close

Vendi

Vendi

MASAT E SHUMTA PËR ZVOGËLIMIN E PAPUNËSISË

Makedonija-Vrabotuva-1

Qeveria e Maqedonisë, ka filluar aplikimin e masave të ndryshme për të zbutur papunësinë në vend. Në kuadër të kësaj, është edhe promovimi i aksionit “Maqedonia punëson”, që realizohet në kuadër të Agjensionit për punësim. Një aksion i këtillë me moton “Luftojmë për do vend pune”, u organizua në Tetovë, ku u prezantua projekti me anë të cilit do të mundësohen punësime më të mëdha. Këto lloj punësimesh do të përfshijnë pesë grupe të qytetarëve.

Në tre stenda do të organizohet dhënia e sqarimeve për punëdhënsëit dhe personave të interesuar në këtë drejtim. Kështu që tani mund të themis e veç më kemi të interesuar nga kategoritë të cilat punësohen, pra deri në moshën 29 vjeçare, të rinjë deri në moshën 35 vjeçare. Nga mosha 35 vjeçare deri në moshën 50, nga 50 deri në moshën  58 vjeçare , nga 58 deri në pensionim dhe grupet e lëndueshme të qytetarëve, të cilët në baza të ndryshme, janë të larguar nga puna”- drejtori i Entit për punësim, Tomisllav Trifunovski.

Gjithashtu, në kuadër të këtij projekti do të ju ndihmohet edhe kompanive, posaçërisht kur kanë dëshir të zgjerojnë biznesin e tyre.

Nga masat e këtilla  deri më tani kanë përfituar një numër i konsiderueshëm i të papunëve.

“Mund të themi se interesimi nga data 27 Prill 2015, kur edhe filloi të funksionoj ligji për plotësimin e Ligjit për sigurim në rast të papunësisë, kemi punësime në bazë të këtij ligji, kështu që vlen të përmendet se kemi punësime tek kategoritë e reja deri në moshën 29 vjeçare, por edhe tek ata deri në moshën 35 vjeçare. Këmi punësime edhe tek grupet karateristike të cilat nuk gjenden në tregun e punës, pra të grupeve, nga 50 deri në 58 vjeç dhe mbi 58 deri në pension, por edhe të grupeve të lëndueshme të qytetarëve” – shprehet T. Trifunovski

Sipas drejtuesve të agjencionit për punësim, nga lehtësimet e deritashme ligjore në rajonin e Tetovës muajve të fundit kanë përfituar rreth 150 të papunë, ndërkohë që deri në përfundim  të projektit të fundit, në mbarë territorin e vendit pritet të ketë rreth 20.000 punësime të reja.

read more
Vendi

DITA BOTËRORE KUNDËR DROGËS

Droget

Tregtia me droga si pjesë e krimit të organizuar ,vazhdon të jetë biznesi më fitimprurrës  në botë. Konsumimi i saj ndërkaq vazhdon të alarmojë  prindër dhe institucione. Megjithatë, në Maqedoni me gjithë dokumentet e shkruara e të miratuara fitohet përshtypja se shumëçka duhet bërë për parandalimin dhe luftimin e kësaj dukurie të hidhur e vrastare.Psikiatri Musli Ferati, thotë që ky është më tepër problem ekonomiko-social se sa mjekësor.

“Në rast se nuk merren masa, domethënë, serioze për mjekimin e tyre prognoza e këtyre pacientëve të cilët janë të varur prej drogës, është shumë e keqe. Këtu është në pyetje njëherë sëmundjet shumë të rezikshme siç janë : hepatitis ose verdhza, pastaj sëmundje të sidës” – Theksoi Dr. Ferati

Të dhënat statistikore flasin se në Maqedoni numri i përdoruesve të drogës i afrohet 11 mijëshit.
Në shkallë vendi është përcaktuar strategjia përkatëse, ekziston edhe komision shtetërorë për ta parandaluar e luftuar këtë. Për të gjitha familjet të cilat përjetojnë kësi lloj sfidash, kjo nuk është aspak e lehtë, por jo dhe e pamundur, sikundër shprehet psikiatri Musli Ferati.

“Dhe në këtë drejtim, duhet edhe qasja për parandalimin,  mjekimin dhe rehabilitimin e këtyre personave, të jetë pak më serioz, pak më kompleks, në të cilin duhet të kyçen edhe sektori shërbimi mjekësor, gjegjësisht psikiatrik, edhe shërbimet e tjera sociale, siç janë për shembull: Sigurimi social, përmisimi i gjendjes së përgjithshme ekonomike, pastaj arsimi, edukimi”- shtoi psikiatri.

“Sot drogat paraqesin një sfidë të rëndësishme për të gjithë shoqërinë dhe sidomos për të rinjtë. Mendohet se në botë 200 milion njerëz kanë provuar drogë së paku një herë në vit.Në mbarë botën,25 milion njerëz janë të varur nga droga, ndërsa 200 mijë prej tyre vuajn nga sëmundjet të cilët vijnë si pasojë e përdorimit të drogës”

read more
VendiVideo

POLLOG: PO I VJEN FUNDI PROBLEMIT TË UJIT TË PIJSHËM!

267

Komuna  e  Tetovës në bashkëpunim me kompaninë “Almadius”, financuar nga ambasada belge dhe  Qendra për zhvillim të rajonit planor të Pollogut, sot nënshkruan marrëveshjen për projektin e ujit të pijshëm me vlerë prej 300 mijë eurove. Llogaritet se me këtë projekt, ku janë angazhuar edhe ekspertë nga Universiteti i Shkupit, do të vëndojnë në përdorim një rrjetë prej 90 kilometrash.

Duket se më në fund banorët e rrafshit të Pollogut do të kenë ujë të pijshëm. Qendra për Zhvillim të Rajonit Planor të Pollogut dhe komunat që gravitojnë në këtë zonë, si dhe kompania belge, kanë firmosur marrëveshjen me të cilën pritet t’i jepet fund  sigurimit të ujit të pijshëm në komunat:  Zhelinë, Bërvenicë, Tetovë, Bogovinë dhe Vrapçisht. Projekti përfshinë studimin e rrjetit të ujsjellësve dhe rinovimin e gjithë infrastrukturës përkatëse.

Çështja e ujit të pijshëm dhe e sistemit të transportit të ujit të pijshëm  është një prej sfidave me të cilat ballafaqohen të gjitha këto komuna të cilat sot janë pjesë e projektit. Prandaj edhe përgatitja e dokumentacionit që nënkupton studimin, proceduarat e përgatitjes është  bazë që ne më tutje në të ardhmen të arrijmë të kërkojmë mjete  tjera  për realizimin e këtij projekti” – kryetarja e komunës Teuta Arifi

E pranishme në këtë eveniment, ambasadorja e Mbretërisë së Belgjikës, Anick van Calster, shprehu bindjen se projekti do të realizohet së shpejti:

 “Ky është  një rast për Belgjikën, veçmas për rajonin e Valonisë që të kontribojë për këtë mjedis që të jetë vendi më i mirë për të jetuar. Kompanitë tona kanë vendosur një strategji shumë të rëndësishme dhe është mirë që mund ta ndajmë me ju.” –  thotë Ambasadorja e Belgjikës në Maqedoni, Anick Van Caster.

Ambasadorja belge shprehu shpresën se do të vij së shpejti në Tetovë për te deklaruar, siç tha, realizimin final të këtij projekti. Marrëveshja për Zbatimin e projektit në fjalë, parashikon vendosjen ose ripërtëritjen e rrjetit në një gjatësi prej 90 km, me qëllim të furnizimit me uji të vendbanimëve nga Komuna e Vrapçishtit deri në Zhelinë.

read more
VendiVideo

ANALISTËT: MEDIAT NË MAQEDONI TË POLITIZUARA!

232

Liderët politik në Maqedoni, janë pajtuar që deri më 29 Qershor të merren vesh për Qeverinë Teknike ose më saktësisht sipas marrëveshjes, të organizohet një qeveri që përgatit zgjedhjet.
Për këtë qëllim këto ditë liderët do ti vazhdojnë bisedimet e filluara ku fundi i muajit, kushtimisht vlerësohet si afati i fundit deri kur liderët duhet të harmonizohen rreth marrëveshjes përfundimtare.
Profesorët Universitar Ylber Sela dhe Salajdin Salihu nuk janë edhe gjithaq optimist për arritjen e një marrëveshjeje.

“Mvaret shumë se sa janë të gatshëm liderët politik në Maqedoni, qoftë ato maqedonas apo ata shqiptar, se sa ato do të jenë të gatshëm me vullnet t’i plotësojnë këto kërkesa që vijnë nga faktori ndërkombëtar sepse situata ka dalë nga kontrolli. Do të thotë Maqedonia ndodhet në fazën shumë delikate të saj që nga pavarësia e saj e deri më sot, unë shpresoj dhe nuk mund të jap një datë të caktuar, sepse kjo mvaret nga vullneti i liderëve politik, qoftë pozitë apo opozitë.Unë shpresoj që viti 2015 do të jetë një vit shumë i vështirë jo vetëm për qytetarët, por edhe për politikanët dhe lidershipet këtu në Maqedoni” – thotë profesori, Ylber Sela.

“Me faktin që ka hyrë në binar të kësaj marrëveshje për tu gjet një zgjidhje, ka shpresa se mund të gjendet  një zgjidhje politike, megjithatë kam përshtypjen se kjo problematik do të zgjasë edhe shumë kohë dhe nuk përjashtohet fakti që momentin e fundit të devijojë gjithçka nga rruga për shkak se ne kemi një politikë dhe kemi politikanë të cilët nuk janë aq parimor sa deklarohen” – thotë profesori, Salajdin Salihu.

 

Sa i përket lirisë së mediave, vendi ynë shënon rënie në të gjitha indekset e Organizatave Prestigjioze. Kështu edhe në Raportin më të fundit të “Freedom House”, nga shtatë vendet e Ballkanit, katër prej tyre mes të cilave edhe Maqedonia, kanë shënuar rënie, kryesisht për shkak të situatës në mediat dhe gjyqësorin.

Ndërkaq, profesori Ylber Sela është i mendimit  se mediumet në Maqedoni janë shumë të politizuara, d.m.th janë zëdhënës të partive politike në Maqedoni dhe  vet raporti i progresit evropian që është një nga raportet më serioze të komisionit Evropian që e morën vitin e kaluar. Një nga kritikat më serioze ishte media e lirë dhe nga vetë incizimet që i ka sjellë afera e përgjimeve, po shihet qartë që mediumet kanë qenë në presione të ndryshme në Qendrat manipulative të politikave ditore dhe politikave partiake dhe kjo lë një shqetësim shumë të madh sepse qytetarët e Republikës së Maqedonisë nuk janë të informuar drejt dhe çka ndodh në Republikën e Maqedonisë, prandaj unë shpresoj dhe dua ta theksoj kështu, se në palën maqedonase kjo është më shumë e theksuar se sa në palën shqiptare”

I këtij mendimi është edhe profesori Salajdin Salihu i cili mendon se këto janë raporte shumë reale, për shkak se, veçmas këto 7-8 vitet e fundit, liria e medias ka qenë shumë e cenuar, nuk ka qenë vetëm e cenuar në aspektin e shprehjes së mendimit të lirë, por në këtë drejtim ka ndikuar edhe distribuimi i mjeteve të vetë shtetit për mediat e ndryshme që funksionojnë në Maqedoni. Pra janë favorizuar, janë privilegjuar pikërisht mediat të cilat kanë funksionuar si megafonë të qeverisë, dhe në anën tjetër janë anashkaluar thuajse totalisht mediat të cilat kanë pasur qëndrim kritik ose që e kanë ruajtur atë që ne e quajmë abc-ja e Gazetarisë –etikën mediale dhe profesionalizmin.

Në Raportin e publikuar vjetor të “Freedom House”, Maqedonia edhe mëtej mbetet në grupin e Qeverive kalimtare ose regjime hibride, duke shënuar rënie edhe në kategoritë “Procesi Zgjedhor dhe Shoqëria qytetare.

read more
VendiVideo

TETOVË: SË SHPEJTI PARKIMI ZONAL ME PAGESË!

no thumb

Kompetentët në komunën e Tetovës paralajmërojnë se së shpejti do të zbusin problemin e parkimit të veturave, duke e nisur realizimin e të ashtuquajturit,  “parkim zonal me pagesë”. Po të kihet parasysh se aktualisht në komunë janë të regjistruara mbi 40 mijë automjete, projekti në fjalë kryesisht, mirëpritet nga qytetarët, ndonëse  nuk janë të rrallë as ata të cilët thonë se pagesa ka për ta rënduar buxhetin e tyre familjar.

Siç duket çështjes së trafikut të dendur në Tetovë, po i vjen fundi: së shpejti pritet të  fillojë projekti “Parkim zonal me pagesë”. Kështu paralajmrojnë nga  sektori për komunikacion dhe tokë ndërtimore në Tetovë.

 “Faza përgatitore është në mbarimin e sipër, kur them faza përgatitore aty nënkuptohet sinjalizimi horizontal, pra vijat të cilat janë kry në zonat A dhe B, poashtu edhe sinjalizimi vertikal që nënkupton vendosjen e shenjave të komunikacionit dhe shenjave informative. Edhe ajo punë është duke u kryer sot, mbarojmë me vendosjen e tabelave informative  dhe shenjave të komunikacionit” – sektori për komunikacion në Tetovë, Hisen Demiri.

Për ta vënë në praktikë projektin e parkimit zonal do të organizohet trajnim dhjetë ditor për qytetarët, ndërsa pas regjistrimit të ndërmarrjes për parkimet, pritet të vihet në funksion edhe parkimi me pagesë.

“Nuk është në rregull asgjë këtu, nuk funksionon asgjë ktu” – një qytetar.

“Kjo është dasht të bahet më heret, pasi ki trafik që behet kta njerëz  që kalojn, kto trotuare vec ktu ndodh kjo” – një qytetar.

“Mendoj se është gjithcka në rregull  dhe duhet të jetë ashtu se për ndryshe as në kam nuk hecet” – një qytetar.

“Ku kan pare njerzit të pagujne” – një qytetar.

“Kjo është shumë e mirë për  qytetarët për gjith ata që kalojn, është një zgjidhje që mendoj se gjith pajtohen me këtë” – një qytetar.

“Nuk është në regull hic asgjë këtu” – një qytetar.

Autoritetet shpresojnë se do t’ia dalin që  inaugurimi i “parkimit zonal” të përkojë me ardhjen e mërgimtarëve. Kjo, gjithësesi se ka për të evituar rrëmujën e shumë vërejtur në këtë komunë. Sipas të dhënave statistikore llogaritet se aktualisht Tetova ka të regjistruara rreth 50 mijë makina.

read more
VendiVideo

GOSTIVAR: FILLON NDËRTIMI I SHTEGUT EKO-REKREATIV GOSTIVAR-VËRTOK.

331

Në Gostivar sot filluan punimet për ndërtimin e shtegut eko-rekreativ nga qendra e Gostivarit deri ne Vërtok, ky shteg eko-rekreativ do te fillojë nga parku i qytetit dhe do përfundoj tek burimi i lumit Vardar në fshatin Vërtok, kryetari i komunës së Gostivarit z.Nevzat Bejta theksoi se ky projekt është mjaft i rëndësishem për qytetarët e Gostivarit, pasi tani do të kenë edhe një vend më teper për rekreim.

“Ne kemi arritur që nëpërmjet fondeve IPA, programit dy të bashkëpunimit ndërkufitarë, në bashkëpunim me komunën e Dragashit të Republikës së Kosoves dhe komunës së Gostivarit, kemi nxjerrë mjete nga IPA, programe nga fonde të bashkësisë evropiane për të ndërtuar shtegun përrethë lumit Vardar, është një shteg shumë i rëndësishëm për ecjen e qytetarëve.Qytetarët thonë se për njerëzit të cilët kanë problem me shëndetin, me zemrën, ky shteg bëhet për të gjithë qytetarët pa marr parasyshë a kanë problem shëndetësor. Do ketë 200 shtylla elektrike, do ketë karrike për pushim, do ketë një ndërtesë për vëzhgimin e qytetarëve të cilët do të ecin. Ky projekt do të kushtojë totalisht me gjitha shpenzimet administrative afër 280 mijë euro.Projekti i cili duhet të realizohet, që do të investohet në realizimin e projektit është afër 190 mijë euro dhe ky projekt do të ju shërbejë qytetarëve të Gostivarit dhe gjithë atyre qytetarëve te cilët do të detyrojnë që ta shfrytëzojnë ketë shteg i cili është shumë i rëndësishëm për qytetarët e Gostivarit dhe të tjerëve.” – kryetari i komunës së Gostivarit, Nevzat Bejta.

Mjetet e ngelura nga ky projekt, me vlerë prej 88 mijë euro do të shfrytëzohen për përgatitjen e dy studimeve tjera edhe atë për studimin e zhvillimit të turizmit në territorin e komunës së Gostivarit si dhe studimi për bio-diverzitetin e lumit Vardar. Projekti rekreativ financohet nga IPA, fondet e bashkimit evropian ndërsa partner implementues i projektit është shoqata e peshkatarëve “Bash Vardar” me seli ne Gostivar.

read more
VendiVideo

TETOVË: MBI 500 MUZIKANTË NË FESTIVALIN TEHO

321

Këtë fundjavë, Tetova do të jetë mikpritëse e artistëve të muzikës korale nga vendet e rajonit të cilët vijnë në festivalin ndërkombëtar të këtij zhanri, TEHO 2015.Tetova njihet si një ndër qytetet e rralla të vendit ku prej vitesh është punuar në rrafshin e të kënduarit koral. Dëshmi për këtë është edhe Festivali i këtij lloji të muzikës, i cili këtë fundjavë, të shtunën e të dielën do të mbahet për të njëzetekatërtën herë.

 “Festivali i sivjetëm do të zgjasë dy ditë,13-14 qershori. Pjesëmarrjen e kanë konfirmuar dhe me programin e tyre do të marrin pjesë katër kore nga bota e jashtme  dhe njëmbëdhjet kore nga Republika e Maqedonisë. Kemi shfaqur kujdes  që vendet tona fqinje, që e rrethojne Republiken e Maqedonisë, të jenë të pranishme  në Festival, kështu që sivjet do të paraqiten kore nga Shkodra-Shqipëri, Bllagoevgradi-Bullgari, Knjazhevc-Sërbi dhe nga Peja-Kosovë” – theksoi Ivica Zoriq

Ivica Zoriq thotë se pret që në këtë revistë të artit të defilojnë kompozitorë e artistë me vlera të larta dhe jo pak – mbi 500!  Festivali TEHO, pikërisht për shak të vlerave  dhe kritereve të përcaktuara, tash 18 vjet ka marrë atributin e festivalit ndërkombëtar. Të shohim se çfarë kanë për të qenë prurjet e tij të sivjetshme!

read more
VendiVideo

FILLOI MATURA SHTETËRORE

336

Maturantët iu nënshtruan provimit shtetërorë, i cili ka për qëllim ngritjen e njohurive të nxënësve dhe objektivitetin gjatë notimit të mësimdhënësve. Nga drejtoria e Gjimnazit të Tetovës, thonë se procesi i testimit është zhvilluar qetë dhe pa ndjonjë problem, duke anashkaluar vonesën prej 15 minutash për fillimin e testimit. Andaj për këtë çështje, drejtori i gjimnazit të Tetovës u shpreh – “Unë mendoj që nxënësit kanë qenë të përgatitur dhe besoj se do ta realizojmë maturën shtetërore në mënyrën si i takon gjimnazit”.

Nga byroja për zhvillimin e arsimit, tregojnë se në testim kanë marrë pjesë 2100 maturantë. Nxënësit kanë qenë të mbikqyrur gjatë testimit nga 220 kontrollues .

“Testimi zgjati 240 minuta, gjejësisht 4 orë. Provimi i dytë do organizohet ditën e Hënë, nga lënda e Gjuhës Angleze, Gjermane apo ndonjë program tjetër mësimor që organizohet në kuadër të  shkollave të mesme profesionale, gjimnazore dhe artistike” – deklaroi Fadil Lushi, BZHA.

Ndërkaq, nxënësit nuk kanë hasur në pengesa gjatë testimit, ata thonë që testi nuk ishte i vështirë. Sikundër shprehen edhe ata: “Ishim përgatitur, materiali përfshinë 4 vitet dhe ishte një test gjithëpërfshirës, përgjithësisht mund të themi që kaloi mirë”. “Shumë mirë, me sukses ishte” “Kanë qenë të gjitha të përfshira, ishin edhe nga viti i katërt, ata që i kemi mësuar”.

Rezultatet përfundimtare nga testimet eksterne për kandidatët do të jenë të qasshme mbrenda 30 ditëve nga zbatimi i testimit të fundit ekstern. Qendra shtetërore e arsimit, njoftoi se matura shtetërore do të implementohet në pajtim me konceptin e deritanishëm për maturën shtetërore dhe testimi përfundimtar, gjegjësisht dhënia e testeve, do të bëhet vetëm me shkrim dhe lënda e matematikës do të jetë lëndë e përzgjedhur për të gjithë nxënësit.

read more
VendiVideo

SHKUP: DEBAT PËR MEDIAN DHE INTERESIN PUBLIK

247

Në organizim të Qendrës për Zhvillimin e Medias e me mbështetje të USAID-it, në Shkup u zhvillua një konferencë tematike lidhur me rolin e medias dhe interesin e publikut. Folës të shumtë kanë kritikuar realitetin actual në lëmin e informimit duke kërkuar që pushteti të mos ushtrojë presion mbi median. Arritja e marrëveshjes politike për t’I dhënë fund krizës në vend, mbase mund të ndikojë edhe në vendosjen e një klime të re të mirëbesimit mes pushtetit dhe medias. Danka Derifaj, është anëtare e Këshillit Drejtues të Shoqatës së Gazetarëve në Kroaci. Duke folur për TV Art, Darifaj thotë se gjatë disa muajve të fundit ka qëndruar në Shkup për të mbuluar zhvillimet aktuale dhe përshtypjet nuk i ka aspak të mira. E pyetur se çfarë është pozita e medias dhe niveli I gazetarisë në vendin e saj, e si e shikon këtë tek ne, Darifaj thotë se për dallim të Kroacisë ku ende mund të pyesni politikanët apo edhe kryeministrin, në Maqedoni kjo është vështirë të bëhet: ‘Ekzistojnë mënyra që të përballeni me këto presione dhe ato janë më të sofistikuara. Për sa shikoj, ke ju situata është vërtet represion i hapur. Në fakt unë e kam ndjerë këtë në lëkurën time: isha në gjendje që t’i shtroja pyetje kryeministrit tuaj, zotit Gruevski, dhe nga kolegët lokalë përjetova që, kur ai tha se nuk jep deklarata, askush nuk u mundua të pyes, edhe pse të gjithë kishin ardhur me të njëjtin qëllim, si dhe unë, të pyesnin për situatën aktuale që po zhvillohej nëpër rrugët maqedonase ku protestat vazhdonin ditë me radhë dhe të gjithë prisnin se çfarë do të thotë Kryeministri. Në çdo vend normal pritet që kryeministri të flasë në një situatë kaq të jashtëzakonshme,’- thotë për TV Art, D. Darifaj. Dejan Georgievski, kryetar i Qendrës për zhvillimin e medias, ndërkaq beson se marrëveshja e arritur me liderëve të kartë partive kryesore për t’i dhënë fund krizës politike në vend, mund të sjellë ditë të mira edhe për median: ‘Duket ashiqare se shumë punë do të duhet të ndryshojnë. Edhe në legjislacion, edhe ne mënyrën e sjelljes së medias, në reagimin e tregut. Ideja jonë është që tani të nisim debatin për më shumë çështje madhore që kanë të bëjnë edhe me median edhe me gazetarinë, me lirinë e informimit, si një pjesë më e vogël e një tablloje më të madhe që quhet media,’- përfundon Georgievski. Maqedonia, në analizat e organizatave ndërkombëtare që mbulojnë mediat, ka marrë vlerësime tepër kritike. Mbi të gjitha autoritetet qendrore janë apostrofuar si ushtrues të presionit mbi gazetarë, por edhe pronarë të mediave. Një segment tjetër vazhdon të mbetet statusi ende i pazgjidhur i Servisit Publik (TVM-së), i cili financohet nga taksapaguesit dhe konform kësaj kërkohet të mos jetë vetëm servis i partisë në pushtet. / S.Xh/

read more
VendiVideo

SHTËPITË E VJETRA – SI TË RUHEN?

187

Shtëpitë e vjetra janë pjesë e objeketeve të arkitekturës profane të cilat paraqesin pasuri kulturore të një vendi, pasuri e cila nuk i mungon qytetit të Tetovës.Fakti se shumica e këtyre objketeve janë ndërtuar gjatë shekullit të 19, bën të domosdoshme nevojën për mirëmbajtje dhe rindërtim të të njejtave.

Sipas të dhënave zyrtare të qendrës nacionale për konservim, qyteti i Tetovës numëron rreth 20 shtëpi të vjetra të cilat janë ndërtuar nga shekulli 19, shtëpi këto të banuara nga familje pashallarësh e dijetarësh, ndër to ende ekzistojnë edhe shtëpia e Mehmet Beut, shtëpia e Doktor Xhafer Efendiut, ajo e Nasuf Abdurrahmanit, e të tjera, të cilat e karakterizojnë këtë qytet.

Këto shtëpi kanë qenë të ndërtuara në vitet 70’, në një pjesë të postës, në pjesën e Qendrës së Kulturës, duke ndërtuar një aglomeracion d.m.th  një vendbanim të sheshtuar rreth lagjes GAMGAM dhe SAHAT. Por, sa kujdesen institucionet përkatëse për këto vlera kulturore .

“Qendra nacionale për konservim ka pasur ndërhyrje për restaurim , konservim, dhe bëri përpjekje maksimale që këto vlera të arkitekturës sonë qytetare të mbrohen edhe më tutje. Por, asnjëherë nuk mjaftojnë mjetet që ndahen nga buxheti i ministrisë së kulturës në kuadër të programit vjetor për interesin nacional kulturor, dhe shpresoj se edhe siç kemi planifikuar duhet të bëhen përpjekje maksimale që të inkuadrohen edhe shoqatat joqeveritare , agjencitë e ndryshme ndërkombëtare, komuna e kështu me rradhë”-thekson Behixhudin Shehapi

Këto objekte udhërrëfyese për këtë qytet janë pasuri të trashëguara nga periudha osmane, edhe pse shumë prej tyre nuk ekzistojnë më me ndryshimin e planit në qendrën e qytetit nga periudha e viteve 50/60. Ndërkaq , shumica prej tyre  kanë qenë të vendosura rreth xhamive kryesore të vendit.

read more
1 904 905 906 907
Page 906 of 907