close

Vendi

Vendi

Aleksov: Kriza greke, nuk e dëmton Maqedoninë?!!

Aleksov

Nëse Greqia vendos të dalë nga Eurozona, kjo do të ketë ndikim në këmbimin e ndërsjellë tregtar të Maqedonisë me fqinjin jugor, por ky ndikim, jo detyrimisht do të jetë negativ. Kështu vlerëson në një intervistë për Radion Evropa e lirë, Mitko Aleksov, Drejtor ekzekutiv i Lidhjes së Odave ekonomike të Maqedonisë.

Në Greqi sot zhvillohet referendumi lidhur me kushtet e kreditorëve ndërkombëtarë ndaj Greqisë për mënyrën e pagesës së borxhit. Edhe pse në Greqi janë të mundshëm disa skenarë, sipas ekspertëve ekonomikë, ato skenare, të cilës do natyrë qofshin, nuk do të kenë ndikim gjithaq negativ, për ekonominë e Maqedonisë. Këtë vlerësim e ndanë edhe drejtori ekzekutiv i Odave ekonomike të Maqedonisë, Mitko Aleksov, i cili në intervistën e fundjavës për Radion Evropa e Lirë, thotë se Greqia vite me rradhë është në mesin e pesë shteteve kryesore më të cilët Maqedonia, zhvillon këmbim të jashtëm tregtar. Një prej skenareve është edhe dalja nga eurozna dhe ndrimi i valutës në Greqi, që nuk do jetë e gjitha negative për ekonominë e Maqedonisë.

Në rast të një ndryshimi të këtillë, është e pritshme që valuta nacionale të ketë devalvim prej 45 deri më 85%. Poashtu pritet që BPV e Greqisë të ketë rënie prej 10%. Për kompanitë e Maqedonisëm në rast të këtillë duhet të kihet parasyshë se në rast të devalvimit, do të ketë lirim të eksportit grek. Do të thotë, prodhimet greke, do të jenë më të lira gjatë plasmanit në treg, që do të thotë mundësi më e madhe për plasmanin e prodhimeve greke në Maqedoni, të cilat këtu do të ishin më të lira.

Sipas Aleksovit, në një situatë të këtillë edhe prodhimet e Maqedonisë, do të jenë më konkuruese me ata të Bashkimit Evropian, për plasman në tregun grek, me të cilin Maqedonia gjatë vitit të kaluar ka realizuar këmbim tregtar prej 894 milionë dollarësh, nga të cilat eksporti ka qenë vetëm 227 milionë dollarë.

Ndërkohë në rast se Greqia edhe më tej mbetet pjesë e eurozonës, rreziku i vetëm për kompanitë e Maqedonisë, do të jetë vonesa gjatë pagesës së shërbimeve nga ana e kompanive greke.

Për kompanitë tona, në të këtë rast, rrezik do të jetë vetëm prolongimi i disa pagesave ose kërkesave të tjera që i kanë nga kompanitë greke, pasi shohim se bankat janë të mbyllura dhe nuk funksionon sistemi bankar, kështu që kompanitë tona, mund të presin që të ketë prolongime të caktuara. Nuk them se nuk do të paguhen, por duhet të kihet parasyshë, ndërsa në punën e mëtutjeshme gjithsesi se kjo do të varet nga ndërmarrja dhe vendimi i tyre individual, se si do të bashkëpunojnë me partnerët nga Greqia.

Aleksov, nuk pret që kriza greke të ketë ndikim negativ as në investimet greke në vendin tonë, pasi siç thotë investimet kryesore nga pala greke janë bërë në vitet 2007, 2008, kështu që nëse vjen deri tek ndryshimi i valutës, kjo nuk do të jetë arsye për largimin e investotorëve grek nga vendi.

Në rast se vjen deri tek ndryshimi valutor, ne në Lidhjen e Odave ekonomike vlerësojmë se kjo nuk do të ishte arsye për largimin e investitorëve grek nga vendi, pra nuk presin të ndodhë diçka e tillë, pasi ne si ekonomi jemi konkurues në të gjitha aspektet, edhe nga aspekti i klimës së biznesit edhe nga aspekti i infrastrukturës edhe nga ai i forcës punëtore, kështu që varësisht nga zhvillimi i situatës në të ardhmen, mund të vijë edhe deri tek rritja ose në investime të reja nga ana e kompanive greke në Maqedoni.

Drejtori ekzekutiv i Lidhjes së Odave ekonomike të Maqedonisë, Mitko Aleksov, në intervistën për Radion Evropa e Lirë, vlerëson poashtu se kriza aktuale greke, nuk do të ketë ndonjë ndikim gjithaq të madh në sferën e turizimit në Maqedoni, për shkak të llojit të ndryshëm të turizimit, ndërsa sa i përket asaj se a duhet Maqedonia të marrë mësim nga rasti i Greqisë, ai thotë se Maqedonia është në një situatë mjaft më të favorshme në aspektin kreditues, pasi borxhi i përgjithshëm lëviz në mes 34 e 235 % nga BPV, që është nivel i pranueshëm dhe konsiderohet si vend që është i aftë për të kthyer kreditë.

 

 

 

read more
Vendi

Takimi i liderëve: Emri – është apo jo, pjesë e bisedimeve

liderska-sredba-620×360

Java e ardhshme pritet të jetë përcaktuese për gjetjen e një zgjidhje të qëndrueshme për krizën politike në Maqedoni. Kodi zdhedhor do ta përcaktojë kohën e dorëheqjes së kryeministrave në të ardhmen, në periuhdën parazgjedhore. Burrime nga partia shqiptare në pushtet,thonë se në fazën tjetër të bisedimeve, në rend dite do të jenë edhe çështja e emrit dhe çështjet e karakterit etnik.

Kjo është fundjava e fundit, para fillimit të zgjidhjes së Nyjes Gordiane, të quajtur skena politike në Maqedoni. Liderët e dy partive më të mëdha maqedonase, kryeministri Gruevski dhe kreu i opozitës Zaev, siç duket janë duke bërë përgatitjet e fundit, para takimit të ditës së hënë, kur pritet të zhvillohet takimi i liderëve, në të cilin do të ketë zgjidhje për ngërçin politik.

Burime nga partitë pjesëmarrëse në takimin e liderëve, kanë bërë të ditur se të hënën, pritet të arrihet përparim mjaft i madh në biseëdime, ndoshta edhe të arrihet një marrëveshje e precizuar për dalje nga kriza politike.

Kryeministri Nikolla Gruevski gjatë ditës së sotme deklaroi se ai pret që dalja nga kjo krizë të arrihet nëpërmjet ndonjë zgjidhje të pranueshme, respektivisht, nëpërmjet ndonjë kompromisi të pranueshëm. Sipas tij, tani për tani nga ana tjetër, duke aluduar me këtë rast në LSDM-në, nuk janë duke shkuar në drejtim të gjetjes së zgjidhjes, porse janë duke bërë gjithçka që të mos arrihet marrëveshje. Sipas Gruevskit, opozita , në këtë mënyrë, shpreson se do të vije deri tek rënia e ekonomisë dhe mundësisë që njerëzit të fillojnë të zhgënjehen nga VMRO-DPMNE dhe të votojnë për LSDM-në.

Megjithatë, se java e ardhshme është përcaktuese, mund të kuptohet edhe nga deklarata e djeshme e kryetarit të PDSH-së, i cili në mes tjerash përmendi edhe çështjen e emrit si pjesë të bisedimeve, për të cilën nga partia kryeministrit Gruesvki, mbrëmë thanëse nuk është e vërtëtë, e megjithatë burrime edhe nga partia shqiptare në pushtet, BDI, thonë se çështja e emrit, është pjesë e bisedimeve. ndërkohë që VMRO-DPMNE dhe LSDM, ditëve të fundit janë më të përmbajtura në deklarimet e tyre. Si do që të jetë, gati të gjithë jaqnë të një mendimi, se ardhja e diplomates amerikane Viktoria Nuland, mund të përshpejtojë gjetjen e zgjidhjes për krizën aktuel politike. Burime diplomatike, bëjnë të ditur, se tani më në tryezën e bisedimeve janë tajmingu i tërheqjes së kryeministrit Gruevski nga pozita e tij si dhe ndarja e pushtetit në ministritë për punë të brendshme, punë dhe politikë sociale, financa dhe bujqësi.

Bëhet e ditur se kompromisi kërkohet në mes katër posteve ministrore të cilat i kërkon opozita dhe katër supervizorëve me nënshkrime të krytëzuara që i ofron Gruevski. Sipas këtyre burrimeve, Gruevski do të duhej të tërhiqej nga posti i tij, katë muaj para zgjedhjebe, gjë që do të rregullohej me Kodin zgjedhor dhe do të vlejë për të gjitha qeveritë në të ardhmen.

Poashtu bëhet e ditur se pjesë e bisedimeve dhe marrëveshjes eventuale do të jenë edhe kërkesat e shqiptarëve, por edhe çështja e emrit. Nga BDI, bëhet e ditur se tani për tani çështja e emrit nuk është hapur në takimet e liderëve, por shtojnë se për zgjidhjen e kësaj çështje do të bisedohet në grupe punuese që duhet ti zbatojnë në vepër sipas marrëveshjes së 2 qershorit.

Ata thonë gjithashtu se në agjendën e grupit të punës të përbërë nga 4 partitë, i cili do të përpilojë në mënyrë më të detajuar marrëveshjen, në listën e negociatave janë inkorporuar edhe çështje të karakterit etnik.

Ndarja e 3 posteve më të rëndësishme shtetërore me rotacion,

Politikat gjuhësore, Ndarja fer dhe e drejtë e buxhetit, Zhvillimi i barabartë rajonal, Çështja e gjuhës, Përfaqësimi i drejtë dhe adekuat, Konsensualiteti, Pajtimi, Simbolet kombëtare, Marrëveshja e 29 majit, Kanal shtetëror  24 orësh në gjuhën shqipe, masa të mirëbesimit, dhe Resocializimi, janë vetëm disa nga pikat që do të bisedohen nga grupi i 4 shoqëruesve të liderëve, në negociatat e mëtejshme, bëhet e ditur nga BDI.

read more
Vendi

EMIGRANTËT:13 KËRKESA PËR AZIL

makedonija-migranti-reuters-main_1

Në Maqedoni, vazhdon trë rritet numri i emigranëtëve nga Lindja e mesme të cilët për t’i ikur konfliktit dhe për të gjetur një jetë më të mirë, mësyjnë vendet e Evropës, duke kaluar edhe nëpër Maqedoni.  Mirëpo, ka edhe të tillë, që dëshirojnë të mbeten këtu. Kështu,përpos 7 mijë emigranëtëve që kanë kërkuar lejeqëndrimi, 13 të tjerë kanë kërkuar Azil në vendin tonë. Policia ka bërë të ditur se dy pjesëtarë të saj, janë munduar të mashtrojnë emigrantët.

Mbi 1000 emigrant ilegal për një natë janë futur në Maqedoni, ndërsa nga dita në ditë po rritet presioni në kufirin jugor. Masa e refugjatëve nga Lindja e Mesme dhe nga Afrika është gjithnjë në rritje.

Policia greke nuk ka sigurim adekuat të kufirit jugor dhe mbi këtë bazë ndërtohet arsyetimi i policisë maqedonase për përforcimet në kufi.

 

Përgjithësisht, emigrantët ilegal Maqedoninë e shfrytëzojnë si një vend transit, por dje janë dorëzuar edhe kërkesat e para për azil.

Që nga miratimi I Ligjit për azil 13 emigrantë kanë kërkuar azil,kurse janë dhënë mbi 7 mijë vërtetime për qëndrim të përkohshëm.Gati 5 mijë janë sirianë,rreth 500 janë nga Afganistani,Iraku dhe Somalia kurse më pak nga Palestina.Shumica prej tyre janë të vendosur në qendrën për strehim në Gazibabë ku këtyre ditëve gjatë Ramazanit nga OJQ dhe vullnetarë organizohen iftare për ta dhe ndihma të tjera derisa qëndrojnë në Maqedoni.

Ndërkohë në Gjevgjeli janë zbuluar dy punonjës të policisë të cilët kanë tentuar që ti mashtrojnë emigrantët me qëllim të përfitimit.Policët kanë qenë mirë të organizuar duke ua siguruar dokumentet e nevojshme për parashtrimin e kërkesave për azil kurse nga emigrantët kanë kërkuar 450 euro.Janë kapur nga kolegë të tyre gjatë dhënies së dokumenteve.Policët e infiltruar në mashtrim gjenden në paraburgim kurse sirianët e mashtruar pasi janë marrë në pyetje nga prokurori janë vendosur në Qendrën për të huaj në Shkup.

read more
Vendi

PISHINAT, ZGJIDHJE PËR VAPËN

508

Ndryshe nga ata që kanë preferuar të zgjedhin detin apo liqenin për të kaluar një fundjavë të bukur, shumë tetovarë sot i gjetem nëpër pishinat e këtushme. Pronarët e pishinave thonë se kanë punuar gjatë për pastrimin dhe klorifikimin e ujit për të siguruar qytetarët se pushimet nuk duhet të kthehen në frikë ndaj infeksionëve.

“Kemi mjaftë vizitues gjatë sezonës verore, ashtu që u ofrojmë vizituesve vend për sport, rekracion, relaks, gjatë sezonës verore organizojm gara për kërcim, një sport me qëllime argëtuese. Në “Aqua Park” uji filtrohet, klorohet, kemi  bërë analiza te ujit disa herë, ashtu që i plotësojm standardet evropiane të një pishine, si me ato evropiane” – pronari i pishinës, Zeqir Idrizi.

Për pishinat qytetarët thonë se i bejnë të ndjehen si në shtëpitë e tyre dhe më së shumti i frekuentojnë gjatë fundjavëve, me shoqërinë dhe familjarë.

 “Nga Gostivari unë çdo të diel vij këtu, uji është me të vërtet i pastër, prandaj unë kënaqem këtu pa hezitim nga papastërtit, ndërkaq mua çdo herë do të më gjeni këtu, me fëmijët, me babin me vëllezërit, jam i kënaqur se ka shumë njerëz, ndaj mua do të më gjeni një her në muaj, jo shumë shpesh” – një qytetar.

Me rritjen e temperaturave valët e të nxehtit mund të kenë efekte të shumta në trupin tonë, përtej djegies së lëkurës dhe komplikimeve të tjera. Këto janë paralajmërimet kryesore për të ruajtur shëndetin tonë theksojnë mjekët:

 “Për ditët e nxehta me ditët me diel, kur fillon sezoni i diellit, rekomandimi është shmangia nga dielli  dhe te femijët e grupmoshave 0-6 vjeç është shmangia nga orët e mesditës kur është dielli më i fortë dhe vetit, efektet janë të shumta” – thotë fatmir Rushani.

Mjekët, poashtu tërheqin vërejtjen se si pushuesit ashtu edhe pronarët e pishinave duhet të shfaqin kujdes, në radhë të parë për cilësin e ujit. Natyrisht, kjo nuk do të thotë se edhe prindërit nuk duhet të jenë të vëmendshëm për fëmijët e tyre.

read more
VendiVideo

BISEDIMET: NË FILLIMJAVË dita – D!

400

Asgjë nga takimi i radhës, i përfolur për sot, i katërshes partiake, nga e cila pritet që t’i jepet fund krizës politike. Kanë qenë krerët e BDI-së dhe PDSH-së, Ali Ahmeti e Menduh Thaçi, ata të cilët  bënë të ditur se në fillim-javë do të ketë raund të ri bisedimesh ku pritet të vëhet pika mbi I-në. Në fakt, duket se Gruevski e Zaev, nuk ia kanë dalur të gjejnë  gjuhë të përbashkët për  modalitetin e marrëveshjes dypalëshe nga e cila, si dy kryeprotagonistë, që të dy  nuk do të dilnin humbës, por as edhe fitues!

Nga burime të besueshme mësohet se bisedimet VMRO-LSDM deri mbrëmë, saktësisht para pritjes në ambasadën amerikane për nder të Ditës së Pavarësisë, kanë mund të finalizohen, por si duket mollë sherri janë bërë pazaret për ndarjen e asaj që do të mund ta quajmë kulaç qeveririsës – jo aq sa u përket dikastereve ministrore sa të ashtuquajturave eshalone të tjera, të rëndësishme si nga aspekti politik, material apo edhe i sigurisë. Shpresohet se deri të hënën, ndërmjetësit apo lehtësuesit – Orav e Bejli – ambasadori i Bashkimit Evropian dhe ai i Shteteve të Bashkuara, do t’ia dalin të  përfundojnë  atë që anglezët e quajnë dill.

Nga të trija taborret – ai ndërkombëtar – maqedonas dhe shqiptar – vijnë pohime për optimizëm: kreu i PDSH-së madje tha se në tavolinë është edhe çështja e emrit. Mirëpo, në rast të dështimit – duket se bisedimet mund të marrin teposhtëzën, sepse gati-gati të gjithë të implikuarit, përveç dyshes rivale Gruevski-Zaev, përfundimisht do ta kuptonin se thirrjet për  veprime të përgjegjshme e për tejkalim të interesave të ngushta individuale a partiake, hasin në vesh të shurdhër dhe i ngjajnë asaj të moçmes – u mbars mali e polli një mi. Prandaj themi se fillimjavën e ardhshme ,  duhet të presim ditën D- për të mirë apo për të keq. Krejt njësoj!

read more
VendiVideo

ELIOT ENGEL:KRIZA ZGJIDHET SË SHPEJTI?!

403

Kongresisti amerikan, Eliot Engël ka qëndruar sot në Shkup me çfrast është pritur nga personalitete të larta të vendit. Pas takimit me kryeministrin Gruevski, ai tha se është optimist sa i përket zgjidhjes së krizës politike shumëmujore. Ndërkaq, zhvillimet e fundit kanë qenë në qendër të vëmendjes edhe të bisedimeve me kryetarët e dy partive kryesore shqiptare dhe atë të opozitës socialdemokrate maqedonase.

 

“Kryetari Ahmeti foli për krizën politike aktuale në vend dhe tha që liderët duhet ta tejkalojnë vetën dhe të mendojnë për shtetin. Reformat që nevojiten për ta bërë shtetin më të fuqishëm dhe institucionet më me integritet dhe më të besueshme tashmë janë pranuar nga të gjitha palët dhe duhet të zbatohet me konsensus shoqëror. Pjesë e agjendës së dakorduar midis liderëve gjithashtu janë edhe marrëdhëniet ndëretnike, marrëveshja e Ohrit, marrëdhëniet me fqinjët dhe integrimi EuroAtlantik. Ndërsa kjo situatë që ka mbetur ako ma pa zgjidhur në lidhje me ndarjen e pushtetit midis dy partive politike maqedonase duhet të tejkalohet nga dy liderët maqedonas sa më shpejtë në interes të vendit dhe të qytetarëve”, thuhet në një njoftim të BDI-së.

Kongresisti amerikan Eliot Engel është takuar edhe me Kryetarin e PDSH-së,Menduh Thacin.Gjatë këtij takimi u diskutua për situatën politike në vend, marrëdhëniet ndëretnike, si dhe aspekte të alternativës – programit për daljen nga kriza politike e socio-ekonomike dhe për të përshpejtuar procesin e integrimit euro-atlantik.

Kryetari Thaçi në takim shpalosi ofertën e PDSH-së dhe vlerësoi se zbatimi dhe realizimi i reformave të vendosura nga Komisioni Evropian, përfshirë këtu edhe marrëdhëniet ndëretnike, si dhe zgjidhja e tyre konform Marrëveshjes së Re politike që e ofron PDSH-ja, janë rruga e vetme për të dalë nga kriza dhe për të siguruar një perspektivë më të mirë.

Kryetari Thaçi më tej theksoi rëndësinë e integrimit të vendit në NATO dhe Bashkimin Evropian, që nënkupton edhe gjetjen sa më të shpejtë të zgjidhjes për çështjen e emrit me Greqinë, andaj është tepër e nevojshme që të kyçen edhe faktorë të tretë, shumë më të fuqishëm, të cilët do të kontribuonin deri sa të arrihet zgjidhje e këtij problem – thuhet mes tjerash në një komunikatë të PDSH-së.

SHBA gjithmonë kanë qenë miq të mirë të këtij shteti dhe do të vazhdojmë me përkrahjen tonë – ka deklaruar kongresisti amerikan Eliot Engle pas takimit me Kryeministrin Nikolla Gruevski.Engel deklaroi se Maqedonia mund të bëhet shembull për bashkëjetesë në një shoqëri multietnike.Ai gjithashtu deklaroi se është optimist se kriza politike në vend së shpejti do të zgjidhet.

“Unë gjithmonë jam optimist dhe zakonisht  jep rezultate.Nuk kam ndonjë këshillë për Kryeministrin ose për këdo tjetër,por shpresoj se kjo krizë do të zgjidhet sa më shpejt,sepse sa më shumë të zgjatet do të jetë vështirë ballafaqimi me problemet e vërteta.Për këtë shkak shpresoj se kjo do të bëhet sa më shpejt”-ka thënë Eliot Engel.

Kongresisti amerikan Eliot Engel realizoi edhe një takim me pronarin e Kompanisë “Ecolog” z.Lazim Destani.Marrëdhaniet shqiptaro-amerikane dhe zhvillimi ekonomik rajonal kanë qenë temë e bisedimeve.

Kongresisti amerikan Eliot Engel gjatë pasditës është takuar edhe liderin e opozitës maqedonase Zoran Zaev.

read more
VendiVideo

USHT:SHËNOHET DITA E PAVARËSISË SË AMERIKËS

405

Me rastin e 4 Korrikut, Ditës së Pavarësisë së Shteteve të Bashkuara të Amerikës, sot, në Universitetin Shtetëror të Tetovës u organizuan një sërë aktivitetesh.

Shqiptarët asnjëherë nuk kanë pasur miq dhe përkrahës më të mirë se Shtetet e Bashkuara të Amerikës!

Me këto fjalë në Universitetin e Tetovës u shënua katër korriku, dita e Pavarësisë së Shteteve të Bashkuara

“Veteranët shqiptarë e kanë kuptuar herët se pa mbështetjen e një shteti mik si SHBA-ja, shqiptarët nuk e kanë të sigurt as të tashmen as të ardhmen. Ata ndërtuan dhe ndërtojnë me shumë mund miqësinë me aleatët tanë, pa kursyer asgjë të vetme”.- Dekani i Fakultetit Filologjik të USHT-së, Doc. dr. Fatmir Sulejmani.

Këto komente Sulejmani i bëri në tribunën shkencore  “Diplomacia Amerikane, mbështetje e çështjes shqiptare”, organizuar për nder të  239 vjetorit të Pavarësisë së Shteteve të Bashkuara.

Po për këtë rast në Fakultetin e  Arteve  të këtij universiteti  u çelë edhe një ekspozitë tematike me vepra të pedagogëve të këtushëm të artit.

“Sot, jemi këtu për të ekspozuar disa piktura të punuara nga profesorët e Fakultetit të Arteve të USHT-së. Me këtë ekspozitë edhe fakulteti ynë u bashkëngjitet aktiviteteve festive që organizohen për nder të 4 Korrikut, Ditës së Pavarësisë së SHBA-ve”, tha Prof. dr. Miftar Memeti Dekan i Fakultetit të Arteve

Katër korriku është ndër festat më rëndësishme për Shtetet e Bashkuara, në këtë ditë  amerikanët shënojnë Pavarësinë nga Britania, pikërisht në këtë ditë të vitit  të largët ,1776.

read more
Vendi

TETOVË: UJI I PIJSHËM GJITHNJË E MË I SIGURT!

511

Zëvendëskryeministri Musa Xhaferri, Ministri i Mjedisit dhe Palnifikimit Hapësinor, Nurhan Izairi,  dhe kryetarja e komunës së Tetovës, Teuta Arifi, kanë vizituar sot lokalitetin ku po zhvillohet faza e dytë e ndërtimit të sistemit të ri të ujësjellësit në Tetovë.Ky sistem kap një gjatësi prej rreth 9 km nga burimi i ujit në Leshnicë e deri në pikën e grrumbullimit te uji i ftohtë.

Projekti i shumëdebatueshëm për sigurimin e ujit të pijshëm për tetovarët duket se po bëhet gjithnjë e më i prekshëm. Zëvendëskryeministri Musa Xhaferi tha se me këtë po vëndohen në jetë zotimet parazgjedhore:

 “Këtu jemi për të pa në vend punimet, praktikisht te ujësjellësit, shtrimit të gypave, hapjes drejt te burimi për furnizimin rritjen e kapacitetit për Komunen e Tetovës dhe për te dëshmuar në praktik se projektet që kemi premtuar vazhdojmë ti realizojmë.” – Zv/Kryeministëri, Musa Xhaferi.

Ndërkaq, Ministri Nurhan Izari bëri të ditur se deri në  fund të vitit tetovarët do ta heqin përfundimisht  nga rendi i ditës problemin e ujit të pijshëm

Deri më tani është diku afër 50 % e punës e realizuar, praktikisht diku 4.5 kilometër e punës së realizuar. Pritet deri në fund të përfundimit të projektit edhe 4 kilometra, praktikisht kjo punë pritet të përfundojë sipas asaj që është thënë dhe duke parë intensitetin e punës diku nga fillimi i muajt shtator” –Ministëri i Mjedisit dhe Planifikimit Hapësinor, Nurhan Izairi.

E pranishme në këtë inspektim të zbatimit të punimeve për ujësjellësin e ri, kryetarja e Komunës së Tetovës Teuta Arifi  dha më shumë hollësi për atë që është bërë e që pritet të bëhet:

 “Ajo që për ne është shumë e rëndësishme dhe shumë optimist është  fakti që e njejta planifikohet të bëhet edhe brenda këtij viti ashtu që ngjarja tani më dekatëshe e sasisë së ujit në qytetin e Tetovës të jetë një çështje e mbyllur dhe me këtë rast dëshiroj ti falenderohem ministrit së ambientit dhe përkrahjes që kemi pas nga qeveria  për të përmbushur këtë projekt, pasi Komuna e Tetoves atë buxhet prej dy miljon euro nuk e posedonte për të arritur ta realizonte këtë projekt” – Kryetarja e Komunës së Tetovës, Teuta Arifi.

Projekti i ujit të pijshëm në Tetovë kap shumën prej  rreth dy milionë eurosh, mjete këto të siguruara kryesisht nga buxheti shtetëror.

 

 

read more
SportVendi

KUPA E UEFA-së:SHKËNDIJA BARAZON ME ABERDEEN

_84020543_kirovski

Në ndeshjen e parë të raundit kualifikues të Kupës së UEFA-së,në Shkup,Shkëndija e Tetovës luajti me shifra të barabarta 1 m 1 me skuadrën skoceze Aberdin.Të parët në avantazh kaluan mysafirët në minutën e 79 nëpërmjet sulmuesit MekGin,kurse vetëm pesë minuta më vonë për Shkëndinë barazoi Hristijan Kirovski,I cili sapo inkuadrohet në fushë.

read more
RajoniVendi

VLORË: NËNSHKRUHEN MARRËVESHJE PËR ARSIMIN

vlore nenshkrimi i marr

Maqedonia, Shqipëria dhe Kosova kanë firmosur marrëveshje bashkëpunimi në lëmin e arsimit. Ceremonia e nënshkrimit u bë në prani të kryeministrit shqiptar Edi Rama dhe në kuadër të takimit ministror në Vlorë. Në këtë takim morën pjesë ministrat e Arsimit të vendeve të rajonit.

 

Sipas ministrit Ademi, marrëveshja e sapo nënshkruar  pritet të thellojë bashkëpunimin mes Shkupit, Prishtinës e Tiranës në fusha të ndryshme të arsimit, përfshirë këtu dhe pjesëmarrjen në projekte të përbashkëta, si dhe shkëmbim të përvojave me qëllim të vendosjes së standardeve  dhe cilësive sa më të larta në procedin e edukimit dhe të shkollimit.

 

“Është shumë e rëndësishme nënshkrimi i Marrëveshjes më Republikën e Kosovës në sferën e arsimit për faktin se është e para e këtij lloji edhe hap mundësin e bashkëpunimit në të ardhmen. Gjithashtu është e rëndësishme se kjo marrëveshje nënshkruhet në kuadër të takimit ministror të vendeve të rajonit ku ne si dy shtete dëshmojmë interesimin dhe vullnetin për bashkëpunim. Marrëveshja përmban konkretisht bashkëpunimin në sferën e arsimit dhe shkencës, duke filluar nga këmbimi i përvojave të të dy vendeve, thellimin e bashkëpunimit në këmbimin e literaturës, por edhe mundësin e aplikimit të përbashkët të institucioneve të vendeve tona  në shfrytëzimin e projekteve evropiane që janë të rëndësishme për zhvillimin e arsimit dhe hulumtimeve shkencore”, tha me tjerash ministri Ademi pas nënshkrimit më ministrin kosovar të arsimit.

“Marrëveshja që u nënshkrua sot me Republikën e Shqipërisë është e një rëndësi tepër e veçante për qytetarët e Maqedonisë sepse thellon bashkëpunim me shtetin shqiptarë në të gjitha segmente e arsimit”, tha Ademi pas nënshkrimit të Marrëveshjes me ministren shqiptare Lindita Nikolla.

Ministrja Nikolla gjatë fjalës së saj në hapjen e kësaj konference nënvizoi rëndësinë e ndërthurjes, shkëmbimit të eksperiencave dhe bashkëpunimin e politikave arsimore midis 3 vendeve si një mënyrë mjaf e mirë që rrit cilësinë e arsimit.
Eksperiencat e vendeve tona duhet të ndërthuren në shkëmbimin e eksperiencave dhe bashkërendimin e politikave. Dua të vendos theksin në rëndësinë e kësaj konference në integrimin e vendit tonë në Bashkimin Europian. Reformimi vjen me integrimin e plotë të vendit tonë në BE. Dija nuk është biznes, por dija më e mirë sociale, ekonomike dhe kulturore. Për këtë arsye sot na kërkohet të jemi më të përgjegjshëm dhe më të përkushtuar” theksoi Nikolla.

 

Ndërkohë, ministri i Arsimit të Kosovës, Arsim Bajrami theksoi se me këtë marrëveshje do të intensifikohet bashkëpunimi në sferën e arsimit dhe Republikën e Maqedonisë. Për Kosovën tha ai, është në interes sepse së pari herë nënshkruan një marrëveshje të tillë me Republikën e Maqedonisë.

Ministri Bajrami, me këtë rast, theksoi se pas marrëveshjes që është nënshkruar me Republikën e Shqipërisë, është ky një tjetër moment shumë i rëndësishëm, pasi që për herë të parë po nënshkruhet një marrëveshje për bashkëpunim me Republikën e Maqedonisë për të intensifikuar bashkëpunimin në fokus të ndërtimit të standardeve të larta të cilësisë.

“Vendet tona janë në proces të reformimit të sistemit arsimor dhe padyshim që Kosova dhe Maqedonia janë dy shtete fqinje dhe që mund të bashkëpunojnë shumë në sferën e arsimit”, tha ministri Bajrami.

Marrëveshja është nënshkruar në kuadër të takimit të katërt  ministror:  “Platforma e Ballkanit Perëndimor për Arsim dhe Trajnim” që mbahet në qytetin e Vlorës së Republikës së Shqipërisë ndërsa organizohet nga Komisioni Evropian ku marrin pjesë ministrat e arsimit të vendeve të rajonit. Me këtë rast ministri Ademi është takuar edhe me drejtorin e përgjithshëm të Komisionit Evropian  për Arsim dhe Kulturë, Xaviet Prats Monne.

read more
1 764 765 766 767 768 769
Page 766 of 769