close

Rajoni

Rajoni

Tahiri: Një kompani serbe do të ketë licencë të përkohshme të telefonisë

edita-tahiri-565×329

Kosova është e gatshme që të vazhdojë dialogun me Serbinë në Bruksel me ndërmjetësimin e Bashkimit Evropian, takimi në nivel kryeministrash pritet të mbahet shpejt. Ndërsa, në takimin e fundi, bisedimet për asosacionin e komunave serbe kanë bërë që të mos arrihen marrëveshjet për telekomin dhe heqjen e barrikadës mbi lumin Ibër.

 

Kështu ka thënë për KosovaPress ministrja për dialog, Edita Tahiri, e cila ka shtuar se marrëveshja për telekomin është arrit që pala serbe të ketë një licencë të përkohshme të telefonisë mobile.

 “Për çështjen e kodit telefonik është arritur pajtimi dhe tani pritet aprovimipolitik në takimin e radhës nga ana e kryeministrave se pajtimi është arritur në nivelin teknik të bisedimeve. Ndërsa për çështjet e asoscionit të komunave me shumicë serbe ka pasur përparime por dallimet mbeten ende të madhe për shkak të disa kërkesave jo reale që i paraqiti Serbia e që lidhen me qëndrimet tona kategorike që asosacioni nuk mund të ketë kompetenca ekzekutive, të shohim në takimin e radhës se çarë do të ndodh”, tha Tahiri.

Aj o po ashtu ka thënë se takimi i radhës në nivel kryeministrash varet nga Bashkimi Evropian dhe ftesa e Federica Mogherini. Po ashtu sipas Tahirit, përfaqësuesit e Bashkimit Evropian janë pajtuar që të themelohet asosacioni dhe të funksionoj në bazë të ligjeve të Kosovës.

 “Kjo varet nga Bashkimi Evropian varësisht kur zonja Mogherini e vlerëson se janë krijuar kushtet unë besoj që shpejtë do të ndodhë.Partnerët ndërkombëtarë zakonisht mbështesin një zgjidhje e cila del nga pajtimi i palëve në Bruksel me ndërmjetësimin e Bashkimit Evropian. Mirëpo, pajtimi edhe i tyre është rreth asaj se ky asosacion duhet të themelohet dhe të funksionoj në pajtim të plotë me ligjet e Kosovës. Ndërsa, qëndrimi ynë është që asosacioni nuk mund të ketë kompetenca ekzekutive seps e Kushtetuta e Republikës së Kosovës e bënë të qartë se sistemi politik i yni është me dy nivele, është qeveria qendrore dhe komunale si nivele ekzekutive”, tha Tahiri.

Ajo po ashtu ka thënë se marrëveshja për telekomin është arrit që pala serbe të ketë një licencë të përkohshme të telefonisë mobile.

 “Marrëveshja për telekomin është e qartë, Kosova do të merr kodin telefonik 383 nga ITU-ja për Kosovën do të aplikoj Austria. Kosova do të jetë vet administruese e këtij kodi dhe nuk ka lidhje me operatorët. Është e vërtet që me marrëveshjen për telekomin parashihet që të ketë një licencë e përkohshme për një kompani por kjo nuk ka të bëjë me operatorin e tretë mobil sepse operatori i tretë mobil në Kosovë mund të vjen vetëm me një tenderim ndërkombëtar”, tha Tahiri.

Tahiri ka thënë se për urën e janë përafruar qëndrime, por sipas saj nuk janë arrit të nënshkruhen pasi pengesë ka qenë mospajtimet për asosacionin.

 “Për telekom është mbërri marrëveshja. Për këto dy tema të tjera është diskutuar por ne si palë në këto bisedime kemi insistuar që të kemi marrëveshje në pako, pra që gjitha marrëveshjet të arrihet por dallimet edhe mos pajtimet kanë qenë tek asosacioni …Për urën janë përafruar qëndrimet parimi do të jetë se ura do të hapet edhe për qytetar edhe për automjete. Por me një proces gradual me një 1 tetor pritet heqja e barrikadës , parkut që është aty dhe pastaj Bashkimi Evropian fillon revitalizimin e urës që pritet të j etë 6 muaj. Pastaj bëhet hapja për këmbësor dhe në një fazë të më vonshme për automjete”, tha Tahiri.

Takimi i fundit në nivel kryeministrash zgjati rreth 14 orë por rezultoi i pa suksesshme.

/KOSOVAPRESS/

read more
EkonomiRajoni

SHQIPËRI-KOSOVË: OBJEKTIV- UNIFIKIMI I TREGJEVE

largea_unnamed-11435933622

Me gjithë deklarimet e zyrtarëve më të lartë të të dyja vendeve për thellimin e bashkëpunimit ekonomiko-tregtar, Shqipërinë dhe Kosovën i pret shumëçka për të bërë: Dje në Prizren, ministrat e Financave shqyrtuan përmbushjen e marrëveshjeve për lehtësimin e shkëmbimeve tregtare dhe eliminimin e barrierave kufitare mes dy vendeve. Unifikimi i tregjeve dhe kapërcimi i barrierave doganore – ishin në qendër të vëmendjes.

Ministri kosovar, Avdullah Hoti  tha se qëllimi i këtij takimi ishte të diskutohen të arriturat e deritanishme, sidomos në fushën e doganave dhe të administratave tatimore, por edhe kapërcimi i problemeve në këtë plan, duke synuar unifikimin e tregjeve dhe lehtësimet doganore në kufi:

“Sot jemi ulur dhe kemi shqyrtuar progresin e arritur të dy ministritë në lehtësimin e shkëmbimeve tregtare, në eliminimin e barrierave, në luftimin e ekonomisë joformale… Jemi të kënaqur me punën që është bërë në të dy anët e kufirit; në fakt po punojmë që ta eliminojmë komplet këtë kufi. Ne po lëvizim shpejtë, me hapa të mëdhenj, konkretë, praktikë, drejt unifikimit të dy ekonomive, si hap i parë drejt integrimit të përbashkët të dy vendeve në tregun e përbashkët të Bashkimit Evropian” – ministër i Financave në Prishtinë, Avdullah Hoti

 Ndërkaq, homologu i tij nga Shqipëria, Shkëlqim Cani, dje në Prizren ishte më optimist. Sipas tij, është bërë një punë e madhe, është arritur objektivi dhe janë përmbushur të gjitha pikat e programit që të dyja palët kishin hartuar në mars të këtij viti, në mbledhjen e përbashkët të të dyja qeverive.

Ne së bashku identifikuam një grup çështjesh tashmë, jo vetëm të karakterit procedural dhe të rregullimeve që duhet të bëjmë në të gjithë atmosferën harmonizuese dhe unifikuese të dokumentacioneve dhe të praktikave, por të hedhim hapa shumë herë më konkret në përfitime të drejtpërdrejta dhe konkrete të tatimpaguesve kryesishtë  të biznesit, por edhe të individëve të të dy krahëve. Objektivi ynë final është që të mos ketë asnjë barrierë dhe asnjë kufizim në mënyrë që shqiptari i Kosovës apo i Shqipërisë ta ndjejë vetën në Kosovë apo Shqipëri njëllojë për nga aspekti fiskal. Kjo është detyra e jona dhe këtë detyrë me bindje të plotë, me dëshirën më të madhe dhe me vullnetin e plotë do ta përmbushim në një kohë sa më të shkurtër” – ministër i Financave në Tiranë, Shkëlqim Cani

Rrjedhimisht, politikisht, të dyja qeveritë, ajo në Prishtinë dhe qeveria në Tiranë, kanë shprehur disponimin politik për të çuar përpara marrëdhëniet dypalëshe. Mirëpo, ekspertët konsiderojnë se përtej politikës, Shqipëria e Kosova, duhet të  vendosin politika të qëndrueshme pikërisht kur është fjala për liberalizimin e tregut nga i cili varet edhe fuqizimi i bashkëpunimit ekonomik në tërësi.

 

read more
Rajoni

PRISHTINË: TAKOHEN DEPUTETET E KOSOVËS DHE SERBISË

kuven

Deputetet gra nga Kosova dhe Serbia janë mbledhur sot në Kuvendin e Kosovës për të dëshmuar se dialogu pa iniciativë nga Bashkimi Evropian është i mundur dhe se bashkëpunimi dhe toleranca në mes të të dyja palëve ekziston. Mirëpo jo gjithçka reflektoj ashtu, pasi që mjaftoj të përmendej fjala Republikë nga ana e kryetarit të Kuvendit Kadri Veseli, për të mos i bërë të ndjehen mirë dhe të reagojnë deputetet serbe.

Kryetari i Kuvendit Kadri Veseli, i cili pasi iu uroj mirëseardhje në gjuhën serbe deputeteve nga Serbia, tha se Republika e Kosovës beson dhe punon në politikëne fqinjësisë së mirë me të gjitha shtetet e rajonit, përfshirë edhe Serbinë.

 “Republika e Kosovës beson dhe punon në politikat e fqinjësisë së mirë me të gjitha shtete e regjionit tonë, përfshirë edhe fqinjin tonë verior Serbinë. Mbi bazën e kësaj ne kemi përqafuar platformën e dialogut të vazhdueshme me Qeverinë e Serbisë në mënyrë që raportet tona të normalizohen dhe problemet mes nesh të zgjidhen përmes komunikimit dhe marrëveshjeve. Horizonti i këtij dialogu duhet të zgjerohet. Pra, të mos jetë vetëm dialog politik dhe institucional, privilegj i elitave politike, por edhe dial og qytetar dhe kulturor, në fushën e shoqërisë civile”

 

E, fjala Republikë e përmendur nga kryetari Veseli nuk i pëlqeu deputetes serbe Maria Obramoviq. Ajo tha se me këtë  nga pala kosovare është shkelur marrëveshja paraprake:që të mos përmendej fjala Republikë.Sipas saj, marrëveshja ishte arritur para tre vjetësh kur kishin filluar takimet e grave deputete të të dyja shteteve:

 

 “Më është dashur mjaftë punë dhe mund që të iu drejtohem nga kjo foltore. Kam marrë këtë obligim e po ashtu siç bënë edhe kryeministri jonë në Bruksel dhevërtet e çmoj edhe angazhimin nga ana e juaj. Por) ju këtë herë shkelët marrëveshjen që bëmë që të mos përmendet Republika e Serbisë, Republika e Kosovës në adresimin tuaj, ashtu që edhe ne pastaj të thoshim se ndodhemi në pjesën jugore t ë Serbisë. Por po e përfundojmë këtu të bëhemi më tolerant, ta shohim këtë film me kujdes dhe ta shpërndajmë në shumë vende”.

Ndërkaq,  kryetarja e grupit të Grave deputete të Kosovës, Blerta Deliu-Kodra tha se projekti i realizuar në mes grave deputete të të dyja vendeve tregon për guximin dhe vendosmërinë e tyre  për të ecur përpara e për të nisur projekte të cilat ndonëse jo populliste ndihmojnë në avancimin e çështjes së grave, dhe jo vetëm të tyre.

 “’Follow us’ është guxim i grave për të nisur projekte jo populiste. Prandaj sot është një ditë reflektimi e angazhimi për sfidat që kemi përpara, meqë sot nis një qasje ndryshe për të zgjedhur problemet tona të përbashkëta. ..Të prekim tema të vështira dhe të ndjeshmetë të dy shteteve në mënyrë që të gjejmë pika të përbashkëta të të dyja shteteve në mënyrë që të vendosim urat e bashkëpunimit në mes nesh ”

 

Sshefi i Misionit të OSBE-së në Kosovë, Jean-Claude Schlumberger, mision ky që edhe ka ndihmuarfinanciarisht këtë projekt tha se gratë deputete të të dyja vendeve kanë dëshmuar se me  vullnet  mund të tejkalohen të gjitha problemet. Gratë e Kosovës dhe ato të Serbisë, do thënë,për dallim nga kryeministrat e dy vendeve Mustafa e Vuçiq, u takuan e dialoguan, pa ndërmjetës.

/KOSOVAPRESS/

read more
Rajoni

KRYEMINISTRI RAMA: NË BE OSE…!

largea_edi-rama-980-prill1429302963

Bashkimi Europian duhet të përmbushë pritshmëritë që kanë shqiptarët dhe gjithë Ballkani ndaj Integrimit Europian, përndryshe hapësira për zhvillimin e islamit radikal do të jetë e madhe.

Kështu ka deklaruar kryeministri Edi Rama për të përditshmen britanike, Fajnenshël Tajms. Dhjetë vjet më pare, tha Rama, 98 përqind e shqiptarëve besonin tek amerika, pastaj tek zoti dhe europa. Sot, sipas tij, kjo nuk ndodh më.

Një i ri në Tunisi ose Tobruk ndjen se nuk ka të ardhme, thotë Rama, por në Shqipëri ylli në qiell është Europa. Më tej Rama shpjegon se në Ballkan gjenden muslimanët më proamerikanë dhe proeuropianë në botë, por kjo është duke ndryshuar sipas tij. Dhjetë vjet më parë 98 përqind e shqiptarëve në fillim besonte tek amerika, pastaj tek zoti dhe europa, ka deklaruar rama për Fajnenshël Tajms.

Sot, sipas tij, situata nuk është më njëlloj. Para dhjetë vjetësh sipas Ramës do të kishte qenë e pamundur që shqiptarë të luftonin në vende të tjera, siç ndodh sot në Siri dhe Irak. Kryeministri shqiptar për financial times thotë se Ballkani ka nevojë për Europën dhe Europa ka nevojë për Ballkanin sepse integrimi i Ballkanit është mbi të gjitha një çështje sigurie për Europën. Fajnenshël Tajms shkruan se Edi Rama ka kujtime të mira të çmendinës së izoluar që ishte Shqipëria komuniste e Enver Hoxha, prandaj dhe kërkon kaq me pasion të ardhmen e Shqipërisë në BE dhe për këtë shkak parasheh rreziqe përpara nëse Shqipërisë dhe vendeve të tjera të Ballkanit iu mohohet kjo perspektive- ka deklaruar kryeministri shqiptar, Edi Rama për Fajnenshël Tajms.

read more
RajoniVendi

VLORË: NËNSHKRUHEN MARRËVESHJE PËR ARSIMIN

vlore nenshkrimi i marr

Maqedonia, Shqipëria dhe Kosova kanë firmosur marrëveshje bashkëpunimi në lëmin e arsimit. Ceremonia e nënshkrimit u bë në prani të kryeministrit shqiptar Edi Rama dhe në kuadër të takimit ministror në Vlorë. Në këtë takim morën pjesë ministrat e Arsimit të vendeve të rajonit.

 

Sipas ministrit Ademi, marrëveshja e sapo nënshkruar  pritet të thellojë bashkëpunimin mes Shkupit, Prishtinës e Tiranës në fusha të ndryshme të arsimit, përfshirë këtu dhe pjesëmarrjen në projekte të përbashkëta, si dhe shkëmbim të përvojave me qëllim të vendosjes së standardeve  dhe cilësive sa më të larta në procedin e edukimit dhe të shkollimit.

 

“Është shumë e rëndësishme nënshkrimi i Marrëveshjes më Republikën e Kosovës në sferën e arsimit për faktin se është e para e këtij lloji edhe hap mundësin e bashkëpunimit në të ardhmen. Gjithashtu është e rëndësishme se kjo marrëveshje nënshkruhet në kuadër të takimit ministror të vendeve të rajonit ku ne si dy shtete dëshmojmë interesimin dhe vullnetin për bashkëpunim. Marrëveshja përmban konkretisht bashkëpunimin në sferën e arsimit dhe shkencës, duke filluar nga këmbimi i përvojave të të dy vendeve, thellimin e bashkëpunimit në këmbimin e literaturës, por edhe mundësin e aplikimit të përbashkët të institucioneve të vendeve tona  në shfrytëzimin e projekteve evropiane që janë të rëndësishme për zhvillimin e arsimit dhe hulumtimeve shkencore”, tha me tjerash ministri Ademi pas nënshkrimit më ministrin kosovar të arsimit.

“Marrëveshja që u nënshkrua sot me Republikën e Shqipërisë është e një rëndësi tepër e veçante për qytetarët e Maqedonisë sepse thellon bashkëpunim me shtetin shqiptarë në të gjitha segmente e arsimit”, tha Ademi pas nënshkrimit të Marrëveshjes me ministren shqiptare Lindita Nikolla.

Ministrja Nikolla gjatë fjalës së saj në hapjen e kësaj konference nënvizoi rëndësinë e ndërthurjes, shkëmbimit të eksperiencave dhe bashkëpunimin e politikave arsimore midis 3 vendeve si një mënyrë mjaf e mirë që rrit cilësinë e arsimit.
Eksperiencat e vendeve tona duhet të ndërthuren në shkëmbimin e eksperiencave dhe bashkërendimin e politikave. Dua të vendos theksin në rëndësinë e kësaj konference në integrimin e vendit tonë në Bashkimin Europian. Reformimi vjen me integrimin e plotë të vendit tonë në BE. Dija nuk është biznes, por dija më e mirë sociale, ekonomike dhe kulturore. Për këtë arsye sot na kërkohet të jemi më të përgjegjshëm dhe më të përkushtuar” theksoi Nikolla.

 

Ndërkohë, ministri i Arsimit të Kosovës, Arsim Bajrami theksoi se me këtë marrëveshje do të intensifikohet bashkëpunimi në sferën e arsimit dhe Republikën e Maqedonisë. Për Kosovën tha ai, është në interes sepse së pari herë nënshkruan një marrëveshje të tillë me Republikën e Maqedonisë.

Ministri Bajrami, me këtë rast, theksoi se pas marrëveshjes që është nënshkruar me Republikën e Shqipërisë, është ky një tjetër moment shumë i rëndësishëm, pasi që për herë të parë po nënshkruhet një marrëveshje për bashkëpunim me Republikën e Maqedonisë për të intensifikuar bashkëpunimin në fokus të ndërtimit të standardeve të larta të cilësisë.

“Vendet tona janë në proces të reformimit të sistemit arsimor dhe padyshim që Kosova dhe Maqedonia janë dy shtete fqinje dhe që mund të bashkëpunojnë shumë në sferën e arsimit”, tha ministri Bajrami.

Marrëveshja është nënshkruar në kuadër të takimit të katërt  ministror:  “Platforma e Ballkanit Perëndimor për Arsim dhe Trajnim” që mbahet në qytetin e Vlorës së Republikës së Shqipërisë ndërsa organizohet nga Komisioni Evropian ku marrin pjesë ministrat e arsimit të vendeve të rajonit. Me këtë rast ministri Ademi është takuar edhe me drejtorin e përgjithshëm të Komisionit Evropian  për Arsim dhe Kulturë, Xaviet Prats Monne.

read more
Rajoni

PRISHTINË: KONGRESISTI ENGEL PRO GJYKATËS SË POSAÇME

Eliot Engel

Kongresisti amerikan, Eliot Engel, u ka kërkuar deputetëve të Kosovës që të vendosin nëse Gjykata Speciale do të formohet nga Kuvendi i Kosovës apo nga OKB-ja. Sipas tij,  mirë për Kosovën  do të ishte që kjo të bëhet në Prishtinë se sa në Nju-Jork. .

Sipas tij, Gjykata Speciale ndonëse është vendim i vështirë për t’u marrë më mirë është të bëhet nën menaxhimin e BE-së se sa të Kombeve të Bashkuara.

“Ka shumë zgjidhje të vështira që duhet të bëhen dhe njerëzit e Kosovës po i bëjnë ato… Siç e shoh unë zgjidhjen e kësaj situate dhe nuk është situatë e lehtë, a do të ketë Gjykatë Speciale ose  asgjë? Për mua çështja është se a do të ketë Gjykatë Speciale apo Gjykatë nga Kombet e Bashkuara? Pasi unë besoj se nëse nuk do të ketë Gjykatë Speciale, Kombet e Bashkuara do ta bëjnë një të tillë dhe nuk besoj që Kosova do ta ketë mirë nëse kjo bëhet nga Kombet e Bashkuara. Kosova nuk është pjesë, anëtare e kësaj organizate për shkak të bllokimit nga Serbia dhe Rusia, dhe mendoj që kjo nuk është e drejtë”.

Mësohet se kongresisiti amerikan nesër do të qëndrojë edhe në Maqedoni ku pritet të zhvillojë takime me personalitete të ndryshme  të jetës politike të vendit.

/KosovaPress/

read more
Rajoni

Tiranë:Debate në parlament për 21 qershorin

debate-ne-parlament

Në Shqipëri parlamenti është përfshirë sot në debate të gjata mes palëve rreth zgjedhjeve vendore të 21 qershorit.Përfaqësuesë të ndryshëm të opozitës kanë përsëritur qëndrimin tanimë zyrtar të së djathtës se procesi i 21 qershorit ishte sipas tyre i manipuluar, ndërkohë që përfaqësuesit e shumicës së majtë kanë patur një vlerësim të kundërt.

Ministri i Brendshëm Saimir Tahiri i konsideroi zgjedhjet si më të mirat që janë organizuar ndonjëherë e që sipas tij respektuan standartet ndërkombëtare.

Por në një fjalë të gjatë të tijën, ish kryeministri Sali Berisha, u shpreh se sipas tij, si kurrë më parë, procesi kishte qenë “një krim shtetëror. Zgjedhjet u udhëhoqën nga bota e krimit”, deklaroi zoti Berisha, duke u ndalur te kandidatët e inkriminuar që sic tha ai u përzgjodhën nga kryeministri.

Ndër përfaqësuesit e opozitës, ra në sy fjala e deputetit Astrit Patozi. Edhe sipas tij zgjedhjet e 21 qershorit “ishin të këqija dhe të pista, një lloj pushtimi i butë, ku – sic u shpreh – pushteti ndërhyri me egërsi aty ku ndjehej i kërcënuar”. Megjithatë – shtoi ai – kjo nuk e përligj humbjen e opozitës, e cila sa më shumë të fshihet aq më shumë do të rëndojë mbi shpinën e saj të kërrusur. Opozita – tha zoti Patozi – nuk arriti të bënte diferencën me qeverinë, në mënyrë që shqiptarët ta shihnin atë si një shpresë për të dalë nga mocali i politikës”.

read more
Rajoni

KRIZA GREKE:CIPRAS BËN THIRRJE PËR UNITET

Greece

KRIZA GREKE:CIPRAS BËN THIRRJE PËR UNITET

Greqia do të ketë nevojë për një ndihmë prej 36 miliardë eurosh nga evropianët në tre vitet e ardhshme nëse ajo miraton planin e kreditorëve në referendumin e së dielës, theksoi FMN në një raport të publikuar sot.

Nevojat për financimin global të vendit janë rënduar nga ndryshimet e mëdha politike në Athinë dhe janë vlerësuar në total në 50 miliardë euro deri në vitin 2018, në sfondin e rritjes së rishikuar në rënie drastike nga 2,5 për qind në zero për qind, nënvizoi Fondi Monetar Ndërkombëtar.

Kryeministri grek, Aleksis Cipras u kërkoi sot grekëve bashkim kombëtar për kapërcimin e vështirësive të përkohshme që po kalon vendi dhe premtoi se pas referendumit të të dielës vendi do të jetë i bashkuar.

“Pas referendumit ne do të jemi të gjithë të bashkuar për të bërë përpjekje të kapërcejmë vështirësitë e përkohshme që vendi po kalon”, theksoi Aleksis Cipras në përfundim të një takimi me Panos Kammenos, ministër i Mbrojtjes dhe drejtues i partisë sovrane të Grekëve të Pavarur (Anel).

Kjo thirrje për bashkim kombëtar ndodhi tre ditë nga referendumi i vendosur nga qeveria dhe që përqendrohet në masat e reja shtrënguese të propozuara nga kreditorët e vendit BE dhe FMN. Kjo perspektivë ka ndarë zgjedhësit grekë.

read more
Rajoni

ASHAK nderon 25 vjetorin e Deklaratës Kushtetuese

ASHAK 25

Në mjediset e Akademisë së Shkencave dhe Arteve të Kosovës u përkujtua 25 vjetori i Deklaratës Kushtetuese të 2 Korrikut të vitit 1990, deklaratë kjo e cila atë kohë u nënshkrua nga 111 delegatë.Sot gjatë kësaj akademie të pranishëm ishin shumica prej delegatëve, duke mos përfshirë ata të cilët tashmë nuk janë në mesin e tyre dhe ata të cilët jetojnë jashtë shtetit.

Me këtë rast kryetari i Akademisë, Hivzi Islami, tha se janë mbledhur për të kujtuar një nga datat më të rëndësishme të historisë së Kosovës, në të cilën Kosova do të bëhej shtet në vete.

 “Jemi mbledhur sot këtu në mjediset e Akademisë së Shkencave dhe të Arteve të Kosovës për ta shënuar dhe kujtuar një nga datat më të rëndësishme të historisë sonë më të re të Kosovës. Pikërisht para një çerek shekulli , me 2 korrik 1990 delegatët e tri dhomave të Kuvendit të atëhershëm…e shpallën Deklaratën Kushtetuese që njihet si Deklarata e Pavarësisë…në të cilën Kosova do të bëhej shtet në vete…Deklaratën Kushtetuese e nënshkruan 111 delegatë…28 prej të cilëve nuk janë më në mesin tonë”, tha Islami.

E, për të kujtuar atë kohë foli edhe kryetari i Kuvendit të atëhershëm, Ilaz Ramajli, i cili tha se ato demonstrata të asaj kohe kanë treguar revoltën e popullit për pozitën e pavolitshme të Kosovës në ish-Jugosllavi.

 “Demonstratat e viteve 60-ta, 81, 89 për mëvetësi të Kosovës ishin shprehje publike e revoltës gjithë popullore me pozitën e pavolitshme të Kosovës dhe kundërpërgjigje e planeve shoviniste serbe për aneksimin e Kosovës dhe për uzurpimin e të drejtave kombëtare të popullit shqiptar në ish- Jugosllavi. Deklarata e 2 Korrikut u miratua dhe u shpall nga Kuvendi pikërisht në kohën kur nuk kis hte asnjë dyshim se ish -Jugosllavia kishte hyrë në rrugën e pa kthim të shpërbërjes së saj”, tha Ramajli.

Ndërsa delegati i Kuvendit të atëhershëm Nazmi Kelmendi, tha se kushtet të cilat u ofroheshin shqiptarëve në atë kohë bënë që delegatët të tuboheshin dhe të miratonin aktin e nevojshëm të asaj kohe.

 “Kanë qenë gjitha parakushtet pas shkatërrimit të pozitës kushtetuese të Kosovës me heqjen e autonomisë nga ana e Serbisë dhe amendamenteve të 23 marsit pastaj vrasjeve që filluan nëpër tërë Kosovën, helmimeve të nxënësve dhe studentëve…dhe gjitha kërkesat popullore duke filluar së fundi edhe me deklaratën e Akademisë së Shkencave ne si delegatë të Kuvendit të Kosovës u tubuam…dhe miratuam aktin e nevojshëm të kohës”, tha Kelmendi.

Sipas të pranishmëve data e 2 Korrikut të vitit 1990 do të mbahet mend gjithmonë, për faktin që populli vendosi të mos vazhdonte nën sundimin dhe nënshtrimin e Serbisë dhe të miratonte Kushtetutën e Kosovës, e cila ia lejonte të ishte shtet në vete.

/KosovaPress/

read more
RajoniVendi

PATRULLA POLICORE SERBE,HUNGAREZE E AUSTRIAKE NË KUFI ME MAQEDONINË

makedonija-migranti-reuters-main_1

Vazhdon të rritet numri i emigrantëve në Maqedoni.Nga Ministria për Punë të Brendshme thonë që numri i atyre që kanë kërkuar leje qëndrimi është afro 6000.Ndërkohë në kufi me Maqedoninë do të fillojnë në patrullojnë ekipe të përziera policore nga Serbia,Hungaria dhe Austria.

Ministrat e PB të Serbisë,Austrisë dhe Hungarisë në Budapest kanë nënshkruar Memorandum mirëkuptimi,me të cilin tri palët kanë arrritur marrëveshje për zbatimin e masave konkrete me qëllim të parandalimit të emigrantëve illegal.Me këtë memorandum të nënshkruar në bazë të Konventës rreth bashkëpunimit policor në Evropën Juglindore është paraparë që të formohen ekipe hetuese me qëllim të zbulimit të trafikimit me njerëz si dhe forcimin e patrullimeve të përbashkëta në kufijtë e Serbisë.Ministri serb I PB,ka theksuar se në këtë takim është arritur marrëevshje që njëra prej masave konkrete të jetë edhe patrullimi i përbashkët i policisë serbe,hungareze dhe austriake në kuririn mes Serbisë dhe Maqedonisë.Ndryshe mbrëmë 11 emigrantë kanë përfunduar në spitalin e Gjevgjelisë pas rrëshqitjes së dheut.Të lënduarve u kanë ndihmuar edhe ekipe të Kryqit të Kuq dhe UNHCR.Ndërkohë asnjë organizatë nuk ka shkuar për të marrë nga kufiri të birin 25 vjecar të sirianit i cili para dy ditëve ndërroi jetë në Gjevgjeli.I riu i cili ka poseduar pasaportë gjermane natën e ka kaluar në kufi duke pritur që ta dërgojë dikush tek vëllai i tij I mitur.Ai në Maqedoni ka ardhur për të marrë të vëllain dhe të marrë pjesë në varrimin e babit të tij.OJQ po përpiqen që të gjejnë vend ku do të varroset siriani nëse i biri vendos që ai të varroset në Maqedoni. Gjatë ditës së djeshme, MPB dha 657 leje qëndrime për nënshtetasit të huaj që kanë shprehur dëshirë për të kërkuar azil në Republikën e Maqedonisë.
Duke i përfshirë edhe ato, në periudhën nga 19 qershori e deri me 1 korrik të këtij viti, janë dhënë 5915 leje qëndrimi për nënshtetasit e huaj.
Sipas nënshtetësive të personave që kanë marr lejet e qëndrimit, më të shumtë janë ata nga Siria, 3765, pastaj Afganistani, 548, Iraku, 350, Pakistani, 275, Somalia, 246, Kongo, 237, Palestina, 162, ndërsa të tjerët janë në numër më të vogël.

read more
1 298 299 300 301
Page 300 of 301