close

Vendi

Vendi

LSDM KËRKON SHKARKIMIN E NIKOLLA TODOROVIT

no thumb

Pas ngjarjeve të fundit ku në dy raste kanë humbur jetën dy gra shtatzëna grupi parlamentar i LSDM-së dhe partnerët e koalicionit kanë kërkuar dorëheqjen e Ministrit të Shëndetësis Nikolla Todorov, ata gjithashtu kërkojnë llogaridhënie nga Nikolla Todorov për problemet sistemike dhe kaosin e përgjithshëm në kujdesin shëndetësor që rezulton në pasoja tragjike për qytetarët.

Deputetja nga radhët e LSDM-së si dhe kryetare e Komisionit Parlamentar për Shëndetësi Jagoda Shahpaska sot në një konferencë shtypi për gazetarë kërkoi nga Ministri i Shëndetësisë logaridhënie për menaxhim jo të mirë në shëndetsi, si dhe për kaosin e përgjithshëm në këtë digaster.

“Kërkojmë llogaridhënie nga Nikolla Todorov për problemet sistematike dhe kaosin e përgjithshëm në shëndetsi që rezulton me pasoja tragjike për qytetarët, mbi pacientët. Vetëm në dy ditë, dy gra shtatzëna kanë humbur jetën gjë që është e papranueshme në shekullin 21. Kjo tregon qartë se sistemi shëndetësor në Maqedoni nuk funskionon.” – deklaron Jagoda Shahpaska – LSDM.

Ajo gjithashtu theksoi se menaxhimi jo i mirë dhe joprofesional në sistemin shëndetësor, mungesa e strategjisë për zhvillim dhe investimeve merr taksën më të shtrenjtë, jetën e njeriut. /H. A./

 

read more
Vendi

NGJARJET E KUMANOVËS: NË KËRKIM EDHE TRE PERSONA

no thumb

Me urdhër të gjykatësit së procedurës paraprake, policia sot në mëngjes ka zhvilluar aksione në disa lokalitete në Haraçinë të Shkupit dhe Hotel të Kumanovës. Bëhet fjalë për tre persona të moshës nga 35 deri 51 vjeç, prej të cilëve njëri nga Breza, tjetri nga Hotla dhe personi i tretë nga Kumanova, për të cilët gjatë hetimeve janë siguruar dëshmi për involvimin e tyre në dhënien e përkrahjes logjistike të grupit të armatosur në Lagjen e Trimave në Kumanovë.

Personat ende gjenden në arrati.Tek njëri prej të dyshuarve, sipas policisë, janë gjetur katër celularë, tre sim kartela si dhe mbajtës për sim kartela. Gjësendet janë dorëzuar në prokurori, e cila ka kërkuar paraburgim për të dyshuarit.

“Në bazë të dëshmive të deritanishme nga hetimet, lidhur me ngjarjet e 9 dhe 10 Majit në Kumanovë, Prokurori Publik kompetent ka dhënë urdhër për zbatimin e procedurës hetimore edhe për tre shtetas të RM, për të cilët ekzistojnë dyshime për vepra të kryera penale “Organizatë terorriste” nga Neni 394-a,”Terorrizëm” dhe nga Neni 394-b të Kodit Penal” – thonë nga Prokuroria Publike e RM.

Ndërkaq, LR – PDSH në një konferencë shtypi ka kërkuar nga BDI-ja dhe MPB-ja të sqarojnë pse ndodhin këto aksione policore vetëm në lagjet shqiptare.

“Urgjentisht të ndalohen aksionet e tilla pasi këto nuk i kontribuojnë gjendjes edhe ashtu të rënduar të sigurisë në vend. Gjithmonë kur ngecin Marrëveshjet, si kjo e Përzhinës, tentohet të mbulohet situata, me aksione të arrestimit të shqiptarëve” – thonë nga LR-PDSH.

Me këtë aksion, për herë të dytë zgjerohet hetimi për Lagjen e Trimave, prej se në aksionin e paradokohshëm “Rrufeja” u arrestuan edhe 7 të dyshuar për ndihmë të grupit të Kumanovës.

Para një jave për shkak të mungesës së dëshmive u lirua polici shqiptar Afrim Sulejmani nga Vaksinca për të cilin policia dyshonte se i ka ndihmuar grupit. /Tv Art/

read more
Vendi

TETOVË:THAÇI TAKON DIPLOMATIN HOLANDEZ, PITER FEJT

no thumb

Kryetari i Partisë Demokratike Shqiptare, z.Menduh Thaçi sot në selinë e partisë realizoi takim me diplomatin holandez nga Instituti Evropian për Paqe, Piter Fejt.

Siç thuhet në komunikatën e PDSH-së,në takim është biseduar për situatën politike në vend, Marrëveshjen e Ohrit, marrëdhëniet ndëretnike, si dhe për zhvillimet në dialogun midis partive politike që lehtësohet nga SHBA-të dhe BE-ja.

Kryetari Thaçi-vazhdon më tej komunikata- gjithashtu vlerësoi se përplasjet mes partive maqedonase janë përplasje virtuale, kurse problemet reale të shtetit janë marrëdhëniet ndëretnike dhe çështja e emrit, andaj zgjidhja e këtyre problemeve do të stabilizonte vendin dhe rajonin, si dhe do të përshpejtonte proceset e integrimit në strukturat euro-atlantike.

Siç thuhet në komunikatë, Kryetari Thaçi theksoi se prioriteti i PDSH-së në tërë këtë proces është organizimi i zgjedhjeve të lira dhe demokratike, me të vetmin qëllim eliminimin e parregullsive të deritanishme siç janë vjedhja e votave dhe falsifikimi i rezultateve, andaj në këtë drejtim kërkoi edhe përkrahjen e faktorit ndërkombëtarë që të garantohen zgjedhje të lira dhe demokratike-thuhet mes tjerash në komunikatën e PDSH-së. /TvArt/

read more
Vendi

GRUEVSKI NË TWITTER: POPULLI VENDOS PËR ARDHMËRINË E VENDIT!

no thumb

“Populli në Maqedoni vendos për ardhmërinë e tij” – është mesazhi i publikuar në rrjetin social Tuiter, bërë publike pak pas deklaratës së amabasadorit të Mbretërisë së Bashkuar Karls Geret, i cili në emër të pesë ambasadave në vend, SHBA-ve, Gjermanisë, Francës, Britanisë së Madhe, Italisë dhe BE-së dërguan kritika në adresë të qeverisë.

Kori diplomatik ka kërkuar që të mos anulohen reformat e domosdoshme për dalje nga kriza, sepse, siç tha ambasadori Geret, të gjithë qeveritë kanë përgjegjësi të veçantë gjatë krizës politike.

Kërkuam nga kryeministrit Gruevski që të autorizojë  ekipin që të finalizojë marrëveshjen për çështjet e pazgjidhura të Marrëveshjes së Përzhinës dhe të zbatojë shpejt të gjitha  reformat e domosdoshme, për të siguruar  terren të barabartë për zgjedhjet dhe njohjen e tyre kombëtare e ndërkombëtare, si të besueshme, por edhe për mbajtjen e përgjegjësisë për parregullsitë eventuale”- tha dje Geret.

Geret kërkoi edhe nga LSDM-ja që të respektojë rolin e saj për biseda konstruktive dhe të mos publikojë përmbajtje të reja të të ashtuquajturave “bomba”.

Më herët Kryeministri Gruevski kishte kërkuar sërish fillimin e bisedimeve për hyrje në BE, por ka potencuar se humbja eventuale e rekomandimit, për shkak të krizës politike, sipas tij, populli nuk do ta përjetojë tragjikisht. /Tv Art/

 

read more
VendiVideo

AMBASADORËT: KEQ – NËSE NUK ZBATOHET MARRËVESHJA!

no thumb

Ambasadorët e vendeve më të fuqishme të akredituar në Shkup, Shteteve të Bashkuara të Amerikës, Britanisë së Madhe, Gjermanisë, Framncës dhe Italisë, si dhe Misioni i Bashkimit Evropian, sot pas dite, përpara Qeverisë, kanë bërë thirrje që urgjentisht të zbatohet Marrëveshja e dy Qershorit, në të kundërtën kjo  mund të ndikojë seriozisht në vlerësimet e Komisionit Evropian për Maqedoninë.  Me këtë rast diplomatët kanë drejtuar gishtin nga kryeministri Nikola Gruevski dhe partia e tij VMRO-DPMNE, si dhe nga Lidhja Socialdemokrate e Maqedonisë.

Të premten, në orët e vona të natës, u takuam me kryeministrin Gruevski dhe shprehëm zhgënjimin tonë për mossuksesin  për respektimin e afatit të fundit të  20 tetorit, për zëvendësimin e ministrave, gjë që ishte arritur me marrëveshjen e Përzhinës.

I bëjmë thirrje VMRO-DPMNE-së që të demonstrojë përkushtimin e nevojshëm dhe për të zbatuar marrëveshjen në mënyrë konstruktive dhe urgjente dhe me mirëbesim.

Ne besojmë se zbatimi i Marrëveshjes së Përzhinës është rruga më e mirë për dalje nga kjo krizë politike.

Kërkuam nga kryeministrit Gruevski që të autorizojë  ekipin që të finalizoj marrëveshjen për  çështjet e pazgjidhura të Marrëveshjes së Përzhinës dhe të zbatojë  shpejt të gjitha  reformat e domosdoshme, për të siguruar  terren të barabartë për për zgjedhjet dhe njohjen e tyre kombëtare e ndërkombëtare, si të besueshme por edhe për mbajtjen e përgjegjësisë për parregullsitë eventuale.

Lidhur me këtë të fundit, presim që Prokurores Speciale  të zgjedhur në mënyrë unanime në Parlament, t`i jepen të gjitha resurset e kërkuara dhe që asaj t`i mundësohet të fillojë të ushtrojë këtë punë të rëndësishme.

I bëjmë thirrje LSDM-së që nga ana e saj, të vazhdojë t`i plotësojë detyrimet e veta që dalin nga Marrëveshja politike, përfshirë këtu edhe detyrimin që të mos publikojë më material të përgjuara.

Marrëveshja e Përzhinës kërkon nga partitë që të vënë në vend të parë interesin e shtetit dhe të konfirmojnë përkushtimin e tyre ndaj procesit të integrimit euroatlantik dhe parimeve demokratike .

Të gjitha palët të veprojnë me qëllim të mirë, të ripëtërinë përkushtimin ndaj marrëveshjes, të veprojnë konformë masave të dakorduara, me urgjencë absolute, ashtu siç e kërkon situata.

Mossuksesi që kjo të bëhet do të ketë ndikim në vlerësimin e KE-së. Qeveritë dhe veçmas krerët e tyre, kanë përgjegjësi speciale gjatë krizave politike. Nëse veprojnë menjëherë dhe përmes veprimeve të veta dëshmojnë qartë se janë në këtë rrugë, atëherë edhe bashkësia ndërkombëtare është e përgatitur ta mbështesë këtë përpjekje. /Tv Art/

 

 

read more
VendiVideo

GOSTIVAR: THJESHTËSOHEN PROCEDURAT BUROKRATIKE

no thumb

Përmes nënshkrimit të memorandumit për bashkëpunim mes UNDP-së dhe UNCTAD-it, si dhe me mbështetje të Agjencisë Zvicerane për Zhvillim, Komuna e Gostivarit fillon implementimin e sistemit të “eRegulations” një  mekanizëm ky mjaft i rëndësishëm në menaxhimin elektronik që mundëson sigurimin e shpejt, të qartë dhe transparent të informacioneve për procedura të  ndryshme administrative të cilave iu nënshtrohen qytetarët.

Bita Mortazavi nga “UNCTAD” (Organizata e Kombeve të Bashkuara për Tregti dhe Zhvillim) thotë se me realizimin e këtij projekti, Komuna e Gostivarit e përfshinë Maqedoninë në hartën e Kombeve të Bashkuara për shtete dhe komuna transparente.

“Erregulation apo Qeverisja elektronike – është një projekt që është realizuar deri më tani në 28 shtete të Botës. Projekti është dizajnuar në atë mënyrë që t’ua lehtësoj jetën si bizneseve ashtu edhe qytetarëve. Duke ju falenderuar Komunës së Gostivarit Maqedonia do të jetë një nga ato shtete të cilat do të njihen nga Kombet e Bashkuara si shtete transparente.” – shprehet Bita Mortazavi përfaqësuese e  “UNCTAD”.

Përfaqësuesja e UNDP-së, Louisa Vinton përgëzoi drejtuesit e Komunës së Gostivarit për realizimin e projektit, duke shtuar se: “UNDP-ja edhe në të kaluarën ka realizuar shumë projekte me Komunën e Gostivarit që kanë shkuar në dobi të qytetarëve.

“Për UNDP-në është një nderi i posaçëm nga fakti se me këtë projekt rindërton marrëdhëniet e shkëlqyera që kemi pasur me Komunën e Gostivarit  ndër vite. Në të kaluarën fokusi ka qenë rritje e kapaciteteve, lufta ndaj kapaciteteve dhe tema të ngjajshme. Komuna e Gostivarit çdo herë ka qenë e përgatitur për të krijuar gjëra të reja dhe inovative që çdo herë shkojnë në interes të qytetarëve.” – Louisa Vinton – Përfaqësuesja e UNDP-së.

Projekti për qeverisje elektronike paralajmërohet se do të vëhet në përdorim në gjysmën e parë të vitit 2016./Xh. I./

read more
VendiVideo

IZAIRI: DO T`I BËJMË “ZAP” DEPONITË E “EGRA”!?

no thumb

 

Së shpejti do të zgjidhet kompania e jashtme që do të hartojë planin për menaxhimin me mbeturina për katër rajonet e Republikës, projekt ky që do të financohet me IPA Fonde të BE. Në këtë projekt përfshihet edhe rajoni i Shkupit. Ky projekt do të fillojë në fund të vitit dhe do të zgjasë 18 muaj.

Problemi është i kamotshëm, thotë kryetari i Komunës së Haraçinës Brahim Ajvazi, por gjendja është bërë e padurueshme, pasi që deponia e egër ndodhet shumë afër varrezave të dëshmorëve dhe varrezave të fshatit.

Gjithashtu në lagjet e Hasanbegut dhe Haraçinës janë zhvilluar punët ndërtimore të rrjetit sekondar të kanalizimit të ujërave të zeza. Projekti është financuar përmes Programit për investim në mjedisin jetësor të Ministrisë së Mjedisit Jetësor dhe Planifikimit Hapësinor për vitin 2015. Në përputhje me marrëveshjen, gjatësia e rrjetit sekondar të kanalizimit është rreth 500 m, ndërsa punët ndërtimore janë në përfundim e sipër. Për realizimin e kësaj pjese të projektit Ministria financoi 2 milionë denarë. /Tv Art/

 

read more
VendiVideo

KUVEND: LSDM DHE VMRO-DPMNE ZIHEN PËR DSK-në

no thumb

Pas vizitës së djeshme nga Komisioni Parlamentar për Mbikëqyrje të Drejtorisë për Siguri dhe Kundërzbulim , sot kryetari i Komisionit Parlamnetar që vjen nga radhët e opozitës dhe deputeti nga pozita shkëmbyen akuza e kundër akuza rreth asaj se a kanë marrë përgjijget e duhura në Drejtorinë për Siguri dhe Kundërzbulim.

Kryetari i komisionit parlamentar për mbikëqyrjen e punës së Drejtorisë për siguri dhe kundërzbulim Hari Lokvenec sot tha se nuk kan marrë përgjigjen për shumë pytje konkrete.

I menjëhershëm ka qenë edhe reagimi i partisë në pushtet VMRO DPMN-së  me anë të deputetit Pavle Sazdov ku sipas tij kryeatri i komisionit Hari Lokvenec po gënjen, sepse sipas Sazdovit i kanë marrë të gjitha informatat të cilat i kanë kërkuar nga drejtoria për Siguri dhe Kundërzbulim.

Sipas propozimit të grupit të punës rerformat në drejtorinë për Siguri dhe Kundërzbulim duhet të bëhen me mbrojtje të dyfishtë kundër abuzimeve. /H. A./

Pas vizitës së djeshme nga Komisioni Parlamentar për Mbikëqyrje të Drejtorisë për Siguri dhe Kundërzbulim , sot kryetari i Komisionit Parlamnetar që vjen nga radhët e opozitës dhe deputeti nga pozita shkëmbyen akuza e kundër akuza rreth asaj se a kanë marrë përgjijget e duhura në Drejtorinë për Siguri dhe Kundërzbulim.

Kryetari i komisionit parlamentar për mbikëqyrjen e punës së Drejtorisë për siguri dhe kundërzbulim Hari Lokvenec sot tha se nuk kan marrë përgjigjen për shumë pytje konkrete.

I menjëhershëm ka qenë edhe reagimi i partisë në pushtet VMRO DPMN-së  me anë të deputetit Pavle Sazdov ku sipas tij kryeatri i komisionit Hari Lokvenec po gënjen, sepse sipas Sazdovit i kanë marrë të gjitha informatat të cilat i kanë kërkuar nga drejtoria për Siguri dhe Kundërzbulim.

Sipas propozimit të grupit të punës rerformat në drejtorinë për Siguri dhe Kundërzbulim duhet të bëhen me mbrojtje të dyfishtë kundër abuzimeve. /H. A./

read more
VendiVideo

 ANALISTËT: THELLOHET KRIZA – NËSE DËSHTON PËRZHINA!

no thumb

Orët në vijim do të vendosin për atë se a do të vazhdojë ose jo dialogu për jetësim të marrëveshjes së Përzhinës. Analistët parashikojnë skenarë të ndryshëm. Dështimi i marrëveshjes mund ta kthejë mbrapa progresin e deritanishëm të Maqedonisë. I vë në pikëpyetje edhe bisedimet me Bashkimin Evropian.

Assesi nuk po arrihet epilog për marrëveshjen e Përzhinës. Partitë politike në vend nuk kanë ardhë deri në kompromis rreth pikave të kësaj marrëveshje. Komuniteti ndërkombëtar vazhdon të lehtësojë bisedimet duke u munduar të gjejë rrugëdalje për krizën e krijuar në vend.

Dështimin e mundshëm të marrëveshjes, ekspertët e ndërlidhin me vënien në vend të parë të interesave partiake nga ana e subjekteve politike. Sipas njohësit të çështjeve politike Jove Kekenovski, Maqedonia mund të pësojë keq nga dështimi i marrëveshjes së Përzhinës.

Është 12 e pesë, unë nuk do të thoja se është 12 pa pesë!. Atë që përmendet ju më parë,karrota dhe shkopi. Shkopi tani në mënyrë plotësuese, jo që do të duhet, por patjetër duhet të bjerë mbi politikanët tanë, mbi shpinën e politikanëve, që ata të vetëdijësohen dhe të thonë se do ta realizojnë Marrëveshjen e Përzhinës. Në të kundërtën, nëse Marrëveshja shpallet e vdekur, kjo do të thotë një tragjedi e madhe për të gjithë qytetarët e Maqedonisë.” shprehet Jove Kekenovski – Profesor Universitar.

Eksperti politik Albert Musliu, sqaron se çdo përparim, por edhe ngecje e ndërtimit të marrëdhënieve të mira të Maqedonisë, kalon përmes epilogut të marrëveshjes së Përzhinës.

Sipas Musliut, asnjë marrëveshje e radhës nuk do të zhbënte goditjen që do ta shkaktojë një dështim i mundshëm i politikëbërjes, në këto momente të fundit për dalje nga kriza politike.

“Një është që ne nuk do të marrim rekomandim ose rekomandimi do të lidhet me marrëveshjen e Përzhinës dhe ai bie në ujë atëherë bashkë me të edhe rekomandimi. Dhe e dyta do të jetë pjesa e paqartë, errësira në të cilën hyet, se si do të dilet prej krizës politike. Mosimplementimi ose anulimi i marrëveshjes së Përzhinës nënkupton kthimin në pozitat para marrëveshjes së Përzhinës. Ne kemi paralajmërim këtë herë, gozha serioz se opozita do t’i kthehet mënyrës së vjetër të luftimit të partisë në pushtet a partia në pushtet ka paralajmëruar edhe moduse ligjore për të pamundësuar opozitën që të sillet në atë mënyrë. Jamë i bindur se nuk do të shkohet me atë varijantë që nënkupton shumë pikëpyetje për të gjitha palët.” – deklaron eksperti politik, Albert Musliu.

Dita e sotme është caktuar si afat për rifillim të bisedimeve të grupeve të punës që do të  zhbllokonte procesin për zgjidhje të krizën politike. Nesër Maqedonia duhet të merr notë për sa i përket fillimit të bisedimeve me Bashkimin Evropian në kuadër të Dialogut të Nivelit të Lartë për Aderim në Bashkimin Evropian (HLAD)./K. S./

 

 

read more
VendiVideo

TETOVË-GOSTIVAR: PUNIME NË AUTOSTRADËN ‘NËNË TEREZA’

no thumb

Gropat në autostradën Tetovë- Gostivar, kanë paraqitur një problematikë të kahmotshme për vozitësit, që e kanë frekuentuar këtë autostradë.

Shpejtësia me të cilën vozitet, ka bërë që vozitësit mos t’i vërejnë gropat, me ç’rast  janë shkaktuar aksidente apo edhe dëmtime të veturave si dhe dalje të papritur të kafshëve në këtë autostradë.

Përgjegjësi i ndërmarrjes ”Makedonia Pat” i Seksionit të Gostivarit thotë se punimet do të zgjasin disa ditë.

 “Sot kemi filluar me mbushjen e gropave, në autostradën Tetovë- Gostivar dhe anasjelltas. Gropat e thella do të mbushen plotësisht që të mos ketë problem, në komunikacion Seksioni i Tetovës dhe ai i Gostivarit punojnë në mbushjen e gropave të thella në autostradë. Shpresojm që këtë punë ta kryejmë sa më shpejt në mënyrë që komunikacioni të zhvillohet në të dyja drejtimet . Ne do të përpiqemi që sa më shpejt t’i kryejm punimet, por me siguri do të zgjas disa ditë.” –shprehet Vasko Topuzovski, Udhëheqës i NP-së, “Makedonia Pat”- Gostivar. /L. P./

read more
1 764 765 766 767 768 815
Page 766 of 815