close

Rajoni

Rajoni

BANJALLUK: HAPET SOLEMNISHT XHAMIA “FERHADIE”

4b3b90b7c00be137080069aa97f5dfcb724510a7d3e1ce5091b9f107a7177cc5_full

Me një program rasti sot në Banjalluk filloi ceremonia e hapjes së Xhamisë së rindërtuar të Ferhat Pashës ku marrin pjesë mijëra besimtarë nga Bosnja e Hercegovina dhe bota e jashtme.

Ceremoni solemne të hapjes së xhamisë “Ferhadie” në Banjalluk e zmadhuan edhe përfaqësuesit e Bashkësive Fetare në Bosnje Hercegovinë.  Rindërtimi i kësaj xhamie dëshmon fitoren e jetës dhe të shpresës dhe besimin e fuqishëm se në këto hapësira do të vazhdojmë së bashku.

Rindërtimi i xhamisë “ferahadie” është simbol i kthimit të përhershëm të boshnjakëve në këto hapësira, tha ndër të tjera në fjalën e tij kryesuesi i kryesisë së Bosnje Hercegovinës, Bakir Izetbegovic./Agjencitë/

read more
Rajoni

ATHINË: PARALIZOHET TRANSPORTI NË GREQI

Greqia-ne-Grevë-635×358

Transporti grek është paralizuar për shkak të grevës së filluar 48-orëshe kundër planeve të qeverisë për reforma në sistemin pensional dhe për shkak të ngritjes së tatimeve që kërkohen nga kreditorët ndërkombëtar, nga Bashkimi Evropian dhe Fondi Monetar Ndërkombëtar.

Në Athinë nuk lëviz as një transport publik, përveç taksistëve në këto protesta në Athinë marrin pjesë edhe fermerët grek./Agjencitë/

 

read more
Rajoni

PRISHTINË: VESELI SHPALLET KRYETAR I PDK-SË  

1461335506kadri-veseli-ud-kryetar-i-pdk-se-650×358

 

Kadri Veseli, aktualisht kryetar i Kuvendit të Kosovës, është zgjedhur kryetar i Partisë Demokratike të Kosovës. Zgjedhja e tij për numrin një të PDK-së, është bërë sot në Konventën e 7- të të jashtëzakonshme zgjedhore të Partisë Demokratike të Kosovës, e cila u mbajt në Prishtinë.

Zgjedhja e kryetari të Partisë Demokratike të Kosovës është bërë me votim të hapur nga rreth 7, 000 delegatë, të cilët morën pjesë në këtë konventë. Pas zgjedhjes së tij kryetar i PDK-së, Veseli ka thënë se PDK-ja do të vazhdojë edhe më tej me prioritet strategjike të saj, të cilat, sipas tij, janë edhe në interesin e Kosovës.

 Në garën për kryetar të Partisë Demokratike të Kosovës, Veseli ka qenë kandidati i vetëm. Veseli, si kryetar i ri i PDK-së, ka pasuar kryetarin e mëparshëm të kësaj partie dhe themeluesin e saj, Hashim Thaçin, i cili kohë më parë ka hequr dorë nga funksionet partiake, pasi që nga Kuvendi i Kosovës është zgjedhur për president i vendit./Agjencitë/

read more
Rajoni

GREQI: GREVË 48 ORËSHE

Greqia-780×439

 

Greqia do të paralizohet dy ditët e ardhshme nga një grevë e përgjithshme 48 orëshe. Greva, e organizuar nga grupimet më të mëdha sindikale të sektorit publik dhe privat, bëhet për të kundërshtuar votimin e reformës në sigurimet shoqërore dhe sistemin tatimor. Greqia, thotë bashkëpunmëtori ynë në Athinë, Robert Goro, vazhdon të jetë e varur nga kreditorët ndërkombëtarë dhe financimi mbetet i lidhur ngushtë me përmbushjen e kushteve që ata i venë Athinës.

Sipas organizatorëve, të cilëve iu referohet bashkëpunëtori i Televizionit Art në Athinë, me votimin e dispozitave të reja, qeveria e kryeministrit Tsipras e shtrëngon edhe më tepër lakun për punonjësit dhe pensionistët, të cilët detyrohen të paguajnë më shumë taksa dhe kontribute për siguracione.

As edhe një prej mjeteve të transportit publik nuk do të qarkullojë sot dhe nesër rrugëve të Athinës dhe qytetave të mëdha. Probleme të mëdha pritet të shkaktohen edhe në transportin detar, si të mallrave, ashtu edhe të pasagjerëve, pasi në këtë sektor, greva do të zgjasë për katër ditë rresht.

Në grevë gjithashtu dyditore janë hedhur edhe punonjësit e mediave publike dhe atyre private.

Në Athinë dhe në qytete të tjera janë paralajmëruar tubime proteste, që pritet të kulmojnë të dielën, kur parashikohet të votohet drafti i reformave.

Sindikatat greke akuzojnë qeverinë se po kryen një puç parlamentar, duke tentuar të votojë në fundjavë masat e reja, me qëllim që, siç shprehen ato, të befasojnë shoqërinë vendase.

Bashkëpunëtori ynë në Athinë, Robert Goro, rikujton se miratimi i reformave është një nga kushtet kryesore që kreditorët financiarë ndërkombëtarë i kanë vënë Greqisë, në kohën që vendit po i shterrojnë përherë e më shumë rezervat monetare./R. G. /

 

read more
Rajoni

PRISHTINË: AKSION POLICOR  PËR LIRIMIN E PRONAVE TË UZURPUARA  

largea_lumezi1462536184

 

Kryeprokurori i Shtetit, Aleksandër Lumezi, në një konferencë për gazetarë, ka shpalosur detaje rreth aksionit për lirimin e pronave të uzurpuara që është realizuar sot në Prishtinë dhe Ferizaj.

Me kërkesë të Prokurorisë së Shtetit, Gjykata Themelore e Prishtinës dhe ajo e Ferizajt ka urdhëruar lirimin e 11 pronave të uzurpuara. Kryeprokurori Lumezi ka thënë se pronat e uzurpuar kapin vlerën rreth 8 milionë euro.

Sa i përket pronës në të cilën gjendet selia e PDK-së, kryeprokurori Lumezi tha nëse ne sigurojmë informacione se ata janë në atë objekt në mënyrë të kundër ligjshme të jeni të sigurt se do të veprojmë dhe do t’i largojmë nga ai objekt.

Kurse, Major Shaip Havolli drejtor i Hetimeve në Drejtorinë për Korrupsion dhe Krime Financiare, tha se drejtoria është ngarkuar që nga 16 shkurti 2016, ti trajtoj të gjitha rastet e uzurpimeve të pronave që janë shitur nga AKP-ja dhe të gjitha pronat që janë ende nën menaxhim të AKP-së, por që nuk janë shitur./Agjencitë/

 

read more
Rajoni

PRISHTINË: FLUKSI I APLIKUESVE PËR PASAPORTA BIOMETRIKE

foto

Menjëherë pasi që Komisioni Evropian i ka propozuar të mërkurën Këshillit të Bashkimit Evropian dhe Parlamentit Evropian, heqjen e vizave për qytetarët e Kosovës dhe vënien e Kosovës në listën e vendeve me qarkullim të lirë, qytetarët kanë nisur procedurat për rregullimin e dokumenteve biometrike.

Zyrtarët në Ministrinë e Punëve të Brendshme thonë se interesimi i qytetarëve ka nisur menjëherë pasi është bërë i ditur lajmi nga Komisioni Evropian./Agjencitë/

read more
Rajoni

PRISHTINË-MOGHERINI: TË ZBATOHET MARRËVESHJA KOSOVË-SERBI

mogherini-e-avramopoulos-640x358_1462446496-8646892

Përfaqësuesja e Lartë e BE-së për politikë të jashtme dhe siguri, Federica Mogherini, tha të enjten në Prishtinë se zbatimi i marrëveshjeve në dialogun ndërmjet Kosovës dhe Serbisë është thelbësor për vazhdimin e bisedimeve mes dy vendeve.Ajo tha se po diskuton me palët mënyrat e vazhdimit të dialogut që siç theksoi ka krijuar klimën e vetëdijesimit jo vetëm në rajon, por edhe në BE për lëvizjet pozitive që kanë ndodhur që prej nisjes së dialogut. Përfaqësuesja e lartë e BE-së po qëndron në një vizitë në Kosovë e shoqëruar nga Komisioneri për çështje të brendshme, migracion dhe shtetësi, Dimitris Avramopoulos, vetëm një ditë pasi Komisioni Evropian i dha dritën e gjelbër lëvizjes së lirë për qytetarët e Kosovës brenda zonës Shengen.

Mogherini tha se autoritetet në Kosovë kanë treguar përkushtim të madh për vazhdimin e dialogut, nga i cili përfitojnë më së shumti qytetarët, por vlerësoi se tani duhet një përkushtim edhe më i madh për rrugën e integrimit në BE.Përfaqësuesja e lartë e BE-së, Federica Mogherini, tha se Kosova është pjesë e Evropës dhe BE-ja së bashku me autoritetet në Kosovë po punojnë për integrimin evropian të vendit.

Duke folur për liberalizimin e vizave për Kosovën, Mogherini theksoi se propozimi, është rezultat i punës së përbashkët me autoritetet e Kosovës, që mundëson lëvizjen e lirë të qytetarëve në vendet e BE-së. Mogherini dhe Avramopoulos thanë në Prishtinë se presin miratimin e plotë të propozimit për liberalizim të vizave për Kosovën edhe nga Parlamenti Evropian dhe Këshilli i Bashkimit Evropian, por paraprakisht theksuan se Kosova duhet ta ratifikojë marrëveshjen për demarkacion me Malin e Zi dhe të fuqizojë luftën e saj kundër korrupsionit dhe krimit të organizuar.

Komisioneri Avramopoulos theksoi ndërkaq se BE-ja do të pranojë vetëm pasaportat bioemtrike të Kosovës, për shtetasit e saj, pavarësisht. Ndërkohë, kryeministri i Kosovës, Isa Mustafa është përqendruar sërish në propozimin e fundit të Komisionit Evropian në lidhje me liberalizimin e vizave. Ai e ka cilësuar këtë si vendim historik dhe e nxjerrë Kosovën nga izolimi. Liberalizimi i vizave dhe Marrëveshja për Stabilizim Asocim, ka theksuar Mustafa, i hapin rrugën dhe perspektivën Kosovës në procesin integrues evropian./TvArt&Agjencitë/

read more
Rajoni

TIRANË: PARTITË E PARLAMENTIT TË SHQIPËRISË REFUZOJNË TAKIMIN ME AMBASADORËT

basha-2-655×356

Partitë politike kanë anuluar mbledhjet e Grupeve Parlamentare me ambasadorët Lu dhe Vlahutin, të parashikuar për tu mbajtur ditën e premte.Fillimisht ishin demokratët ata që anuluan këtë mbledhje. Një mesazh i ardhur deputetëve konfirmonte këtë takim.

Afro një orë më pas u njoftua edhe anulimi i mbledhjes së grupeve parlamentare të PS dhe LSI. Ende nuk dihen arsyet e anulimit të mbledhjeve apo nëse do të mbahen në të ardhmen.
Ndërkaq, Ambasada Amerikane njofton se po punohet që këto takime të mund të realizohen në javën e ardhshme.
Në seancën e sotme të Parlamentit të Shqipërisë Kryeministri i vendit Edi Rama nga foltorja e kuvendit i ka bërë thirrje opozitës që të hënën të miratojnë së bashku reformën në drejtësi.

Ndërkaq, deputeti socialist Ben Blushi e ka konsideruar mbledhjen e grupeve parlamentare në praninë e ambasadorëve Lu dhe Vlahutin, si tallje për klasën politike shqiptare.
Gjatë fjalës së tij në foltoren e Kuvendit, Blushi tha se ambasadorët kanë vendosur të mbledhin grupet parlamentare për t’i bindur për reformën dhe kjo sipas tij tregon se politikanët shqiptarë po detyrohen ta bëjnë atë.

Sipas Blushit nëse reforma në drejtësi do të kalojë, do të shërbejë për të ndaluar shpopullimin e Shqipërisë dhe zmbrapsjen e vendit nga politikanët. Blushi tha se parlamenti ka qenë besnik i parimeve esadiste, kundër interesit kombëtar, por që po shënon fundin me ndihmën e ndërkombëtarëve ./Agjencitë/

read more
Rajoni

SHBA-BE: S’DO LEJOJMË DËSHTIMIN E REFORMËS

18716A07-565F-45FB-84ED-2C6A5F0B3E68_w640_r1_cx8_cy0_cw90_s

  Në Shqipëri, ambasadori amerika Donald Lu dhe ajo e delegacionit të Bashkimit europian, Romana Vlahutin deklaruan sot se SHBA-të dhe BE-ja nuk do të lejojnë që Reforma në Drejtësi të dështojë. Të dy ambasadorët, mbajtën një fjalë në hapje të mbledhjes së Komisionit të Posaçëm të Reformës në Drejtësi, ku sot të do të paraqitet variant përfundimtar i përpunuar nga ekspertët e misionit amerikan të asistencës ligjore OPDAT dhe atij europian EURALIUS. Ky variant ka mbajtur parasysh sugjerimet dhe rekomandimet e Komisionit të Venecias si dhe ofron përgjigje për shqetësimet e ngritura nga opozita për të paktën 10 aspekte të ndryshimeve kushtetuese.

Ambasadori amerikan Donald Lu vlerësoi maksimalisht ekspertët e dy misioneve, duke deklaruar se mbështet dokumentin e përgatitur prej tyre. Duke ju drejtuar Komisionit, ai bëri thirrje që “ta studioni, ngrini pyetje, e diskutoni mbi atë që do të gjeni këtu për t’u siguruar që t’i shërbej më mirë popullit shqiptar.

Ambasadori amerikan ishte mjaft i drejtpërdrejt kur tha se “nëse reforma në fjalë dështon”

Ambasadori amerikan kujtoi faktin se për këtë reformë, si asnjë herë me parë për një cështje, ka patur mbështetje nga kancelarja gjermane Angela Merkel, Përfaqësuesja e Lartë e BE-së për politikën e Jashtme Federica Mogherini, nga Komisioneri europian Johannes Hahn, nga sekretari amerikan i Shtetit John Kerry si dhe presidenti Barack Obama./Agjencitë/

 

read more
1 235 236 237 238 239 301
Page 237 of 301