close

Sport

Sport

LIGA EVROPA: SKËNDERBEU KËRKON PIKË NË LISBONË

no thumb

Kampionët e Shqipërisë, lojtarët e Skënderbeut,në stadiumin “Zhoze Alvalade”, do të kërkojnë të surprizojnë dhe të marrin pikën e parë në Europa Ligë. Ndeshja e vlefshme për turin e tretë të grupit H është vendimtare për tanët, të cilët kanë humbur dy takimet e para, 1-0 ndaj Beshiktashit dhe 2-0 ndaj Lokomotivës së Moskës.

Korçarët kërkojnë të përfitojnë edhe nga fakti se Sportingu i Lisbonës është fokusuar tërësisht në kampionat dhe në ndeshjet e Europa Ligës nuk po luan me formacionin më të mirë të saj. Optimizmi te kampionët bardhekuq vihet në dukje dhe nga mbrojtësi Jashanica, i cili tha se të besuarit e Josës do të udhëtojnë me objektivin e qartë, që është marrja e të paktën një pike.

Lidhur me sfidën e së enjtes, Qeveria Europiane e Futbollit ka vendosur edhe katërshen e gjyqtarëve, të cilët do të jenë nga Malta. Kryesor do të jetë 37-vjeçari nga Malta, Klayton Pisani, ndërsa asistentë të tij bashkëkombasit Alan Kamilleri, Mitchell Scerri, Marko Borg, Filip Farrugia dhe Eduard Spitteri. /Agjencitë e lajmeve/

read more
Sport

VAZHDOJNË EMOCIONET E LIGËS SË KAMPIONËVE

no thumb

 

Nesër zhvillohet një ndër ndeshjet më interesante të Ligës së Kampionëve. Takohen PSG dhe Real Madridi. Në njërën anë Ibrahimoviç ndërsa në anën tjetër Kristiano Ronaldo do të mundohen të tregojnë se cili është më i miri. Që të dyja skuadrat kanë nga 6 pikë dhe sipas të gjitha gjasave deri në fund do të luftojnë për vendin e parë. Ndeshje tjera interesante pritet të jenë Mancester Siti – Sevilla, Juventus – Monshengladbah dhe Gallatasaraj – Benfika. Të gjitha ndeshjet luhen nesër me fillim në orën 20 e 45. /Agjencitë e lajmeve/

read more
Sport

MAQEDONI: PANDEVI RIKTHEHET NË REPREZENTACION

no thumb

 

Goran Pandevi i kthehet reprezentacionit të Maqedonisë. Seleksionuesi i përfaqësueses Igor Angelovski, gjatë ditës së sotme është takuar në Xhenovë me  Goran Pandevin, ku është konfirmuar se përsëri do të bëhet bartës i  reprezentacionit. Ai do jetë i gatshëm për dy ndeshjet kontrolluese më 12 nëntor përballë Malit të Zi dhe më 17 nëntor përballë Libanit, edhe pse ndeshja nuk është konfirumar zyrtarisht.

“Jam i lumtur  që përsëri do të jemë pjesë e reprezenatcionit të Maqedonisë. Biseduam me seleksionuesin e ri dhe jam i gatshëm që të kthehem në ekipin kombëtar. Kaloi kohë e gjatë  nga paraqitja ime e fundit dhe  sinqerisht për  mua  nuk ishte e lehtë. Përkundrazi i kam përjetuar rëndë të gjitha ndodhitë  që kishin të bëjnë me reprezentacionin, por kjo periudh i takon së kaluarës . Tani kemi krejtësisht qëllim tjetër. Të  bashkohemi dhe të jemi të suksesshëm. Çdo reprezentacioni i duhet përkrahje, besoj se së bashku  do të ngrisim motivin  dhe kualititetin” ka  thënë Goran Pandev. /Sh. S./

 

read more
Sport

“TOPI I ARTË” – SHPALLEN 23 FUTBOLLISTËT

no thumb

 

FIFA Publikoi emrat e 23 futbollistëve që do të garojnë për Topin e Artë, që do të dorëzohet më 11 janar në Zyrih. Si zakonisht edhe këtë herë, nuk mund të mungonin favoritët Lionel Messi dhe Cristiano Ronaldo. Argjentinasi cilësohet në avantazh pasi fitoi tre tituj me Barcelonën gjatë sezonit që lamë pas, ndërsa në garë nga Barcelona janë edhe shokët e tij të sulmit braziliani Neymar dhe uruguajani Luis Suarez. Një treshe që e mbylli edicionin me 122 gola. Nga Barcelona të pranishëm janë edhe spanjolli Andres Iniesta, argjentinasi Javier Mascherano dhe kroati Ivan Rakitiç.

Përveç Kristiano Ronaldos , nga klubi madrilen garojnë edhe francezi Benzema, uellsiani Gareth Bale, ylli kolumbian James Rodriguez dhe mesfushori gjerman Toni Kroos.

Nga Bundesliga, në garë janë pesë futbollistë të kampionëve të Bayern Mynihut: Polaku Robert Leëandoëski, Thomas Mueller, Arjen Robben, portieri Manuel Neuer dhe Arturo Vidal. Ndërkaq nga Premier Liga angleze figurojnë emrat e Alexis Sanchez të Arsenalit, Sergio Aguero dhe Yaya Toure të Manchester SitIt. Toure, katër herë lojtari më i mirë i Afrikës, është i vetmi lojtar në listë që nuk vjen nga Europa apo Amerika latine.

Nga Italia, garon vetëm një futbollist edhe ai është francezi Paul Pogba.

Për Trajnerin më të Mirë në listë janë Massimiliano Allegri i Juventusit, Carlo Ancelotti për sezonin te Real Madridi, Laurent Blanc i Paris Saint Germain, Unai Emery i Sevilla-s, Pep Guardiola i Bayernit të Mynihut, Luis Enrique i Barcelonës, José Mourinho – Chelsea, Jorge Sampaoli i Kilit, Diego Simeone – Atletico Madrid dhe Arsene Ëenger – Arsenalit.

Tre më të mirët nga lojtarët dhe trajnerët do të zgjidhen brenda datës 20 Nëntor. /Agjencitë e lajmeve/

 

read more
SportVideo

KUPA E MAQEDONISË: NDESHJET KTHYESE TË 1/8 SË FINALES

no thumb

Të mërkurën në program janë ndeshjet kthyese të të tetës së finales të vlefshme për kupën republikane. Duke u bazuar në ndeshjet e para që u zhvillua para tre javëve mund të thuhet se Shkëndija, Bregallnica,Vardari, Rabotniçki dhe Mladosti me një këmbë janë  në çerek finale, ndërsa ndeshja më interesante pritet të zhvillohet në Kratovë ku Sileksi vendas  ka epërsi prej një goli kundrejt Renovës, si dhe  ndeshja Lubanici –Makedonija Gj.P meqë rezultati i ndeshjes së parë ishte  2-3 për ekipin e Gjorçe Petrovit.

Të gjitha ndeshjet zhvillohen të mërkurën me fillim në orën 14:30.

KUPA E MAQEDONISË

Metalurgu   –   Shkëndija

Sileksi        –   Renova

Shkupi       –   Bregallnica

Lubanci      –   Makedonija  Gj.P

Pelisteri      –   Vardari

Rabotniçki  –   Gostivari

Skopje       –   Horizont Turnova

Mladosti     –   Vëllazërimi        /L. K./

 

 

read more
SportVideo

KARATE: ESAT DELIHASAN  KRYETAR I RI I FEDERATËS BALLKANIKE

no thumb

Kongresi i dytë zgjedhor në Federatën Ballkanike të Karatesë në Beograd, për  kryetar  të ri zgjodhi, Esat Delihasanin nga  Federata Turke e karatesë, me mandat 2 vjeçar, në vend  të  kryetarit të deritanishëm bullgarit Aleksej Petrov . Në këtë Kongres zgjedhor Federata e  Maqedonisë dhe ajo e Shqipërisë  u përfaqësuan nga   Besnik Murati.

 “Që nga themelimi i Federatës Ballkanike edhe në nivel botëror në federatën europiane dhe botërore, jam delegate, përfaqësues i Federatës së Karatesë së Maqedonisë, mirëpo këtë radhë në pamundësi që të vijnë përfaqësues nga Shqipëria unë poashtu kam qenë edhe pjesë e federatës shqiptare të karatesë  dhe njëri nga themeluesit e saj në vitin 1994 më autorizuan me autorizim zyrtar që të prezentoj edhe Federatën Shqiptare të karatesë të cilën mendoj se me sukses prezentova edhe federatën e karatesë të Maqedonisë, edhe Federatën e shtetit amë të Shqipërisë” – tha Besnik Murati,  anëtar i  K. E në FKM.

Sipas Besnik Muratit,  me drejtuesit  e ri të  Federatës Ballkanike të karatesë Maqedonia dhe Shqipëria do të kenë interese të veçanta.

“Interesi i Shqipërisë, por edhe i Maqedonisë është pasi ne gjindemi në këtë regjion dhe normalisht rezultatet e Federatës Ballkanike, ata njihen nga ministritë përkatëse siç është ministria e Arsimit dhe Sportit në Shqipëri dhe agjencioni për Rini dhe Sport në Maqedoni që sportistët që arrijnë këto rezultate automatikisht kanë edhe vlerësimet e tyre” – perfundoi Besnik Murati, anëtar i  K. E në FKM.

Në kongresin e  dytë zgjedhor të Federatës  Ballkanike të  Kartesë,   nuk kanë  qenë  të pranishëm  përfaqësuesit e Kosovës edhe pse  Federata kosovare është  anëtare  me të  drejta të plota. /SH. S./

 

read more
Sport

BRAZIL: VDES PILOTI I KATEGORISË “SUPERBIKE”

no thumb

Piloti brazilian Joao Carlos Sobreira ka ndërruar jetë pasi humbi ndjenjat gjatë garës kur motori i tij u përplas dhunshëm me muret mbrojtëse të pistës së Goianias, në një garë të kategorisë Superbike.

Sipas organizatorëve të garës, në xhiron e tretë, në dalje të kthesës së parë, 32-vjeçari i Mobil Ituran Racing “nuk reagoi dhe u përplas dhunshëm”.
Sobreira u dërgua me urgjencë në spitalin e Goianias, por nuk arriti të mbijetonte. /Agjencitë e lajmeve/

 

read more
Sport

“DERBY D’ITALIA” PËRFUNDOI PA GOLA

no thumb

Interi dhe Juventusi kanë luajtur pa gola në Derby d’Italia që u zhvillua në Giuseppe Meazza.

Pjesa e parë ishte fantastike, me shumë raste, por munguan vetëm golat. Skuadra mysafire e nisi më mirë ndeshjen duke rrezikuar disa herë, mirëpo dalëngadalë nikoqirët imponuan ritmin e tyre. Rastin më të mirë në 45 minutat e parë e pati Interi përmes Perishiçit, goditja e të cilit u përplas në transversale.

Me të filluar gjysma e dytë, Bianconerët patën rastin e parë, por goditja e Cuadrados u mbrojtë nga Handanoviç.

Bardhezinjtë vazhduan të luanin mirë në fraksionin e dytë dhe shansin më të mirë e pati Khedira, i cili mori një pasim të mrekullueshëm në zonë nga Morata, por gjuajtja e tij goditi vetëm shtyllën. Deri në fishkëllimën e fundit të arbitrit, skuadrat e kërkuan fitoren, por në fund u desh të pajtoheshin me nga një pikë.

Barazimi i konvenon më shumë Interit, pasi është në pozitën e dytë me një pikë më pak se lideri Fiorentina. Juventusi, ngel në vendin e 14, me tetë pikë më pak se Nerazzurrët. /Agjencitë e lajmeve/

 

read more
Sport

DUKA: MIQËSORE KOSOVË – SHQIPËRI  

no thumb

Në muajin nëntor në Prishtinë do të zhvillohet një ndeshje miqësore me Kosovën. Një gjë të tillë e ka konfirmuar presidenti i FSHF-së Armand Duka.

“Duam të sigurojmë një miqësore në fushën tonë dhe e dyta do të jetë ndaj Kosovës në Prishtinë duke cekur se kjo do të jetë një miqësore festive “,- ka thënë Duka.

Kujtojmë se Shqipëria dhe Kosova kanë luajtur miqësore edhe në të kaluarën, por kjo do të jetë historike, pasi Shqipëria tashmë do të jetë pjesë e Kampionatit Evropian që do të mbahet vitin e ardhshëm në Francë. /Agjencitë e lajmeve/

read more
1 437 438 439 440 441 483
Page 439 of 483