ka kërkuar që gjatë dhjetë ditëve të ardhshme të ratifikohet në Kuvend Marrëveshja për Demarkacionin me Malin e Zi. Por, partnerët e koalicionit qeverisës (PDK-LDK) thonë se kjo gjë nuk mund të ndodhë, pasi që, duhet një konsensus më i gjerë për t’i siguruar votat e nevojshme. /Agjencitë/

 

read more
Rajoni

TIRANË: KOMPANIA “SHELL” NIS KËRKIMET PËR NAFTËN

no thumb

 

Ka nisur sot kërkimi për naftë dhe gaz nga kompania SHELL në zonën Shpirag 3, ku janë zbuluar rezerva të konsiderueshme hidrokarburesh. Në ceremoninë e mbajtur me këtë rast Kryeministri Edi Rama tha se ky është një shembull për investimet e huaja të cilat duhet të zbatojnë rregullat e shtetit shqiptar dhe jo ta kërcënojnë atë.

Duke ju referuar kontratës së re për kërkim-shfrytëzim, Rama tha se kanë marrë fund koncesionet me kompanitë e huaja të cilat shfrytëzonin pasuritë e nëntokës pa paguar asgjë në arkën e shtetit shqiptar.

Ministri i Energjetikës Damian Gjiknuri tha gjatë ceremonisë se teknologjia e përdorur për kërkime në këtë zonë është ndër më të avancuarat në botë, ndërkohë që rezervat hidrokarbure të zbuluara nga këto kërkime, jo vetëm do të rrisin eksportet, por do të plotësojnë edhe nevojat në vend. /Agjencitë/

 

 

read more
Rajoni

UNIVERSITETI I PRISHTINËS DHE I ZAGREBIT THELLOJNË BASHKËPUNIMIN

no thumb

Rektori i Universitetit të Prishtinës ”Hasan Prishtina”  Marjan Dema,  dhe Rektori i Universitetit të Zagrebit  Damir Boras, kanë nënshkruar një marrëveshje bashkëpunimi me qëllim që kosovarët t’i përfundojnë doktoraturat në këtë shtet. Gjatë takimit, është biseduar për bashkëpunimin e deritashëm, si dhe mundësitë e një bashkëpunimi edhe në të ngushtë në të ardhmen.

Rektori i Universitetit të Prishtinës Marjan Dema duke e cilësuar takimin si një ngjarje të jashtëzakonshme për Kosovën, u shpreh se ky bashkëpunim do të mundësojë zhvillimin e mëtutjeshëm të Universitetit të Prishtinës.

“Universiteti i Zagrebit ka një përvojë 350 vjeçare dhe ka gatishmëri të madhe që të bashkëpunojë në ato fusha që ne kemi nevojë. Sidomos do të mundësojmë përmirësimin e cilësisë së Universitetit të Prishtinës, në ato degë ku ka pak profesorë dhe shkencëtarë, duke dhënë ndihmën tonë që të rinjtë e këtij vendi dhe të këtij universiteti ta studiojnë doktoraturën në Universitetin e Zagrebit. Në këtë mënyrë ne do të nxisim që së bashku t’i krijojmë vlerat evropiane. Pra, ne ia hapim rrugën e Kosovës dhe të Universitetit të Prishtinës kah Evropa përmes edukimit me cilësi të lartë”- tha Marjan Dema – Rektor i UP-së.

Boras ftoi përfaqësuesit e Universitetit të Prishtinës në një vizitë në Zagreb në shtator të këtij viti për të konkretizuar bashkëpunimi në fusha të ndryshme. Poashtu është shfaqur interesimin për ta hapur departamentin e albanologjisë, për të cilin përfaqësuesit nga Kosova kanë treguar gatishmëri për të ndihmuar. /Agjencitë/

 

 

 

read more
1 231 232 233 234 235 312
Page 233 of 312