close

Teknologji

Teknologji

Apple zhvendos 25 për qind të prodhimit të iPhone-ëve në Indi

D725C8D7-ACA4-44B8-8272-4AA40CCA16A9

Gjiganti Apple pritet të zhvendosë prodhimin e një të katërtës së iPhone-ëve të tij në Indi deri në vitin 2025.

Parashikimi vjen për shkak të rritjes së tensioneve gjeopolitike dhe bllokimeve të përsëritura në vend për shkak të Covid-19.

Sipas kompanisë, Apple është gati të zhvendosë prodhimin e të paktën 5% të modelit të ri iPhone 14 në Indi deri në fund të këtij viti.

Gjithashtu Apple pritet të zhvendosë prodhimin nga Kina me të paktën 25% të të gjitha produktet e tij, përfshirë iPhone, Mac, iPad, Apple Watch dhe AirPods deri në vitin 2025.

read more
Teknologji

“Screen recording” nuk do duhet më, WhatsApp po shton opsionin e ri

whatsapp-1

WhatsApp do mundësojë shpërndarjen e mesazheve zanore si përditësim i statusit. Në këtë  mënyrë, mund të ndani mesazhe të shkurtra zanore me kontaktet tuaja. Nëse më parë përdornit opsionin “Screen recording” në celular për të ndarë një mesazh zanor, tani do jetë më e thjeshtë.

WBetaInfo, të cilët testojnë opsione të reja në aplikacion, thanë se kjo risi është në versionin beta të tij, në pajisjet Android.

“Kur dëshironi të postoni një përditësim të ri statusi, mund të zgjidhni ngjyrën e sfondit dhe mesazhi zanor do të shfaqet në formën e një flluske. Gjatësia maksimale e mesazheve do të jetë 30 sekonda”.

Nuk dihet ende se kur do të lançohet kjo risi për të gjithë përdoruesit./tvklan.al

read more
Teknologji

Keqpërdorimi i të miturve në rrjetet sociale është në rritje

9FC2A29C-D4F2-4E24-8027-1D9894C845F2

Mbi 95 për qind e popullsisë në vend janë përdorues të internetit dhe si pasojë e kësaj, keqpërdorimi i të miturve në rrjetet sociale është në rritje. Sipas sociologeve dhe ekspertëve, ky fenomen ka pasoja të rënda për të ardhmen e fëmijëve dhe se familjet e institucionet përgjegjëse duhet të bëjnë me shumë për sa i përket sigurisë së fëmijëve gjatë përdorimit të internetit.

Keqpërdorimi i të miturve në rrjetet sociale është në rritje dhe se raportimi i rasteve mbetet sfidë, pasi që në Kosovë mbi 95 për qind e popullsisë është përdorues i internetit dhe një pjesë e madhe e tyre janë të mitur. Se kjo situatë është shqetësuese dhe është jashtë çdo kontrolli e thotë në një përgjigje për Radio Kosovën eksperti dhe ish-Avokati i Popullit, Hilmi Jashari.

“Shqetësuese është moskufizimi i qasjes i cilësdo moshë në ueb faqe që konsiderohen ose janë të ndaluara në vendet e tjera për arsye të tjera. Kriteri tjetër që duhet të ekzistonte së paku është të identifikohen ata të cilët hyjnë në këto ueb faqe, të gjurmohet që të ketë një gjurmë eventualisht për vlerësimin e të dhënave që mbikëqyren. Ajo që është edhe më keqe është ekspozimi edhe në mediet publike dhe private”, ka theksuar Jashari për RTK-në.

Po ashtu, ai tha se pasojat nga ekspozimi i të miturve në rrjetet sociale janë shumë të mëdha sa që sipas disa studimeve të bëra, edhe ADN- ja e këtyre personave ndryshon në moshën madhore si pasojë e keqpërdorimit të tyre në rrjetet sociale.

“Aq i thellë është ndikimi sa që në shkencë është vërtetuar që ai person në moshën madhore pëson ndryshim të ADN-së. Kaq i thellë është ndikimi për të cilën ne nuk jemi të vetëdijshëm dhe unë, sa isha në pozitën e Avokatit të Popullit, e pata bërë një publikim të kësaj natyre për t’i vetëdijesuar institucionet përgjegjëse për të kuptuar se sa i madh është ndikimi. Por, për fat të keq, nuk pati ndonjë reagim pozitiv të institucioneve që merren me trajtimin shëndetësor, social dhe atë psikologjik dhe për të njoftuar edhe popullatën se çfarë ndikimi mund të kenë sjelljet e tilla te fëmijët dhe në përgjithësi”, ka shtuar Jashari.

Se pasojat janë të mëdha gjatë abuzimit të fëmijëve në rrjetet sociale e thotë për Radio Kosovën edhe sociologu Shkodran Ramadani, që është edhe drejtor i Qendrës për Studime të Avancuar e që kanë organizuar studime të ndryshme në lidhje me këtë çështje. Po ashtu, të miturit që keqpërdoren në rrjetet sociale, në të ardhmen do të bullizohen, tha Ramadani.

“Numri i ulët i raportimit nuk është thjesht mos ekzistencë e këtij fenomeni, por ekziston një lloj hezitimi dhe frike për ta raportuar rastin për arsye se në disa raste të caktuara raportimi i rastit nënkupton edhe shpërndarje më të madhe të materialeve. Por frika tjetër është edhe bullizimi”, ka theksuar Ramadani.

Ndërkaq, Policia e Kosovës në një përgjigjeje përmes postës elektronike i tha Radio Kosovës se hapësira kibernetike vazhdon të jetë ambient i përshtatshëm për keqbërësit për kryerjen e veprave të ndryshme penale, duke përdorur programe kompjuterike dhe se qytetarët nuk kanë njohuri të mjaftueshme për rreziqet. Policia bënë të ditur se nuk disponojnë të dhëna të ndara për rastet e mashtrimeve online, sepse rastet evidentohen ashtu siç janë te përkufizuara sipas kodit penal te RKS-së.

read more
Teknologji

Denoncuesi i Twitter-it, apel për masat e sigurisë

Screenshot_12

Ish-shefi i sigurisë së kompanisë Twitter dëshmoi para një komisioni të Senatit të martën se ish-punëdhënësi i tij kishte përparësi fitimet duke injoruar shqetësimet e sigurisë që ai tha se rrezikonin që informacioni i përdoruesve të binte në duar tee gabuara. Senatorët amerikanë shprehën shqetësimet për dobësitë e sigurisë në Twitter, ndërsa ish-shefi i sigurisë nënvizoi shqetësimet serioze për platformën me ndikim të mediave sociale.

I thirrur para Komisionit të Senatit amerikan për Drejtësinë Peiter “Mudge” Zatko, dëshmoi se Twitter-it i mungonin masat bazë të sigurisë dhe kishte një qasje të lirë për marrjen e të dhënave midis punonjësve, duke e lënë platformën të hapur ndaj rreziqeve të mëdha. Ai tha se nuk po i bënte këto deklarata “për inat ose për të dëmtuar Twitterin”.

“Ajo që vura re, kur ne e dinim se një person i brendshëm vepronte në emër të një interesi të huaj si agjent i paregjistruar, ishte jashtëzakonisht e vështirë për të gjurmuar njerëzit. Kishte mungesë aftësie për të parë se çfarë po bënin, çfarë informacioni po merrnin ose për të përmbajtur aktivitetet e tyre, e lëre më të vendoseshin hapa për riparimin dhe rindërtimin e mundshëm të ndonjë dëmi. Atyre thjesht u mungonin aftësitë themelore për të ndjekur agjencitë e huaja të inteligjencës dhe për t’i dëbuar ato“.

Si demokratët ashtu edhe republikanët shprehën shqetësimin se dobësitë e Twitter-it mund të përbëjnë një kërcënim për sigurinë kombëtare.

“Unë nuk do t’i jepja saktësisht një notë kaluese Twitter-it kur bëhet fjalë për sigurinë e informacionit që ata kanë mbledhur. Tani, më lejoni t’ju pyes, si do t‘i vlerësonit agjencitë qeveritare që kanë njëfarë përgjegjësie për t’u siguruar që privatësia dhe siguria e konsumatorit amerikan mbrohet, për shembull, Komisionin Federal të Tregtisë, Komisionin e Shkëmbimit të Letrave me Vlerë dhe të tjerët?”, pyeti senatori Dick Durbin.

“Sinqerisht, mendoj se Komisioni Federal i Tregëtisë është i mbingarkuar. Ata kanë sfida me kompanitë e mëdha të teknologjisë. Ata i lënë kompanitë të vlerësojnë vetë punën e tyre. Dhe mendoj se kjo është një nga sfidat e mëdha”, tha eksperti i sigurisë kibernetike.

Ish punonjësi i Twitterit, i cili radhiti një numër shqetësimesh më parë në një ankesë prej 84 faqesh drejtuar Komisionit të Letrave me Vlerë dhe Shkëmbimeve dhe agjencive të tjera rregullatore të qeverisë amerikane, tha se stimujt ekzekutivë i detyrojnë drejtuesit e Twitter të kenë përparësi fitimet mbi sigurinë.

Shefi Ekzekutiv i Twitterit, Parag Agrawal refuzoi të paraqitej vullnetarisht para komisionit të martën. Senatorët Durbin dhe Grassley u thanë gazetarëve se do të diskutojnë një thirrje të detyruar për ekzekutivin e Twitterit.

Pas dëshmisë së zotit Zatko, Twitteri njoftoi se aksionerët e tij kanë miratuar një ofertë për blerjen prej 44 miliardë dollarësh nga shefi ekzekutiv i Teslës, Elon Musk. Por që kur bëri ofertën, miliarderi e ka ndërprerë marrëveshjen, duke akuzuar Twitterin se ka keqinterpretuar numrin e përdoruesve autentikë. Twitteri e ka kundërshtuar dhe çështja është planifikuar të dëgjohet në një gjykatë në Delaware muajin e ardhshëm. /VOA

read more
Teknologji

Koreja e Jugut gjobit me miliarda Dollarë Google dhe Meta për shkelje të privatësisë

thumbs_b_c_a501c303ace130e070300127b0c2a79e

Seuli akuzon kompanitë se nuk i kanë informuar përdoruesit se do t’i përdornin informacionet e tyre

Koreja e Jugut ka gjobitur me miliona Dollarë platformën Alphabet të Google dhe ato të kompanisë Meta, pas akuzave se kompanitë kanë shkelur ligjet për privatësinë.

Përmes një deklarate, Komisioni për Mbrojtjen e Informacioneve Personale tha se Google është gjobitur me 50 milionë Dollarë, ndërkaq Meta me 30.8 milionë Dollarë. As Google dhe as Meta ende nuk kanë komentuar për këtë vendim të Seulit.

Paneli për privatësi tha se firmat nuk i kanë informuar qartë përdoruesit e shërbimit dhe nuk kanë marrë pëlqimin paraprak kur mbledhin dhe analizojnë informacione të sjelljes për të nxjerrë në pah interesat e tyre ose për t’i përdorur ato për reklama të personalizuara.

Koreja e Jugut tha se këto firma po ashtu nuk i kanë informuar përdoruesit se informacionet e nxjerra do t’i përdornin për reklama të personalizuara.

Klan News

read more
Teknologji

Pa aplikacione shtesë, Instagram konfirmon testimin e “repost”

ig

Instagram po teston një opsion të ri që do i lejojë njerëzit të ripostojnë postimet e të tjerëve në profilin e tyre.

Në videon e postuar nga shefi i platformës sociale, Adam Mosseri, ai demonstron si përdoret opsioni i Arkivës, por kur hap profilin e tij, shihet një tabelë për “repost”, që ndodhet ngjitur me ndarjet e fotove,  “reels” dhe etiketimeve.

Rrjeti social ka konfirmuar për “TechCrunch” se po planifikon të testojë butonin e ri me një numër të vogël përdoruesish. Sipas faqes, ky buton do të mbajë të gjitha postimet që përdoruesit kanë shpërndarë në llogaritë e tyre.

Shumë përdorues shpërndajnë postime në mesazhet private ose InstaStory, por nuk ka një mënyrë direkte për të ndarë postimin e një llogarie tjetër në profilin personal.

Aplikacione të palës së tretë ofrojnë këtë shërbim, por shtimi i opsionit do të shkurtonte nevojën e shkarkimit të njërit prej tyre./tvklan.al

read more
Teknologji

Prezantohet iPhone 14, zbuloni risitë dhe sa kushton

iphone14promax

Gjatë eventit të Apple ‘Far Out’ të mbajtur pasditen e sotme janë prezantuar modelet e reja të iPhone 14 dhe versionet Pro së bashku me AirPods Pro, Apple Watch Ultra dhe Watch Series 8. Për iPhone 14 janë prezantuar 4 versione 14, 14 Plus, Pro dhe Pro Max, të gjithë me bateri që zgjat ‘gjithë ditën’.

Shitjet e para do të nisin më 16 Shtator me një çmim fillestar prej 999$ për versionin e ri iPhone 14 Pro 1099 Dollarë për iPhone 14 Pro Max. Modelet e reja vijnë në 4 ngjyra si lejla e errët, ngjyrë ari, argjend dhe të zezë.

I bërë për të rezistuar gjatë me material qeramike ndërthurur me çelik, rezistent ndaj ujit modelet e reja vijnë në dy përmasa ekranesh 6.1-inch modeli Pro dhe 6.7-inch Pro Max.

Risi tek modelet e reja është ‘ishulli dinamik’ që është një ndërthurje mes hardware dhe software për të shfaqur njoftimet, thirrjet e FaceTime dhe shumë funksione të tjera. Përmes këtij funksioni ju mund të bëni disa gjëra njëkohësisht në telefonin tuaj, ku përveç njoftimeve mund të kontrolloni muzikën, hartën apo aplikacione të tjera ndërkohë që jeni duke luajtur apo shkruajtur me miqtë.

“Fotoja juaj, shkrimi juaj, widgets tuaja, iPhone juaj”

iOS 16 ju lejon ta përshtasni ekranin tuaj sipas preferencave tuaja me më shumë kontroll.

Ekrani i ri është 2 herë më i shndritshëm se më parë, edhe gjatë ditës me diell.

Tani ju nuk do të humbisni kurrë me telefonin tuaj dhe shërbimin satelitor (të disponueshëm nga muaji Nëntor) flijeni mendjen. Nuk keni pse të shqetësoheni më për operatorin tuaj telefonik apo Wi-Fi, sepse iPhone ju mundëson të dërgoni mesazhe përmes satelitëve.

Ky shërbim do të ofrohet falas për 2 vite për gjithë blerësit e modeleve të reja.

Kamera e re 48MP me sensorin quad-pixel mundëson 4 herë më shumë cilësi, ndërsa videot në cinematic mode në 4K HDR me 24 frames për sekond janë me cilësinë më të lartë që mund të xhironi me çdo telefon.

Modelet e reja vijnë me A16 Bionic, ndërsa bateria zgjat gjithë ditën. Deri në 29 orë kohëzgjatje duke luajtur video në modelin Pro Max dhe deri në 23 orë me versionin Pro.

Gjërat bëhen më të lehta me eSIM. Tani në iPhone nuk do të duhet të vendosni një kartë fizike, por mjafton të konfiguroni telefonin në mënyrë dixhitale me ofruesin e shërbimit tuaj telefonik.

Përmes eSIM ju mund të shtoni disa numra dhe plane të ndryshme në të njëjtin telefon. Pra, mund të përdorni më shumë se 1 numër në telefonin tuaj.

Rezervimet për modelet e reja kanë nisur dhe ju mund të bëni tuajin iPhone 14 duke filluar nga 799$ për modelin e thjeshtë 128GB iPhone 14 deri në 1599$ për versionin 14 Pro Max 1 TB. /tvklan.al

read more
Teknologji

Të filmuara me teknologjinë e fundit, shfaqen pamjet e rralla të Titanikut

titaniku

Pamjet e reja të Titanikut të filmuara me teknologjinë më të fundit, shfaqin anijen e fundosur siç nuk është parë kurrë më parë.

Rezolucioni më i lartë në botë, 8K është dyfish më i pastër se një televizor 4K. Niveli i detajeve dhe ngjyrave në ekspeditën më të fundit të mbytjes 110-vjeçare.

Videoja është filmuar nga Ocean Gate gjatë eksplorimit në vitin 2022 në vendin e mbytjes, i cili ndodhet thuajse 4 kilometra nga sipërfaqja e Atlantikut.

Në të shfaqet bashi i anijes së famshme, që u mbyt pas përplasjes me një ajsberg më 15 Prill 1912. Karakteristika të anijes, si emri i ndërtuesit të spirancës, janë të dallueshme. Mekanizmi që shërbente për ulje-ngritjen e spirancës 15-tonëshe mund të shihet ende në kuvertën e saj si dhe hallkat e kapura pas direkut kryesor.

Disa struktura rrumbullake përgjatë kangjellave të brendshme, dikur mbanin litarët e lidhur pas shtyllave të ankorimit që e bllokonin pajisjen detare 269-metërshe në port.

Pamjet tregojnë gjithashtu nga dy trupat e Titanikut, zinxhirin e tij të madh të ankorimit (secila hallkë peshon rreth 90 kilogramë), një nga gjashtë vaskat e ngarkesave të Titanikut dhe kaptanet e ngurta prej bronzi të anijes./tvklan.al

read more
Teknologji

Nesër prezantohet iPhone 14

504EB306-1DE5-408C-857B-08578E37508A

Apple nesër do të mbajë eventin vjetor të saj. Prezantimi i iPhone 14 padyshim që është momenti më i pritur për të gjithë. Në këtë mbrëmje do të prezantohen edhe modelet e reja të Apple Watch dhe AirPod.

Apple pritet të lansojë katër modele të reja të iPhone që ka gjasa të quhen iPhone 14.

Pajisjet e reja do të kenë kamera të përmirësuara dhe versionet më të shtrenjta të iPhone 14 Pro mund të kenë një prerje më të vogël në formë pilule në pjesën e sipërme të ekranit të pajisjes kundrejt “notch”-it që kanë iPhone-ët aktualë dhe thuhet se do të përfshijnë ekrane gjithmonë të ndezura.

AirPodët e rinj do të jenë përditësim i atyre që dolën në shitje në tetor të vitit 2019, shkruan Indeksonline.

AirPods Pro i ri nuk do të ketë një dizajn dramatikisht të ndryshëm nga ata të mëparshmet.

Ato do të kenë procesorin H1, për cilësi të përmirësuar audio dhe jetëgjatësi të baterisë.

Kufjet pritet gjithashtu të vijnë me një kuti karikimi të ridizajnuar që përmban aftësi më të fuqishme./Indeksonline/

read more
Teknologji

Instagram gjobitet 405 milionë euro për shkelje të privatësisë së fëmijëve

6FFF184C-8DBE-463C-AFDC-87C8F1B12F4C

Regullatorët irlandezë kanë gjobitur rrjetin social Instagram me 405 milionë euro për shkelje të privatësisë së fëmijëve. Në ankesë paraqiteshin shkelje sa i takon të dhënave të fëmijëve, veçanërisht për numrat e tyre të telefonit dhe adresat e emailit.

Nga ana tjetër, kompania në pronësinë e të cilës është Instagram, Meta ka thënë se ka në plan që të apelojë vendimin. Kjo është gjoba e tretë që kësaj kompanie i vjen nga rregullatori iralndez.

“Ne miratuam vendimin tonë përfundimtar të premten e kaluar dhe ai përmban një gjobë prej 405 milionë € (349 milion £),” tha Komisioneri i Mbrojtjes së të Dhënave të Irlandës (DPC).

Ndërkohë një zyrtar i kompanisë Meta tha për BBC News: “Ky hetim u fokusua në cilësimet e vjetra që i përditësuam më shumë se një vit më parë dhe që atëherë kemi sjellë shumë veçori të reja për të ndihmuar në mbajtjen e adoleshentëve të sigurt dhe informacionin e tyre privat. Çdokush nën 18 vjeç e ka automatikisht llogarinë e tij private kur i bashkohet Instagramit, kështu që vetëm njerëzit që njohin mund të shohin se çfarë postojnë dhe të rriturit nuk mund t’u dërgojnë mesazhe adoleshentëve që nuk i ndjekin. Ne nuk jemi dakord me mënyrën se si është llogaritur kjo gjobë dhe synojmë ta apelojmë atë.

DPC është rregullatori i kompanive të mëdha të teknologjisë me seli evropiane në Republikën e Irlandës. Asnjëherë më parë, ky rregullator nuk ka vendosur një gjobë kaq të madhe për një shkelje të Rregullores së Përgjithshme të Mbrojtjes së të Dhënave të Bashkimit Evropian.

Vitin e kaluar, kjo kompani gjobiti WhatsApp-in 225 milionë euro, ndërsa Autoriteti i të Dhënave të Luksemburgut gjobiti Amazon me 746 milionë euro./ tvklan.al

read more
1 2 3 18
Page 1 of 18