Firmat kripto po përpiqen të gjejnë institucione për ‘banking’ pas rënies së Signature Bank dhe Silvergate Capital, dy huadhënëse që ishin miqësore me kompanitë e monedhave dixhitale. Disa prej këtyre kompanive janë kthyer drejt bankave zvicerane miqësore me kriptot, duke i mbushur me kërkesa për shërbime bankare, sipas disa të brendshëm të industrisë.
Në mënyrë tipike, industria e kriptove e ka të vështirë të aksesojë shërbimet bankare nga huadhënësit tradicionalë, të cilët nuk duan të prekin asgjë që nuk ka një kuadër të qartë rregullator. Kjo ka përfshirë firmat blockchain dhe kripto, të cilave u është dashur t’i drejtohen bankave të specializuara.
Por me dy nga huadhënësit më të mëdhenj, së bashku me SVB-në, tashmë jashtë skenës, firmat e kriptomonedhave janë kthyer në Zvicër, e cila ka kërkuar të shihet si një qendër kriptosh me rregullore solide. “Ne jemi të përmbytur me kërkesa,” tha një këshilltar në një bankë private zvicerane, i cili preferoi të mbetet anonim për shkak të natyrës së ndjeshme të çështjes.
Këshilltari tha të hënën pas mbylljes së Silvergate dhe Signature Bank këtë muaj, se huadhënësi privat kishte më shumë kërkesa brenda një dite të vetme se kurrë më parë. “Kjo është thjesht e frikshme,” tha këshilltari.
Kërkimet kanë ardhur pavarësisht trazirave në sektorin bankar zviceran pasi Credit Suisse u ble përfundimisht nga UBS në një marrëveshje të ndërmjetësuar nga rregullatori për të frenuar përhapjen e huadhënësve të tjerë. Episodi ka vënë reputacionin e Zvicrës si një qendër e qëndrueshme financiare në linjë, por nuk i ka penguar kompanitë e kriptove.
Këshilltari tha se “problemi është ende atje” për sa i përket firmave të kriptos që ende kanë nevojë për shërbime bankare, duke shtuar se njerëzit po e shohin incidentin e Credit Suisse si një “rrezik të vetëm fatkeq” me një bankë individuale.
/ SCAN
