close

Rajoni

Rajoni

TIRANË: PRESIDENTI NISHANI DORËZON MESHARIN NË BIBLIOTEKË

no thumb

 

Presidenti Bujar Nishani i dorëzoi bibliotekës kombëtare librin e parë në gjuhën shqipe, “Mesharin” e Gjon Buzukut që para një viti Papa Françesku e solli në Shqipëri.Kjo dhuratë është bërë në kuadër të 95 vjetorit të themelimit të bibliotekës kombëtare.

Kreu i shtetit pasi falënderoj drejtuesit dhe kontribuesit e bibliotekës kombëtare, përmendi 3 mesazhe që ky libër përçon. Presidenti Nishani nënvizoi se kjo është një dhuratë e Papa Françeskut dhe jo e tij, duke spikatur se ‘Meshari’ është një simbolikë e harmonisë fetare në Shqipëri.

Për ta mbështetur këtë mendim presidenti Nishani vuri në pah se ky libër u shkruajt nga një katolik, por u përkthye nga një mysliman.

Ndër bibliotekat më të spikatura të kësaj ekspozite po përmendim bibliotekën e Lumo Skendos, bibliotekën e Wejgandit, biblioteka e Françeskanëve dhe Jezuitëve, biblioteka e Bushatlinjëve, Biblioteka Karnavon, biblioteka e Mitrush Kutelit dhe të tjera, si dhe ajo nga Kosova biblioteka e Ali Rexhës. Pra bëjmë fjalë për një trashigimi shumë të çmuar kombëtare.

Një prej kopjeve të Mesharit u bë pjesë e fondit të bibliotekës kombëtare, pas botimit kritik dhe pas përpunimit dhe transliterimit me mjeshtri jashtëzakonisht të madhe nga gjuhëtari i shquar profesor Eqrem Çabej më 1968. Sipas zëdhënësve të bibliotekës kombëtare, kopja më e re e Mesharit të Buzukut vjen pas kopjimit më të mirë të mundshëm digjital dhe me një lidhje të hijshme duke e shndërruar kështu ‘Mesharin’, dhuratë e Papa Françeskut, në një libër të mirfilltë bibliofilik./Agjencitë e lajmeve/

 

read more
Rajoni

DURRËS: SKANERI ZBULON 69kg KANABIS

no thumb

Skaneri zbulon 69 kg kanabis sativa në portin e Durrësit. Droga ishte fshehur në kamion në brendësi të ngarkesës me lëndë djegëse drusore.

Policia arresoti drejtuesin dhe pronarin e makinës. Kjo sasi droge u zbulua gjatë kontrollit të makinës dhe ngjarja tani i kalon prokurorisë pranë gjykatës së shkallës së parë për krime të rënda në Tiranë./Agjencitë e lajmeve/

 

read more
Rajoni

SARAJEVË: NDËRPRITET MËSIMI NË SHKOLLA

no thumb

 

Ministrisë së Arsimit Shkencës dhe Rinisë të kantonit të Sarajevës i janë drejtuar një numër i madh thirrjesh nga qytetarët të cilët si prindër të fëmijëve të shkollave fillore dhe të mesme kërkonin që ministri të ndërpresë mësimin në shkollat në kantonin e Sarajevës.

Edhe pse momentalisht parametrat e shkallës së ndotjes së ajrit nuk janë në atë nivel që kërkojnë masat e alarmit.

Ministria e Arsimit, shkencës dhe të Rinjëve vendosi që të ndërpritet mësimi për shkak të siç pohojnë ata presioneve të prindërve dhe opinionit publik sepse të gjitha parametrat çojnë në konludimin se ndotja e ajrit nuk është në atë nivel për të shpallur gjendje të jashtëzakonshme.

Ndërkaq për shkak të ndotjes së ajrit në Sarajevë u bëhet thirrje qytetarëve, veçanërisht fëmijëve, pleqve, shtatzënave dhe të sëmurëve kronik të mos rrijnë gjatë kohë jashtë.

Këto kushte të ndotjes mund t’i ndryshojë vetëm një erë më e fortë, shiu apo bora. /Agjencitë e lajmeve/

 

 

read more
Rajoni

SARAJEVË: ARRESTIME PËR TERRORIZËM

no thumb

Sipas urdhrit të prokurorit publik të sektorit për terrorizëm të prokurorisë të Bosnjë Hercegovinës në kantonin e Sarajevës zhvillohet një aksion i gjërë të cilin e kanë ndërmarrë pjesëtarët e policisë federale me përkrahjen  e agjencisë partnere policore dhe të shërbimit të sigurisë.

Siç lajmëron prokuroria e Bosnje Hercegovinës, qëllimi i këtij aktiviteti ishte arrestimi i 11 personave për të cilët ka dëshmi dhe informata se janë të afërt me tri strukturat radikale të shtetit Islamik si dhe me pjesëtarë të këtij grupi në Siri dhe në Irak si dhe mbajnë kontakte me to.Gjatë këtij aksioni janë gjetur matriale të caktuara qëe dëshmojnë për lidhjete tyre me strukturat e ISIS-it. /Agjencitë e lajmeve/

 

read more
Rajoni

DASH: KUFIRI ME MALIN E ZI I PADEBATUESHËM

no thumb

Departamenti Amerikan i Shtetit thekson se vija kufitare ndërmjet Kosovës dhe Malit të Zi, e përcaktuar nga Komisioni Shtetëror i Kosovës për shënimin e kufirit është në pajtim me dokumentet dhe hartat e përdorura që nga vitit 1940 e deri më sot.

Në një njoftim të publikuar në faqen zyrtare të ambasadës amerikane në Prishtinë, thuhet se “baza e Komisionit për shënimin e kufirit ka qenë Kushtetuta jugosllave e vitit 1974, e cila e ka definuar kufirin e Kosovës me anë të kufijve administrativë komunalë, që janë të ndarë në zona kadastrale. Kjo bazë e përcaktimit të vijës kufitare është përdorur edhe në Propozimin Gjithëpërfshirës të të dërguarit të posaçëm të Kombeve të Bashkuara, Marti Ahtisaarit dhe në Kushtetutën e vitit 2008 të Republikës së Kosovës”,- transmeton Zëri i Amerikës njoftimin e Departamentit të Shtetit.

Në njoftim thuhet se pas një rishikimi të hartave që nga viti 1940 e deri më tani, përfshirë edhe ato që janë përdorur nga komisioni për përcaktimin e kufirit, Departamenti Amerikan i Shtetit “ka kuptuar se vija e përcaktuar së voni përputhet ngushtë me kufirin e definuar në Kushtetutën e vitit 1974. Kufijtë që ne i kemi përshkruar që nga viti 2008, përputhen në hollësi me kufirin e propozuar në vitin 2015”.

Në përfundim të njoftimit tërhiqet vëmendja se “përfundimi i marrëveshjes për demarkacionin e kufirit është një kusht i BE-së për liberalizimin e vizave dhe është një hap i rëndësishëm në rrugëtimin e Kosovës drejt integrimeve evropiane”.

Më 26 gusht, Kosova dhe Mali i Zi, nënshkruan marrëveshjen për shënimin e kufirit, e cila nxiti reagimet e partive opozitare në Kosovë, të cilat vlerësojnë se me të Kosova humbë rreth 9 mijë hektarë tokë.

Duke kundërshtuar këtë marrëveshje si dhe atë të arritur me Serbinë për krijimin e asociacionit të komunave me shumicë serbe, partitë opozitare  bllokuan punën e parlamentit që nga 22 shtatori, duke hedhur gaz lotsjellës.

Ato i kërkojnë qeverisë të anulojë marrëveshjet apo t’i hedh ato në referendum, në të kundërtën sipas tyre vendi duhet të shkojë në zgjedhje të parakohshme.

Aleanca për Ardhmërinë e Kosovës tha pas deklaratës së Departamentit të Shtetit se një numër jo i vogël i ekspertëve të kësaj fushe, kanë gjetur parregullësi të mëdha në shënimin e kufirit me Malin e zi.

Qeveria u ka bërë thirrje partive opozitare që të hapin dialogun, ndërsa është zotuar se do të pres dhe do të respektojë vendimin e Gjykatës Kushtetuese, lidhur marrëveshjen për asociacionin e komunave me shumicë serbe, zbatimi i së cilës është pezulluar në pritje të këtij vendimi. Ajo është shprehur e gatshme që duke përfshirë edhe ekspertë ndërkombëtarë, të diskutojë lidhur me shënimin e vijës kufitare me Malin e Zi. Marrëveshjet me Serbinë që çuan në shtim të tensioneve politike në Kosovë, ishin pjesë e bisedimeve për normalizimin e marrëdhënieve ndërmjet të dyja palëve që janë edhe kusht për afrimin e tyre me strukturat evropiane. Ato i siguruan Serbisë negociatat për anëtarësim në Bashkimin Evropian, të cilat u hapën më 14 dhjetor, ndërsa Kosovës Marrëveshjen e Stabilizim Asocimit, e cila u nënshkrua më 27 tetor./Zëri i Amerikës/

 

read more
Rajoni

TIRANË: PROTESTA E TRETË DHE E FUNDIT E PD-së PËR SIVJET

no thumb

Parti demokratike ka zhvilluar sot protestën e saj të fundit për këtë vit, ku kryetari i kësaj force politike Lulzim Basha ka theksuar se në janar të vitit të ardhshëm, Partia Demokratike do to ndërmarr aksionin më masiv të saj, kundër korrupsionit. Sot anëtarët e forumit rinor të Partisë Demokratike protestuan në sheshin e parlamentit

Kryefjala e sotme e protestës së Partisë Demokratike ishin të rinjtë dhe problemet që ata i shqetësojnë. Me pankarta në duar “Rama ik” të rinjtë e PD dhe mbështetës të kësaj force politike u shprehën kundër qeverisë për ligjin e arsimit të lartë.Në fjalën e tij, kreu i PD, Lulzim Basha tha se javën e parë të ardhjes në pushtet do të shfuqizojë ligjin e arsimit të lartë.

“PD ka qenë dhe është kundër ligjit për arsimin e lartë. Sot ju jap fjalën se ligji për ligjin e arsimit të lartë do të shfuqizohet javën e parë të ardhjes në pushtet. Rinia shqiptare meriton të arsimohet dhe me PD-në do arsimohet pa diskriminim dhe pa tarifa të larta”- deklaron Lulzim Basha.

Basha paralajmëroi edhe një aksion kunder kurrupsionit  që do të startojë në muajin janar.

Janari do të jetë muaji i nisjes së aksionit më masiv antikorrupsion, politik dhe qytetar në këto 25 vite. Me ligj, në institucione dhe jashtë institucioneve me dhëmbë dhe pa dhëmbë do të luftojmë korrupsionin. Do të vendosim standardin e transparencës.”- tha Basha.

Kreu i FRPD, Belind Këlliçi mbajti fjalën e hapjes së protestës, ku i bëri thirrje kryeministerit Rama që të ikë nga qeveria. Kreu i FRPD tha se të rinjtë do të jenë gjithmonë në sheshe dhe protesta derisa të largohet Rama.

Kjo është protesta e tretë e opozitës brenda një harku kohor prej dy javësh që prej protestës së 8 dhjetorit përpara kryeministrisë dhe asaj të 17 dhjetorit përpara Parlamentit./Agjencitë e lajmeve/

 

 

read more
Rajoni

TIRANË: PRITJE TRADICIONALE DIPLOMATIKE NË KRYMINISTRI

no thumb

Në një pritje për festat  e fund vitit me trupën diplomatike të akredituar në vend, kryeministri Edi Rama theksoi se Shqipëria punon pa rreshtur për paqen kolektive dhe se është një faktor paqeje dhe stabiliteti në rajon. Angazhimi i Shqipërisë në luften kundër terrorizmit mishëron vizionet dhe strategjike në shërbim të roceseve integruese të paqes dhe të zhvillimit të qëndrueshëm, pra Shqipëria ka qenë përherë dhe është aleate e Shteteve të Bashkuara të Amerikës dhe Bashkimit Evropian.

Duke qëndruar te BE-ja dhe hapja e negociatave për anëtarësim, kryeministri Rama tha se reforma në drejtësi mbetet parakusht për çeljen e negociatave.  Shefi i ekzekutivit tha se në Shqipëri korrupsioni përcakton vendimet e drejtësisë dhe pa u vendosur rradhët e reformave në këmbët e drejtësisë, nuk do të ketë shtet demikratik.

Kryeministri Rama në vazhdim përshëndeti shansin që Komisioni evropian i dha Kosovës për liberalizimin e vizave në 2016. Por ai e quajti absurd izolimin e shtetit të ri nga lëvizja e lirë kur u shpreh se kjo duhet të marrë fund sa më shpejtë.

Kryeministri Rama bëri një bilanc të vitit që lam pas dhe shpalli prioritetet për 2016-tën, që sic tha ai do të kenë një emërues të përbashkët: kryerjen e reformave pa u ndalur, pavarësisht cdo lloj kostoje./Agjencit e lajmeve/

 

read more
Rajoni

PROTESTË KUNDËR TELIT ME GJEMBA NË KUFIRIN SLLOVENI- KROACI

no thumb

Në vend kalimin kufitar kroato-slloven, Lucia-Brezovicë, në Istër u Zhvillua protest e qytetarëve nga të dy anët e kufirit kundër telit me gjemba të cilin e ka vendosur Slloveni. Qytetarët këtë tel e shfrytëzuan si rrjetë dhe luajtën nje ndeshje volejbolli. Ndërkaq kërkuan nga qeveria e Sllovenisë ta heqë këtë. Shoqatat e gjuetarëve me keqardhje theksojnë se në këto tela për cdo ditë në mundime të mëdha ngordhin egërsirat që ngecin në to. Përvec kësaj qytetarët nuk duan ta shohin këtë, sepse ky tel i ndanë dhe zëshëm tregojnë se në territorin e Istrës gjithmonë kanë jetuar bashkërisht.

Në vend të parketit gjethe, në vend të rrjetit tel me gjemba. Rezultati i kësaj ndeshje nuk është i rëndësishëm, por porosia ishte e rëndësishme.

“ Të hiqen telat, sepse ska kuptim. Këtu ku jemi të gjithë së bashku, jo këtu ska kuptim”tha David Petretic.

“Këtu nuk duhet të ketë aspak tela, sepse sipas meje nuk duhet fare të ketë, ngase refugjatët këtu as që mund të kalojnë, sepse ata kanë vuajtur shumë në jetë”shprehet Giovani Cernogoraz- Fitues olimpik në qitje – 2012.

Këtë e kundërshtojnë edhe gjuetarët. Cdo ditë në këto tela me gjemba egërsirat ngjiten në to dhe vuajnë pa fund.

“Më rënqethet trupi kur e shoh këtë, sepse këtë nuk e kam përjetuar asnjëherë prej se kur kam lindur. Këtë se kanë parë as njerzit që janë të lindur këtu. Këtë as që mund ta shoh” – deklaron Valter Bençiç- Shoqata e gjuetarëve

Është e pamundur kështu edhe të jetohet, thonë banorët e vendeve pranë kufitare të cilët nuk duan që telat me gjemba ti ndajnë.

“Ne jetojmë në Istër dhe ne jetojmë në këtë territor. Këto tela lëndojnë zemrat tona”- tha Luka Juri- Banorë i Koprit.

Këto tela me gjemba i përjetoj në Aushvic, ose në Jasenovac. Po qëndrojë nga kjo anë e telave, ndërsa kolegët e mij janë matanë telit. Kjo me të vërtetë është diçka e paparë që miqtë dhe kolegët e mij të jenë në anën tjetër të telit.”- shprehet Nenad Popoviq – Shoqata e shkrimtarëve të Kroacisë

Prandaj qytetarët e porositën qeverinë e Sllovenisë që sa më parë ti heqë këto tela me gjemba. Ata pohojnë se në rrugëtimin e refugjatëve këto tela me gjemba kushtojnë shtrenjtë dhe është një gjë e pakuptimtë.

“Këtu më nuk do të vijnë as turistë, e jo më refugjatë.Pse të tërhiqen zvarrë këtej kur kanë transport pa pagesë, konform, human përmes rrugëve më të shkurta dhe më të mira përmes Sllavonisë Kroate që nga kufiri Sërbo- Kroat deri në kufirin Slloven” – Boris Kuriliç- Shoqata malore “Kamenjak”- Rjekë

Për shkak të telave me gjemba janë bashkuar të gjitha qytetet dhe komunat pranë kufitare të Kroacisë, Sllovenisë dhe Italisë. Në emër të tyre me kryeministrin e Sllovenisë do të bisedojë edhe kryebashkiaku i Istrës.

Sot thjeshtë nuk mund të lejojmë, patjetër duhet tu themi me vendosmëri jo telave me gjemba” – deklaron Edi Anreashiç- kryebashkiak i Bujës.

Dhe thanë: në dy vendkalimet kufitare përgjatë të cilëve janë vënë në një gjatësi prej dy kilometrash tela me gjemba. /TvArt/

read more
Rajoni

KOSOVË: OPOZITA PROTESTOI NË PRIZREN  

no thumb

 

Opozita e bashkuar në vazhdën e manifestimeve nëpër qytete të Kosovës, sot kërkoi nga qytetarët e Prizrenit mbështetje për ndalimin e marrëveshjeve për krijimin e komunave serbe dhe marrëveshjen me Malin e Zi për demarkacionin.

Lideri i Lëvizjes Vetëvendosje, Visar Ymeri, duke iu folur qytetarëve të Prizrenit theksoi se qeveritarët tkurrin shtetin me demarkacion.Ndërsa dialogu sipas Ymerit sjellë shkatërrimin e Kosovës.

Ndërsa, lideri i NISMA-s për Kosovën, Fatmir Limaj nga qyteti i Prizrenit i dërgoj dy porosi te pushtetarët, se opozita e bashkuar do të qëndroj së bashku deri në ndalimin e marrëveshjeve, dhe se këto dy marrëveshje do të anulohen.

Protestat e opozitës kosovare do të vazhdojnë edhe në qytete tjera të Kosovës kurse protesta kryesore do të mbahet në Prishtinë./Kosova press/

 

read more
Rajoni

KOSOVË: LIBERALIZIMI I VIZAVE MË 2016?!

no thumb

Tetë kriteret e pazgjidhura kanë ndikuar që Kosova as këtë vit, përkundër progresit të arritur në përmbushjen e kërkesave të udhërrëfyesit të vizave të mos marrë rekomandimin për heqjen e tyre. Këtë e ka bërë publike nga Brukseli komisionari për Migrim dhe Punë të Brendshme, Dimitris Avramopoulos i cili tha se ky është raporti i tretë dhe përfundimtarë për Kosovën sa i përket heqjes së vizave.

Në këto tetë kritere janë katër prioritete kyçe e të cilat Kosova duhet t’i përmbush brenda kësaj faze e që lidhen me gjyqësorin dhe luftimin e korrupsionit. Avramopoulos që bëri me dije se do të vizitojë Kosovë në fillim të 2016.

Ndërsa, shefi i Zyrës së BE-së në Kosovës, Samuel Zhbogar mbajti një konferencë për media, ku tha se këto kritere mund të arrihen në një kohë relativisht të shkurt madje brenda disa javësh.

Zhbogar ka komentuar edhe deklaratat e zyrtarëve qeveritarë se BE po trajton kosovarët si qytetarë të dorës së dytë. Kjo sipas tij nuk qëndron pasi që me nënshkrimin e Marrëveshjes së Stabilizim Asociimit, BE ka dëshmuar që trajton Kosovës si partnerë të barabartë.

Ministri për Integrim Evropian, Bekim Çollaku, iu ka kundërpërgjigjur përfaqësuesit të posaçëm të BE-së në Kosovë, Samuel Zhbogar.Ky i fundit ka thënë se nuk dihet nëse edhe vitin e ardhshëm, qytetarët e Kosovës mund të lëvizin lirshëm. Sipas Çollakut, deklaratat e Zhbogarit nuk janë të rëndësishme, pasi liberalizimi i vizave nuk varet nga ai.

Në këtë raport, Komisioni gjithashtu do të monitorojë progresin në ratifikimin e marrëveshjes për kufirin / kufirit me Malin e Zi, para se detyrimi për viza për qytetarët e Kosovës të hiqet në disbursimin e Fondit të Riintegrimit; në adresimin e arsyeve për shkallën e ulët të njohjes për azil-kërkuesit; dhe në sigurimin e ambienteve të përshtatshme për Avokatin e Popullit./Agjencitë e lajmeve/

 

read more
1 231 232 233 234 235 259
Page 233 of 259