close

Rajoni

Rajoni

KOSOVË: OPOZITA KUNDËR ZGJEDHJES SË PRESIDENTIT

no thumb

Në Kosovë, aktivistë nga radhët e partive politike në opozitë, Lëvizja Vetëvendosje, Aleanca për Ardhmërinë e Kosovës dhe Nisma për Kosovën, kanë dalë para objektit të Kuvendit të Kosovës dhe Qeverisë, për të bllokuar siç thanë, zgjedhjen e presidentit të Kosovës.Për këtë post, kandidat i vetëm deri më tash është zëvendëskryeministri i Kosovës, Hashim Thaçi, kryetar i Partisë Demokratike të Kosovës.

Aktivistët kanë sjellë edhe tenda dhe mbulesa, në kuadër të planeve për të qëndruar edhe gjatë natës në hapësirat para Kuvendit dhe Qeverisë.Tre liderët e partive opozitare, Lëvizja Vetëvendosje, Aleanca për Ardhmërinë e Kosovës dhe Nisma, në një konferencë për media njoftuan se protestat kundër qeverisjes aktuale do të vazhdojnë deri në zbatimin e kërkesave të tyre.

Nga ana tjetër, Arban Abrashi, zëdhënës i Qeverisë së Kosovës, tha për Radion Evropa e Lirë, se të gjitha problemet të cila opozita mendon se ekzistojnë në vend, mund të zgjidhen në institucionet përkatëse.Seanca për zgjedhjen e presidentit të Republikës nuk është caktuar ende, por votimi për të duhet të bëhet jo më vonë se 30 ditë para skadimit të mandatit të presidents Atifete Jahjaga, që në këtë rast i bjen më 7 mars.Zonja Jahjaga qe zgjedhur në këtë post më 7 prill 2011./Agjencitë e lajmeve/

 

read more
Rajoni

MUSTAFA: KOSOVA KA PLOTËSUAR KRITERET PËR LIBERALIZIM TË VIZAVE

no thumb

 

Kryeministri i Kosovës Isa Mustafa, gjatë vizitës që po zhvillon në Mbretërinë e Bashkuar ka mbajtur një ligjeratë në Universitetin e Oksfordit.

Para dhjetëra studentëve të pranishëm, ai ka shpalosur rrugën e vështirë të Kosovës drejtë lirisë dhe pavarësisë, formimin e shtetit, proceset aktuale që lidhen me zhvillimet ekonomike, integrimet evropiane dhe prespektivën e mëtejme të Kosovës.Kosova edhe përkundër vështirësive asnjëher nuk është luhatur në orientimin e saj drejt vlerave Evropiane Perendimore.

Kosovarët janë populli më proevropian në kontinentin tonë, por fatkeqësisht jemi të vetmit që nuk mund të udhëtojmë në Bashkimin Evropian pa viza.Ai vuri në pah rëndësinë që ka për Kosovën nënshkrimi i marrëveshjes së parë kontraktuale me Bashkimin Evropian, Marrëveshjes Stabilizim Asociimit.

Më pas kryeministri Isa Mustafa u është përgjigjur pyetjeve të studentëve lidhur me zhvillimet aktuale politike në Kosovë.

Përndryshe Kryeministri Isa Mustafa gjatë ditës së parë të vizitëss në Londër u takua edhe me zëvendës/ndihmës sekratarin amerikan të shtetit për çështje të Evropës dhe Euroazisë Hojt Ji, nga i cili ka marrë përkrahje të fuqishme për Kosovën .Ai poshtu u takua me presidentin e Bankës Evropiane për rindërtim dhe zhvillim./Agjencitë e lajmeve/

read more
Rajoni

NISHANI: LIGJI I PRONAVE – ANTIKUSHTETUES

no thumb

Presidenti i Shqipërisë, Bujar Nishani, i kërkoi sot Gjykatës Kushtetuese të shfuqizojë si të papajtueshëm me Kushtetutën ligjin “për trajtimin e pronës dhe përfundimin e kompensimit të pronave” si dhe pezullimin e zbatimit të tij.

Presidenti vlerëson se skema e ofruar në këtë ligj për kompensimin e pronarëve bie ndesh me parimin kushtetues të sigurisë juridike dhe nuk është aspak efektive siç e kërkon Gjykata Europiane për të Drejtat Njerëzore.

Qeveria propozoi këtë ligj për të zgjidhur çështjen e pronarëve të vjetër, duke eliminuar në praktikë zvarritjet burokratike, për të sjellë barazi mes gjithë ish-pronarëve, të cilëve u është njohur prona për kompensim, për një shpërblim të drejtë.

Qeveria synoi të gjejë një balancë mes interesit publik dhe të drejtës së pronës, brenda mundësive të shtetit social.

Ligji pretendohet nga qeveria se sjell një formulë efikase dhe realiste për kompensimin e pronarëve, një afat të arsyeshëm dhe të përcaktuar kohor për përfundimin e të gjithë procesit, një zgjidhje të drejtë, duke respektuar normat kushtetuese për të gjithë pronarët, por gjithashtu edhe për të gjithë qytetarët, duke mbajtur në konsideratë interesin publik.

Ligji u miratua më 5 dhjetor 2015 me 78 vota nga parlamenti. Presidenti Nishani e ktheu atë për rishqyrtim në parlament. Por ai rrëzoi dekretin e presidentit dhe ligji u miratua dhe u botua në Fletoren Zyrtare në fillim të shkurtit./Agjencitë e lajmeve/

 

read more
Rajoni

GREQIA NOTË PROTESTE AUSTRISË

no thumb

Greqia ka dorëzuar një protestë formale për Austrinë, lidhur me një vendim të saj për të thirrur një takim me shtetet e Ballkanit, për të diskutuar krizën me migrantë, por pa e përfshirë këtu Greqinë.Këtë gjë e bëri të ditur ministria e Jashtme e Greqisë, të martën, duke e quajtur si veprim “jo miqësor” nga Vjena.

Ambasadori austriak në Athinë u thirr nga ministria të hënën, ditën kur edhe u dorëzua protesta formale.Vjena ka ftuar shtetet e Ballkanit të mërkurën, në një takim për të diskutuar krizën me migrantë, pas vendimit të javës së kaluar, për t’i limituar aplikuesit e azilit.

Takimi përfshinë ministrat e jashtëm dhe të brendshëm të Shqipërisë, Bosnjës, Bullgarisë, Kosovës, Kroacisë, Maqedonisë, Malit të Zi, Serbisë dhe Sllovenisë./Agjencitë e lajmeve/

read more
Rajoni

DELAWIE: NË DEMOKRACI NUK KA VEND PËR DHUNË

no thumb

 

Ambasadori i Shteteve të Bashkuara të Amerikës në Prishtinë, Greg Delawie, ka ritheksuar se në demokraci nuk ka vend për dhunë dhe gaz lotsjellës. Ai e ka mohuar çdo mundësi që të kërkoj falje për deklaratën e bërë të premten, kur i kishte cilësuar si neveritëse sjelljet e opozitës në Kuvend, sidomos përdorimin e gazit lotsjellës.

Këto komente, ai i ka bërë në konferencën e organizuar nga Grupi për Studime Juridike e Politike me temën, “Lufta kundër korrupsionit politik – Sfidat në funksion të reformave të ardhshme”./Agjencitë e lajmeve/

read more
Rajoni

TIRANË: NISHANI APROVON RIFORMATIMIN E QEVERISË

no thumb

Presidenti i Shqipërisë, Bujar Nishani ka aprovuar emërimin e dy ministrave kyç në qeverinë e krahut të majtë të kryeministrit Edi Rama.Javën e kaluar, Rama largoi nga pozita ministrin e financave, dhe nominoi në vend të tij ministrin e ekonomisë. Ai gjithashtu e zëvendësoi edhe postin e ministrit të ekonomisë.Kjo është zënka e fundit ndërmjet tij dhe qeverisë. Një ministër i Kabinetit qeveritar madje edhe kërcënoi se qeveria do të kërkonte largimin e Nishanit, nëse këto ndryshime nuk do të aprovoheshin deri të martën.

Nishani, i cili u zgjodh president në vitin 2012, në kohën e qeverisjes së Partisë Demokratike, kërkoi mendimin e Gjykatës Kushtetuese, nëse mund t’i shkarkonte dhe emëronte ministrat në të njëjtën kohë.Ai shpesh i ka vonuar emërimet qeveritare, e cila është një prej kompetencave dhe fuqive që ka ai si president./Agjencitë e lajmeve/

 

read more
Rajoni

PRISHTINË: OPOZITA KUNDËR THAÇIT

no thumb

Tri partitë opozitare, Lëvizja “Vetëvendosje”, Aleanca për Ardhmërinë e Kosovës dhe “Nisma për Kosovën”, po mobilizohen për ta penguar zgjedhjen e Hashim Thaçit president të Kosovës.

Jozyrtarisht mësohet se partnerët e koalicionit qeverisës po planifikojnë që zgjedhja e Thaçit për president të ndodh këtë të mërkurë, në një seancë të Parlamentit, të cilën gjë opozita po planifikon që të mos e lejojë./Agjencitë e lajmeve/

 

read more
Rajoni

BEOGRAD: SERBËT DUHET TË KENË KANDIDAT PËR PRESIDENT TË KOSOVËS

no thumb

 

Drejtori i zyrës për Kosovën pranë Qeveris së Serbisë Marko Gjuriç deklaroi se serbët e Kosovës duhet të kenë kandidatin e tyre për president të Kosovës.

Ne i këshillojmë përfaqësuesit e listës serbe të kenë kandidatin e tyre. Konsiderojmë se ky vendim do të ishte në interes të serbëve dhe nëse Serbët nuk kanë kandidatin e tyre nuk është reale që ta përkrahin Hashim Thacin – deklaroi Gjuric./Agjencitë e lajmeve/

 

read more
Rajoni

BEOGRAD: PROTESTA KUNDËR NATO-s DHE KOSOVËS

no thumb

Të paktën dy mijë serbë marshuan dje në Beograd, para Ambasadës Ruse, në shenjë proteste kundër një bashkëpunimi të ri me NATO-n dhe vdekjes së dy pengjeve serbe gjatë një sulmi ajror të SHBA-ve mbi Libi.

Gjatë protestës në qendër të Beogradit, pjesëmarrësit kanë brohoritur slogane kundër aleancës perëndimore ushtarake, kundër liderëve të Serbisë dhe e kanë bartur portretin e presidentit të Rusisë, Vladimir Putin, së bashku me flamuj rusë.

Serbia ka lidhje historike me aleatin sllav, Rusinë, por kurrë nuk ishte pjesë e bllokut sovjetik dhe aktualisht dëshiron të anëtarësohet në Bashkimin Evropian.

Radio Evropa e Lirë thotë se Presidenca ruse dhe organizatat e saj mediale në Serbi, e kanë lansuar një fushatë kundër perëndimit, përfshirë kundërshtimin e marrëveshjes aktuale të qeverisë, që trupave të NATO-s në Kosovë, t’u lejohet kalim i papenguar nëpër Serbi.

Kundërshtimi i marrëveshjes me NATO-n zbriti edhe në stadiumin e Beogradit. Gjatë një ndeshjeje, tifozët kënduan këngë dhe hodhën parulla si “… pakti me NATO-n” dhe “Kosova, zemra zemër e Serbisë’./Agjencitë e lajmeve/

 

read more
Rajoni

TIRANË: PROTESTUESIT KONFRONTIME ME POLICINË

no thumb

Shoqëria civile ka protestuar sot  tek Parku i Liqenit për ndërtimin e këndit të lojrave nga ana e Bashkisë së Tiranës dhe gjatë protestës ka pasur edhe konfrontime me Policinë Bashkiake.

Protestuesit kanë hequr sërish rrethimin te Parku i Liqenit dhe njëri prej tyre është arrestuar.

Një ditë më parë, këshilltarë të Partisë Demokratike denoncuan sërish atë që ata e quajnë si “akt të paligjshëm e korruptiv” punimet për ndërtimin e një hapësire multifunksionale tek Parku i Liqenit artificial të Tiranës.

Sipas tyre, në këtë zonë vazhdojnë punimet për lokalin e mikut të Veliajt, pavarëisht se në Prokurori ka një kallëzim penal dhe protestës së banorëve të Tiranës.

“Mendojnë se janë mbi ligjin dhe se mund të kapërcejnë të gjitha nivelet por kjo nuk do të kalojë. Ne do të ndjekim të gjitha rrugët ligjore siç kemi vepruar deri më sot. Do të vijojmë betejën tonë në Këshillin Bashkiak të Tiranës në mënyrë që transparenca të bëhet e plotë dhe të gjithë shkelësit e ligjit pavarësisht se sot janë të veshur me pushtet, të mos i shpëtojnë ligji”, deklaroi kreu i këshilltarëve të PD në Këshillin Bashkiak të Tiranës, Leonard Olli./Agjencitë e lajmeve/

 

read more
1 231 232 233 234 235 273
Page 233 of 273